الموضوع: تجربه سخيفة في شراء الكتريك من على الانترنت

زملائي في المنتدى الكرام
السلام عليكم ورحمه الله
اتصل بي زميل لنا في المنتدى يحكي لي في مكالمة طويلة نسبيا واقعة لم يستطع ان يحكيها بنفسه
عشان محدش يضحك عليه زي ما قال بالنص
وبيلوم نفسه انه استنصح في حاجة مابيفهمش فيها

الموضوع باختصار انه حاول يشتري الكتريك شوك (صاعق كهربائى ) للدفاع عن النفس واحد ليه والثاني لاخته لسوء وتردي الحالة الامنية اللي لمسناها كلنا
هو كان اتصل بيا وانا عرضت عليه توصيله بواحد معرفة بيجيبهم
فهو استغلى الثمن نسبيا
مقارنة باللي بيتباع على مواقع الانترنت ضمن الاعلانات المبوبه
وانا فهمته ان بيكون فيه تفاوت كبير بين قوة الصاعقة وحجم البطارية وده بيعمل تفاوت في الاسعار
لكن حسب كلامه هو عايز حاجة تتكتك وخلاص تخوف اللي قدامه
كان عليا والنصح والارشاد فقط
بعد اكثر من محاولة للوصول لبائعين توصل لواحد بيبيع بسعر كويس
راح وجرب واشتري منه اتنين

بعد مارجع البيت وشحنهم اكتشف الاتي تاني يوم :
واحد طلعت بطاريتة بايظة يدوب مابيطلعش 4 او 5 صعقات مهما قعد في الشحن
والتاني فيه عيب ساعات بيلمس جزء داخلي لما تضرب اللي ماسكة بيتكهرب :-)
ده اللي موتني من الضحك بصراحة لانه اتكهرب منه واتبهدل :-)

حاول يرجعهم طبعا البائع كان رده جاهز انت جربتهم وماليش دعوة ومعرفكش
هو حب ينبه زملائه وهو معروف ما بينا لكن احراجه منعه انه يكتب تجربته
فحب ينقلكم التجربة بواسطتي تجنبا للتريقة

معلش يا (ميم)
تعيش وماتخدش غيرها