السلام عليكم يا اهل الهوندا
يا وحوش انا عايز رأيكم بقي عشان ايه انا فاض بيا !!!!
ارجوكم تسامحوني علي الاطاله
الموضوع باختصار: انا جبت العربيه من شهر 1 اختها و بعد ما اشتيرتها وجدت عيب في طنبوره الكرانك و عشان تتصلح كان لازم يتغير كرانك بسبايك بطنبوره كرانك....قولت لوالدي لازم مكنه تتغير مينفغش في الهوندا كده قالي حرام عليك تشتريها من كام يوم و تغير مكنه كامله !! وتوكلت علي الله و صلحتها و اكلفت في حدود 1600 جنيه و اتظبطت
دلوقتي بقي لقيت مياه من شكمان و ده من جوان وش سيلندر و كاربتير وحش و نقصان فظيع في زيت يعني حوالي كيلو زيت كلي 200 كيلومتر !!
مع العلم ان الوش ده لما عملت الشغل المكيانيكي قالي الوش ده سيء جدا و مخروط كذا مره و ملحوم المونيا و يستحسن تغيره بس انا مكنش معايا فلوس زياده و كمان كنت مخنوق عشان كنت عايز اغير المكنه فغيرت جوانات علي كده
المهم بقي انا فكرت و قلت بيني و بين نفسي الزيت ده حاجه من الاتنين يا كوتش صباب يا طقم شنبر....لو كاوتش صباب اغير وش كامل و اريح دماغي و بكده اكون صلحت المكنه و عيب الميه الي بتخرج من شكمان و زيت و كمان انا عندي دخنه بيضه معا دوار فقط و بكده 90% العيب كاوتش صباب
روحت لشياطين الحمر بتوع الهوندا - عشان الحاج يحيا صاحب المكان صديق ابويا و جيران و عشره عمر - وهو راجل علامه و فاهم جدا خبره عقود من زمن
سمع صوت قالي "المكنه ديه خشنه جدا خساره فيها الفلوس الي هتتصرف عليها..هتصلحا هتبقي اخشن و مفيش كومبريشن..سقطلك مكنه احسن" و طبعا انا متأكد مليون في الميه انو مش بيعمل شغل طبعا و بيكلم في صح في نظره
المهم في مكنه عجباني اوي D15B vtech 3-stage و موجوده عنده و ووارد اليابان JDM
مكنه 1500 و 130 حصان و vtech و سعرها معقول جدا
المهم بالنسبه للسعر طبعا سمعت ارقام عجيبه من الي شغالين هناك بس لما كلمت معا الحاج و عشان خاطر ابويا و العشره عمل معايا واجب كبير جدا جدا و مش هقدر اقول السعر عشان هو قالي محدش يعرف الاسعار ديه و لازم احترم كلمه الراجل بس كل الي اقوله انه سعر يقارب نصف اسعار بره بالتركيب بتغير السيور كلها
بس في 3 حاجات مخوفني جدا و عايز رأيكم
1- قالي مش هغير تانك و هحطلك طرنبه بنزين تركب في الحوض
2- هتركب علي نفس فتيس الي عندي اوتوماتيك هل ده هيقتل المكنه و لا برده هتسحب و تجري و تجمع و كل حاجه ؟
3- هيشغلها كاربتير !!! و قالي ده افضل من انجكشن و يمكن سحب هيكون افضل بس استهلاك بنزين ازيد
انا عايز رأيكم ضروري عشان بكره او بعده هوديها فعايز اطمن و عايز انسا مشاكلها عشان انا عمال اصرف من ساعه ما اشتربتها :(
وشكرا مقدما و اسف مره تانيه علي الاطاله
المفضلات