قطع غيار لهوندا مش هوندا

**tarekzein** · 15-03-2011 11:42 AM

دلوقتى إحنا شوفنا تجربة زميلنا ريمون اللى مركب كباس ميكروباص تويوتا لعربيته الهوندا وشغااال معاه زى الفل

وأنا إمبارح بغير زيت لقيت الفلتر اللى راكب هيونداى مش هوندا فغيرته بهيونداى أصلى بـ15 جنيه

متهيألى أرخص من فلتر الهوندا

وبرضه كباس التويوتا أرخص من كباس الهوندا

طيب الحاجات دى بسيطه ومش مؤثره قوى بس يتفرق جامد جدا فى المصروفات

ياترى حد عنده معلومات تانيه عن تجربه

وألا أيه النظام

**SAMEH_FOUAD** · 15-03-2011 12:43 PM

طارق باشا حبيبى

اية الاخبار

بالنسبة لقطع الغيار الكورى وبالتحديد النترا من اول موديل 2007 ففية بعض قطع الغيار فعلا بتركب على الهوندا

بس اية بقى اضرارها واثارها ؟؟

لما تركب مثلا فلتر الزيت الخاص بالالنترا الاصلى تمنة برة ب25 جنية مقابل 45 جنية لفلتر الهوندا الاصلى بس الفرق بقى ان فلتر الهوندا اشد بكتير من فلتر الالنترا ودة عن تجربة ماتركبش فلتر غير فلتر الهوندا بالنسبة للزيت والاصلى بلاش اى حاجة

بالنسبة لفلتر الهواء مالوش تأثير واضح على العربية غير بس فى الخامة المصنوعة منة

بالنسبة للكباس فبيختلف من نوع لاخر على حسب قوة الماتور يعنى ماتركبش كباس ماتور بتاع 1300 على ماتور 2000 سى سى وعايز تلاقى الدنيا ساقعة او العكس

وانصحك انك تركب كل حاجة اصلية او بتاعة هوندا اليابانى

**remon_talaat** · 15-03-2011 01:53 PM

ياااااااااااا انت فكرتنى بموضوع فلتر الزيت ده
انا مره روحت غيرت زيت وفلتر عند واحد وبعد مطلعت بالعربيه كل مبوص تحت العربيه القى نقط زيت ورحت لميكانيكى قالى افتح الكبوت وقالى يا باشا ده جوان الكرتيره عايز يتغير مكتنعتش بكلأمه رحت لى واحد تانى قالى ده الفلتر عايز يتربط عليه شويه بس وفعلأ عملو ومشت شويه تانى يوم لئتو بينئط تانى ....الرجال اللى غيرلى الفتلر كان حاطط فلتر هيونداى الصغير
رحت كشفت عند واحد تانى قالى الفلتر هو اللى بينئط وغيرت الفلتر وجبت بتاع هوندا وانا عندى sir هو الفلتر بتاع الهوندا كان نفس شكل الفلتر بتاع االهيونداى..... وبردو جاب زيت تانى وفى الأخر بعد مزهت روحت توشكى جبت فلتر بس هو شكلو كان مختلف شويه عن الأتنين التنين ....
وموضع الكباس ده بردو انا صرفت عليه كتير اوى انا كنت جبت كباسين بتوع sir وكانو بيتئلو المكنه اوى لكن الكباس التانى خفيف اوى على المكنه ...الواحد مبتعلمش بى بلأش .....D:

**No Comment** · 15-03-2011 03:09 PM

طيب بما أن الشئ بالشئ يذكر ... طيب لو قلنا أن فيه أنواع معينة من نفس قطع الغيار او الأجزاء الخاصة بالعربية بس ماركات وصناعات مختلفة وان كانت بتركب للهوندا فقط .
يعنى مثلاً : قاعدة ماتور ... فيه قاعدة تايلاندى مشهورة جداً اسمها rpi تقريباً الناس كلها بتشكر فيه عن الأصلى مع أن الأصلى بحوالى 175 أو 185 جنيه .
أو مثلاً طنابير أو تيل فرامل عربية فيه موجود منها اليابانى ومنها صناعات اخرى المانى او اسبانى ...الخ .
وتلاقى الناس بتشكر فى صناعات اخرى منها عن الأصلى .

