تجربه شراء ريسيفر اتش دي

**tamer_a7** · 08-12-2011 02:25 PM

السلام عليكم ورحمه الله وبركاته
طبعا السؤال دا انا سالته كتير وشوفت ناس بتساله كتير وعلشان كده حبيت انقل تجربتي في الموضوع ده يمكن ربنا يكرم وانفع حد بالموضوع ده
بدايه القصه كانت لما اشتريت تلفزيون ال سي دي من فتره قريبه انا كان عندي ريسيفر دريم بوكس والصراحه صورته كانت ممتازه بس فعلا كان نفسي استغل امكانيات التلفزيون الجديد الاتش دي يعني
(معلومه سريعه اتش دي يعني صوره فائقه الجوده يعني نقاء الصوره يصل الي عشر مرات افضل من العاديه والصوت كذالك)
طبعا لخيارات في الموضوع ده كتير جدا لابعد الحدود
بس انا كنت محدد مجموعه حاجات لازمه
الجهاز يكون عليه ضمان اكتر من سنه
يكون بيعمل شيرينج ويكون عليه سيرفير سنه ويكون في ضمان علي السيرفير
طبعا اتش دي فول اتش دي يعني بيخرج لغايه 1080
يفضل كوري مش صيني
الحاجات دي كلها حطتني في مجموعه اختيرات محدوده جدا

كيوماكس اسمه جوكر 520 جنيه
وكيوماكس تاني اتش دي 550 جنيه
استرا اتش دي 800 جنيه
باناسات 650 جنيه

طبعا في ماركات تانيه كتير بس هما دول في حدود السعر اللي انا لاقيته مناسب الدريم مثلا ب2700 اصلي وتقليد بي 1600 ولازم تشترك في سيرفير يعني حوالي 120 كل 3 شهور

وطبعا بعد مشاورات كتير مع بتوع الدش ومناقشات لاقيت ان افضل واحد فيهم البناسات ليه

1. السعر مناسب جدا
2.ضمان علي السيرفير والجهاز
3.كوري مش صيني
4.طبعا اتش دي لا وبيخرج فول اتش دي

نيجي بقي للنتيجه والتقييم
السرعه بصراحه مش بسرعه الدريم بس معلش كله بتمنه
الصوره لا كلام عليها لازم تشوف بعينك وتتوهم (دا مش معناه انكم تيجوو تتغدو وتتفرجو الفرجه من غير غدا ههههههههه)
السيرفير تحفه وخصوصا في سرعه الفتح

طبعا انا جاهز للاستفسار عن اي واحد من الخيارات اللي فوق سواء الباناسات او الكيوماكس
لانهم بصراحه كانو افضل الخيارات والباناسات كسب علشان كوري

**kar!m** · 08-12-2011 02:41 PM

شكرا لنقل التجربه .. بس مش فاهم السرفر بيعمل ايه فى الموضوع.

**marsguy** · 08-12-2011 02:48 PM

مبروك عليك :)

يا ترى إشتريته منين؟ وهل فيه خاصية الـ streaming زي الدريم بوكس؟

شكراً

**MRBEBO** · 08-12-2011 06:28 PM

طيب هل فيه خاصية التايم شفت ... نفسي في جهاز يبقى فيه الموضوع ده

حاجة تاني ليه مشفتش ال ig الفول اتش دي بحوالي 730 جنيه وكوري وناس كتير بتشكر فيه

**adel1414** · 08-12-2011 06:52 PM

طيب ياباشا انا لسه جايب تلفزيون ال سى دى نوعه ال جى ومجبتش ولاطبق ولا رسيفر ينفع اعمل زى حضرتك كدة واييه المطلوب ؟ اعزرنى اصلى مش فاهم :)

**Hyper3G** · 08-12-2011 08:42 PM

موضوعك فعلا شاغلنى من فترة
وانا محتاج نصيحة منك ..

انا عايز رسيفر full HD 1080 طبعا نوع كويس ومش محتاج شرينج او سيرفر لانى معنديش نت ارضى عشان اوصله بالرسيفر
يعنى عايز جهاز كويس عشان استفيد بامكانات صورة الـ LCD

وشكرا لك :)

**aboamr** · 08-12-2011 08:55 PM

تجربه جيده ولكن بدون شيرنج مافيش فرق بين جهاز اتش دى او اس دى شخصيا بستخدم جهاز كيوب ريفو 250 اتش دى به امكانيات ممتازه وصوره رائعه
فقط احب اوضحلك ان اسعار السيرفيرات ارخص ممن ذكرته انا مشترك ب 75 كل 3 شهور وممتاز واكثر من قمر