هل يجب تسخين السيارة لانسر 2006؟

**a_saladen** · 15-03-2011 03:47 PM

السلام عليكم
لي صديق نصحني بعدم تسخين سيارتي اللانسر 2006 لفترة طويلة وذلك بسبب أن إشارة الموتور عندما تختفي في التابلوه بعد تشغيل الكونتاكت فهذا معناه أن السيارة جاهزة للإقلاع. أرجو الإفادة عن هذه المعلومة

**Dr Ahmed** · 15-03-2011 04:02 PM

لم أسخن لانسر أبدا والفارق بين إدارة المحرك والسير بالسيارة صباحا يقل عن دقيقة

الآراء بضرورة التسخين أو عدمه تفتقر لأى دليل والفيصل التجربة و بتجربتى لا أشعر بفارق

السيارة موديل 2007

**eldell** · 15-03-2011 04:08 PM

المشاركة الأصلية كتبت بواسطة dr ahmed

لم أسخن لانسر أبدا والفارق بين إدارة المحرك والسير بالسيارة صباحا يقل عن دقيقة

الآراء بضرورة التسخين أو عدمه تفتقر لأى دليل والفيصل التجربة و بتجربتى لا أشعر بفارق

السيارة موديل 2007

+1111111111111111
انا سمعت الكلام ده من قبل وجربت ملقتش اى اختلاف

**mr_vampire** · 15-03-2011 05:25 PM

بغض النظر عن في فرق او لاء بس بالمنطق كدة لابد من تركها تسخن عالاقل درجة حرارة غرفة الاحتراق تصل لدرجة حرارة مناسبة.

وعندي علي فكرة لازم تتساب فترة بسيطة ( لحد مامسح الزجاج بس ) واول مااركب لاقي مؤشر الحرارة بدء يعلي.

وكمان حاجة بلاحظ انها مبتقبلش دوسة البنزين لحد ماتسخن لان السخان بيبقي معليصوتها وبيوطا تدريجيا لحد ماتسخن. ( موديل 2001

نصيحة: دقيقتين تسخين قبل التحرك مش هتأخرك.

**bassem_sams** · 15-03-2011 08:19 PM

انا هنقل تجربتى لانسر 2009 مانيوال كامله

تسخين صبح او لما عربيه تكون باردة بيبقى مفيد بيخلى زيت موتور يتغلغل فى اجزاء موتور و يؤدى ان احتكاك يبقى اقل فتلاقى صوت موتور اهدى و استجابته افضل تانى حاجه حسيتها ان فتيس مانيوال بينقل بسهوله و خصوصا على تانى
بالنسبه لتسخين ممكن بيأخذ منى 5 -7 دقائق لأنى بنتظر وصول مؤشر الى واحد ار بى ام او اقل منه

**SAMEH_FOUAD** · 15-03-2011 08:59 PM

شوفوا ياجماعة موضوع ان العربية تتسخن دية مفيد جدا لاجزاء الماتور وبتقلل الاحتكاكات دية جدا لان اكتر وقت بتحصل فية الاحتكاكات والعربية باردة فعلى الاقل تستنى 3 دقائق ليس اكثر وبعد كدة تبدأ تتحرك بالعربية على شرط ان الاربى ام مايعديش 2500 لفة لح مالمؤشر يوصل لمعدلة الطبيعى

كدة انت بتحافظ على ماتورك وبردة نوع الزيت بيفرق حسب درجة اللزوجة