**SAMEH_FOUAD** · 15-03-2011 07:56 PM

بالنسبة لموضوع الفلتر دة ياطارق باشا هو اى حد هيعرف ازاى ان الفلتر بتاع الالنترا دة كويس ومناسب للهوندا

عموما عشان بردة تبقوا عارفين : الفلتر ليه مهام وظيفية لازم تكون على اكمل وجة عشان تخدم المحرك صح وتوفرلة الزيت بمنتهى السهولة والنقاء

يعنى دلوقتى لازم يكون الفلتر ذات جودة عالية فى امتصاص الرايش اللى بيخرج من الماتور نتيجة الاحتكاكات الداخلية للمحرك ودة مش هيكون متاح غير لفلتر مصنوع من مواد خام عالية , ممكن يكون فلتر الهيونداى كويس لمثلا 2000 كيلو لكن هل تقدر تقارن جودتة بعد مثلا مايقطع 6000 كم هل هتكون واثق انة يقدر يلم الشوائب ومايسربهاش للمحرك وانت اصلا بتقعدة فى العربية مش اقل من 15000 الف كيلو لو بتحط زيت يتم تغيرة كل 7000 كم كمتوسط

* ايضا نقطة تانية لكل فلتر بيبقى لية شكل غير الاخر حتى مع اتحاد مقاس الصامولة اللى بتتربط فى الماتور , يعنى ممكن تلاقى الفلتر نفس صامولة الهوندا بس جسم الفلتر نفسة غير مساوى لجسم فلتر الهوندا وطبعا فى الحالة دية اكيد التصميم هيفرق معاك فى حاجات كتير ومش هتبان دلوقتى لأ بتبان على المدى البعيد

* انت بتقول ان مافيش فرق مابين فلتر الهيونداى وفلتر الهوندا , انا بقى جربت الاتنين واقولك ان فرق الخامات واضح جدا لفلتر الهوندا طبعا وان شاء الله عمرى ماهحط غير الاصلى

بالنسبة بقى لبقية قطع الغيار يااحمد دلوقتى دية شركات مصنعة فى اليابان بردة وبتصنع او فى تايلاند اى كانت نوع المنشأ

وعشان تبقى عارف ان اى مصنع سيارات بيصنع السيارة وبينتج مثلا بكمية معينة قطع غيار ليها , وبعد كدة بيدى المقاسات الاصلية ويشترط جودة خامات معينة تحت اشرافة تتطابق الاصل وتخرج القطعة تحت مسمى قطعة غيار اصلية لانها بيتم اختبارها لفترة معينة اذا تم اجتيازها يبقى كدة هما عملوا اللى عايزينة

بالنسبة بقى للشركات المنافسة فكل شركة بتخرج الاحسن اللى عندها عشان وبسعر تنافسى يمكن اقل من النصف من سعر القطعة الاصلية وبجودة تقل عنها من حيث العمر الافتراضى وليس فى الاداء

وبعدين ياباشا صناعة السيارات الحالية مش بتعتمد اعتماد كلى على المصنع يعنى المصنع مابيبقاش مخرج كل قطعة من العربية دية من انتاج المصنع لأ بيبقى مستعين بشركات مساعدة لامدادة بالقطع اللازمة

ومعلش ياباشا اللى بيخلى الناس تلجأ للشركات الاخرى هو القطع الغيار المبالغ فيها جدا يعنى لو انت عندك اربع قواعد سعر الواحدة الاصلى مثلا 250 يعنى الف جنية , لكن لو جيبتهم مثلا تايلاندى سعر الواحدة 125 وجميلة جدا واداءها مقارب جدا للاصلى يبقى انت كدة وفرت نص التمن

فية حاجات ماينفعش تجيبها غير اصلى حتى لو غالية وهية اجزاء الماتور الداخلية لازم كلها تبقى اصلى ( جوانات - حساسات - شنابر - سبايك الخ..........