أعينوني يا أهل الخبرة بليييز لاني اتجننت خلاص

**SAMEH_FOUAD** · 19-03-2011 04:07 PM

شوف انت محتاج اية من العربية يعنى بتحب الجرى والشد ولا سواقتك هادية

لو انت عايز عربية اداء عالى وعامل رينج 100 الف يبقى كدة انت دخلت فى السيفيك 2008

وخلى بالك ان موديل 2000 فى السيفيك شكل و 2001 شكل تانى خالص و 2004 شكل تالث وطبعا بيختلف الفئة السعرية

سيفيك موديل 2000 بتعمل 58 - 62 الف وسيفيك 2001 - 2003 بتعمل 65-70 الف وسيفيك 2004-2006 بتعمل من 75 الف 80 الف

لو عايز النترا يبقى انصحك انك ماتكونش عايزها لشد او لجرى لان ثباتها قليل على السرعات العالية لكن ماتور كويسة وعربية عائلية كويسة

الاكسنت rb محدش جربها عشان يقدر يحكم عليها بس عاملها معاملة الفيرنا فى الثبات لان ماتورها زاد ومافيش ثبات نفس نظام ونهج الكورى

**Formulator** · 19-03-2011 08:11 PM

المشاركة الأصلية كتبت بواسطة semsem kane

لو انت عايز عربية اداء عالى وعامل رينج 100 الف يبقى كدة انت دخلت فى السيفيك 2008

+111
فـ كل الأحوال (شاب وعايز سرعة, عائلية,...) السيفيك 2008 أفضل أختيار لو حالتها كويسة..!

عن نفسى: أركب سيفيك used موديل 5 سنوات فاتوا , وماركبش هيونداى..!!!

**Islam_Shady** · 19-03-2011 10:21 PM

المشكلة انك بتقارن بين عربيات تبع اسوأ توكيلين فى مصر
غبور و منصور
انا كنت زيك محتار و فى الاخر لاقيت انى الصنى رقم واحد يليها البروتون جين2

ده اقتراحى و الامر يرجعلك

**tiger45** · 19-03-2011 10:40 PM

ومالها الصني؟؟؟؟

**mekhemaar** · 20-03-2011 12:29 AM

انا والله يا جماعه كل ما بسمع رأي او اقتراح الامور اللي كانت مش واضحه قدامي بدأت توضح وكانت حاجات كتيره فايتاني وبالنسبه للهوندا 2008 دي اقتراح زي الفل بردو دي لدرجه دخلت في دماغي السوبارو الامبريزا موديل 2008 او 2009 وانا كلمت كام واحد صاحبي ليهم في مواضيع العربيات دي من الاخر هما تجار وبيدورو على العربيات اللي انا اقترحتها وبالنسبه للصني عربيه كويسه جدا بس انا مش بحبها نهاااااااائي وميرسي لكل واحد شاركني بجد وابدى برأيه وساعدني

**Mohamed Fathy** · 21-03-2011 07:15 AM

subaru احلى من الهوندا فى الثبات ....او فى اى حاجه؟ اصل انا نفسى اعرف هوا سوبارو امبريزا2006-2007 افضل من bmw 316 model 96-97 ؟انا مش عارف ونفسى حد يكون فاهم يقولى عشان ده يابانى وده اوروبى نفسى استاذ سمسم يرد عليا لأنه بجد كلامه مقنع جدااااا

**mememsaid** · 22-03-2011 03:45 PM

الزيرو زيرو وابعد عن المستعمل ولو حتي ماشيه 1000 كيلو بس

**SAMEH_FOUAD** · 22-03-2011 11:31 PM

المشاركة الأصلية كتبت بواسطة mohamed fathy

subaru احلى من الهوندا فى الثبات ....او فى اى حاجه؟ اصل انا نفسى اعرف هوا سوبارو امبريزا2006-2007 افضل من bmw 316 model 96-97 ؟انا مش عارف ونفسى حد يكون فاهم يقولى عشان ده يابانى وده اوروبى نفسى استاذ سمسم يرد عليا لأنه بجد كلامه مقنع جدااااا

ياباشا ربنا يخليك على اية بس

انا زى ماقولت لحضرتك فى قسم الهوندا السيفيك الاكثر ثباتا موديلات من 92-2000 وموديل من 2006 - 2011 دول الفئات الاكثر ثباتا فى السيفيك لكن السيفيك 2001 الى 2005 دول كويسين بس ثباتهم لايقارن بدول نهائى

بالنسبة لموضوع يابانى واوربى هتلاقى حاجات كتير اليابان متفوقة فية على الالمانى والالمانى متفوق على حاجات يعنى لو لخصناها هنلاقى

الالمانى يتفوق على اليابانى فى : ( وسائل الامان - التحمل - قوة الصاج - جودة التقفيل )

اليابانى يتفوق على الالمانى فى ( السرعة - رخص قطع الغيار - سهولة البيع - الراحة - الهدوء - التكييف - مساحة الصالون اوسع - اشيك خارجيا وداخليا - الاعتمادية ) بالنسبة بقى للهوندا زود عليها اوبشن عالى + ثبات يعادل الالمانى بقوة

انا جربت ال316 وجربت السيفيك بكل موديلاتها بجد لو عايز من العربية ( شد - سرعة - ثبات - تحمل - اوبشن - مساحة داخلية واسعة - شكل انسيابى ) يبقى خليك فى السيفيك اول اختيار ليك

وتانى اختيار دور على السوبارو بس تكون عامل حسابك على انها غالية جدا جدا فى صيانتها - ماتورها مش قوى وفيها حاجات بتبقى نادرة شوية

ثالث اختيار هتبقى الب ام بس تبقى عارف انها لو 1600 او 1800 هيبقى ماتورها ضعيف - قطع غيار غالية لو جديدة لكن استيراد سعرها عادى - المساحة الداخلية ضيقة سواء امامى او خلفى )

كدة انا لخصتلك الدنيا كلها ومافضلش غير اختيارك وربنا يوفقك لما فية الخير

على فكرة لو ركبت sir موديل 97 اوريجينال 170 هورس باور 1600 سى سى اقسم بالله ماهيعجبك عربية تانية وشد مع اتخن عربية ماشية وهتعلمة الادب