عاوزين مصر محترمه --- ارفعوا الحصانه والامتيازات

**dode2002** · 15-03-2011 02:29 PM

السلام عليكم
انا عارف ان الموضوع سابق للاوان
وان الكلام كله دلوقتي عن التعديلات الدستوريه وانا شخصيا محتار حيرة القرود
المهم
لو فعلا بنحب مصر وعاوزنها احسن بلد في العالم يبقي لازم نعمل حملة كبيره عن رفع الحصانه والامتيازات عن اعضاء مجلسي الشعب والشوري
لو ده حصل يبقي فيه سؤال انا هوجهه ليكم كلكم
من الذي سوف يقوم بترشيح نفسه في الانتخابات ؟
منتظر الردود

**أحمد كمال** · 15-03-2011 02:35 PM

لو اترفعت الحصانة ساعتها ممكن السلطة التنفيذية تتدخل في التشريع بتهديد اعضاء المجلس و تسييرهم على هواها

انا ضد رفع الحصانة و لكن مع تشديد الاجراءات ضد اساءة استخدامها و توضيح كيفية رفعها مؤقتا لمحاسبة و محاكمة من يتهم بتهمة من اصحاب الحصانة .....

**epnmasr** · 15-03-2011 03:00 PM

كلام أستاذ أحمد كمال صح 100%
لكن وجهة نظر حضرتك أيضاً صح 100% ولازم يكون في حل وسط علشان نضمن أن يكون المرشحين شرفاء وعندهم رغبه في خدمة البلد مش تجارة المخدرات وتهريب الأثار وكلنا يعلم أن أكثر من نصفهم حاليا يفعلون ذلك والنصف الأخر يتاجر بالتأشيرات والأراضي والعقارات المدعّمه

**أحمد كمال** · 15-03-2011 03:08 PM

المشاركة الأصلية كتبت بواسطة dode2002

كلام حضرتك مظبوط
بس يمكن انا معرفتش اوصل فكرتي صح
انا اقصد رفع الحصانه فيما لايخص اعمال المجلس
بمعني هو بره المجلس زيه زي اي مواطن ليس له اي حصانه
انما داخل المجلس له الحصانه الكامله علي جميع الاقوال والافعال
وبعدين انا غير متخصص هي فكره تقبل النقض ولكن هدفي هو ابعاد مرشحي انفسهم لاغراض شخصيه
ولو فيه فكره احسن تؤدي لنفس الغرض يبقي ياريت نسمع من حضرتك

ماهو برضه ممكن يتلفق له تهمة برة المجلس و يتحبس

و دي تبقى ورقة ضغط من السلطة التنفيذية على السلطة التشريعية

الحصانة ضرورية من اجل فصل السلطات فصلا سليما .... احنا كنا بنعاني ان الحكومة و المجلس ايد واحدة ! ....

**Dr Ahmed** · 15-03-2011 03:53 PM

الأول نعرف الامتيازات اللى بيحصل عليها نائب مجلس الشعب واللى بتسهل له التربح من مركزه ثم بعد ذلك نفكر فى تعديلها

**M.Mosaad** · 15-03-2011 04:03 PM

طب ماحنا نشوف دول العالم المحترمه و النضيفه عامله ايه و نعمل زيها انا بصراحه معرفشي النواب في المانيا و فرنسا مثلا نظامهم ايه نشوف عاملين ايه و نقلدهم