نعمل ايه مع البلطجية ؟؟؟

**alaasaid** · 16-03-2011 03:47 PM

السلام عليكم ,

أنا والدى ساكن فى العباسية و للاسف فى شقة فى العمارة فيها واحد مسجل خطر مخدرات و خرج من السجن الشهر اللى فات و حول الشقة الى وكر مخدرات و طول الليل أشكال غريبة طالعة البيت و داخلين عندة بيشربوا مخدرات و طبعا بيكلموا بعض بالفاظ خادشة و اشتكينا لصاحب العمارة و للاسف سلبى جدا و نفسة البيت يتهد على دماغ السكان عشان ايجار قديم

يا ريت لو حد يعرف ايه اللى ممكن الواحد يعملة عشان نقفل الشقة دى, أنا اشتكيت زمان كتير فى القسم و فى مكافحة المخدرات و لا حياة لمن تنادى بالعكس القسم كان بيقولهم مين اللى بلغ و كنت هموت و ربنا ستر .

برجاء النصيحة ممكن اعمل ايه

**م.احمد زكريا** · 16-03-2011 04:13 PM

قدم بلاغين

واحد للشرطة العسكرية

والتاني للشرطة

وشوف ايه الهايحصل؟

وربنا معاكم ان شاء الله

**FunnyMickey** · 16-03-2011 04:51 PM

المشاركة الأصلية كتبت بواسطة yascro

مقاول مبانى(صعيدى) عندنا بيبنى عماره ع البحر طلع الصبح لقى سته من البلطجيه المشهورين ف المنطقه قاعدين ف الدور الاول من العقار وبيقولوا دا بتاعنا واحنا اخدناه خلاص
فالمقاول قلهم وماله انا هنزل اشترى عقود واجى اكتبها خليكم زى مانتم
نزل عمل تلفون لقرايبه ف الوكاله بعتوله عربيه نقل مليانه رجاله ومعاهم الشوم بتاعهم
وقفلوا باب العماره بجنزير من تحت
وطلعوا فوق وسمعنا اصوات من عينه
حرااااام دا افترا
سلمونا للجيش
ااااااااااااااااااااااااا اااااه
عايز اقولك ان السليم فيهم عنده ارتجاج ف المخ وكسر مضاعف ف الرجل والايد
ومش هيعرف يقول اسمه بعد كده

+111111
لا يفل الحديد الا الحديد

**tom_gr** · 16-03-2011 04:59 PM

طيب والى ماعندهوش وكالة ولا انفار من الوكالة
وعايش طول عمره باحترام وتبق القانون والانتظام والشريعه والتحضر

يعمل ايييييييييييييييييييييييي ييييييييييييييييييييييييي ييييييييييييييييييييييييي يييييييييييييييييييييه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟

والله العظيم بخاف اركب العربية وامشى بيها الا للضرورة
مابقتش انزل من البيت الا يادوب للشغل وبكون خايف برضه - ولو نزلت على القهوة جانب البيت فا القهوة جانبها معسكر الجيش وكام دبابة

ولو فكرت اشترى مسدس اولا مش هاعرف استعمله لانى عمرى فى حياتى ماتخيلت انى استعمله ولو عرفت مش هاقدر اسيطر على نفسى واموت البلطجى ده ولو قدرت ممكن اتحاكم عسكريا لانى معايا سلاح نارى بدون ترخيص

ايه الحل ياجماعة بجد

واى اخ فاضل يقولى دى اشاعات هدفها ثورة مضادة والكلام الى ناس كتير مش فاهمه معناه ده وعماله تردده زى البغبغان

ياريت ما يدخلش

**alaasaid** · 16-03-2011 05:14 PM

المشاركة الأصلية كتبت بواسطة tom_gr

طيب والى ماعندهوش وكالة ولا انفار من الوكالة
وعايش طول عمره باحترام وتبق القانون والانتظام والشريعه والتحضر

يعمل ايييييييييييييييييييييييي ييييييييييييييييييييييييي ييييييييييييييييييييييييي يييييييييييييييييييييه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟

والله العظيم بخاف اركب العربية وامشى بيها الا للضرورة
مابقتش انزل من البيت الا يادوب للشغل وبكون خايف برضه - ولو نزلت على القهوة جانب البيت فا القهوة جانبها معسكر الجيش وكام دبابة

ولو فكرت اشترى مسدس اولا مش هاعرف استعمله لانى عمرى فى حياتى ماتخيلت انى استعمله ولو عرفت مش هاقدر اسيطر على نفسى واموت البلطجى ده ولو قدرت ممكن اتحاكم عسكريا لانى معايا سلاح نارى بدون ترخيص

ايه الحل ياجماعة بجد

واى اخ فاضل يقولى دى اشاعات هدفها ثورة مضادة والكلام الى ناس كتير مش فاهمه معناه ده وعماله تردده زى البغبغان

ياريت ما يدخلش

ما هى دى نفس مشكلتى , و الله انا حاولت كتييييير و قدمت بلاغات فى مكافحة المخدرات و فى قسم الوايلى و فى مديرية الامن و بعت شكاوى كتير فى بريد الاهرام بس للاسف الشرطة مكنتش فاضية لمشاكل الشعب

انا اعمل ايه و أروح لمين يساعدنى فى البلد دى ؟؟؟