الموضوع: الى عشاق هيونداى فيرنا ارجوا الأفادة من مالكى هذة السيارة

المشاركة الأصلية كتبت بواسطة starpro

من قال لك انها حقائق علمية ؟؟؟!!! انت الذى حولت الموضوع الى معامل كميائية و حقائق علمية رغم ان ما ذكرته عن وجود عيوب بهذه السيارة كان واضح بالعين المجردة و الموضوع اساسا مطروح للنقاش و الاخ الى عايز يشترى الفيرنا يكفية انه يقرأ مشاكلها البشعة المطروحة فى المنتدى و يحكم بنفسه بغض النظر عن كلامى و فى الاخر كل واحد بيقول وجهة نظره من ناحية خبرته فى هذه الموديلات .

و من المضحك فيما ذكرت انك قلت اخذت رأى خبراء و مهندسين غبور فى ايهما افضل الفيرنا ام اللانوس هههههههههههههه فمن هم هؤلاء الخبراء و كيف تعتبر مهندسين غبور جهة محايدة فى هذا السؤال ؟؟؟؟!!!
دول ناس تعبانين مولا و مش فلحين الا فى تسجيد الناس و تعميمهم كما فعلوا معى فهل يصح ان اروح توكيل دايو مثلا و اقولهم ايهما افضل الدايو ام الفيرنا طبعا هيقولوا الدايوا يا راجل حرام عليك يجب ان يكون كلامك منطقى و على العموم لو تحذيرى من هذه السيارة مش عاجبك سيبك من كلامى و عندك المنتدى هنا ملىء بالبلاوى عنها خد لفة و شوف بنفسك الكوارث بتاعتها و كما يقولون المية تكدب الغطاس او افتح موضوع لاستطلاع الرأى بين الفرينا و اللانوس و تأكد بنفسك ايهم افضل فى التصميم و الموتور الفيرنا ام اللانوس و حجم المبيعات و شوف بنفسك الردود الساحقة .

ملحوظة صغيرة
سيارتى اللانوس السابقة عاملة 160000 كيلو خلال 7 سنين و اقسم بالله اننى لم المس العفشة و لم احتاج الى ظبط زوايا منذ ان اشتريتها حتى الان و بجيب بها 160 كيلو على الدائرى و ممكن اسيب ايدى كمان و لا تنحرف و لا اتذكر انى رفعت موشر الزيت كى ارى مستوى الزيت بها .

اما بالنسبة للاخ اللى بيقول ان التكنولوجيا اعلى فى موتور الفرينا عن اللانوس ممكن يقولنا ما هو الفرق و ما هى هذه التكنولوجيا الفائقة فى موتور الفيرنا الذى يميزه عن اللانوس يمكن مثلا فيها انجكشن او بساتم من وكالة ناسة مثلا مختلف عن مثيلهم فى اللانوس مع العلم ان موتور اللانوس المانى اساسا .

اما بالنسبة لموضوع سؤ التصميم فى ارتفاع الكبوت اعلى الفانوسين الامامين فهذا رأى شخصى بحت فيها لان الاتجاة العام لتصميم السيارت لتكون اكثر انسيابية و جمالا هو النزول بالفوانيس و ليس الارتفاع بها كما هو الحال فى الفيرنا و اكبر دليل على ذلك هو التصميمات التى تلت هذا الموديل فقد تلاشوا هذه الموضوع تماما فى النيو اكسنت الجديدة و لذلك جاء شكلها اكثر جمالا و انسيابية عن الفيرنا.

اما بالنسبة للتوكيل فهو زبالة بمعنى الكلمة و اذا كان بيستخسر فى جهاز الانذار نص جنية فما بالك بالسيارت اللى بيجمعها !!!!!!!!
و معروف انه يستورد من هيونداى سيارات فرز ثان و الفرز الثانى هنا المقصود به هو السيارت التى عندما تشاهد كتالوجها يحدث لك صدمة كما حدث معى تماما فى الماتريكس بعد ان شاهدت كمية المكونات التى اختفت من السيارة كى يحصل عليها بأسعار أقل ليتمكن بها من ضرب المنافسين و لذلك تفتقد هذه السيارات أدنى معايير الأمان و المتانة و بها عيوب جوهرية خطيرة و وجود عيوب بالفرامل و الشاسية و خزان الوقود. لذلك كان أكبر معدل حوادث سيارات فى ال 10 سنوات الأخيرة هو لسيارات هونداى اكسيل و أكسنت و ميكروباصات هيونداى حسب الاحصائيات الاخيرة.
اما بالنسبة للسيارة فيرنا فهى السيارة أكسنت و لكن غبور يخفى هذة الحقيقة لكى يجمع السيارة أكسنت 1300 التى يستورد مكوناتها بسعر رخيص لتوقف انتاج هذا الموديل و ذلك بالرغم من سقوط سنة موديلها و أصبح لذلك غير مصرح باستيرادها. فى نفس الوقت يبيع غبور هونداى فيرنا و كأنها موديل أخر غير الاكسنت .

و اتفرج على الفرينا عملت اية فى الرابط التالى و شوف الكوارث اللى فيها خارج مصر فما بالك بتجميع غبور.

http://www.jablah.com/modules/news/article.php?storyid=2133

على العموم يا اخ mido128 انا حذرتك منها و الرأى الاخير طبعا لك بس متجيش بعد كدة تقول ستار منصحنيش .

انا ما قلتش انا سألت ناس في غبور انه أحسن ،،

أنا بعد ما أتأكدت انها أحسن ،، من وجهة نظري علي الأقل

سألتهم ايه عيوب الفيرنا

و عموما اللانوس علي راسي من فوق

دي عربية خالي و عمي و جاري و اصحابي و نص الشعب المصري و كلنا لينا معاها احلي الذكريات

بخصوص المواضيع في المنتدي ،،

كلها مشاكل تجميع ،،

ده غير ان في كثير من الأكاذيب ،، و دي أنا متأكد منها

و زي ما ضربتلك مثل بعربيتي النوبيرا السابقة ،،

و متنساش ان الموضوع نسبة و تناسب شوف كام عضو معاه فيرنا ،،

عموما الشعب المصري قال كلمته ،،

و أكيد الشعب مش غبي للدرجة دي عشان يشتري خمسن الف عربية من سيارة سيئة للغاية

الناس بتشتريها عشان بتسأل جيرانها و قرايبها و بيوقفوا بعض في الإشارات ،،و بتكون الإجابة في صالحها

و مبيهتموش اوي بعالم افتراضي ملئ بالآكاذيب

بخصوص عربيتك اللانوس ربنا يباركلك فيها ،،

بس حضرتك بتكلم علي لانوس ،، يعني اي مواطن مصري بسيط يا ركبها يا ساقها ،،

حكاية سرعة 160 دي هاضمها لإجمالي حكاوي الخيال الخصب

* موضوع الموتور ،، د/ محمد رد عليه ما فيه الكفاية ،،

* تصمم الكابوت ،،

كويس خطوة للأمام ،، بس يا ريت بعد كده تبقي تعبيراتك واضحة ،، مش تقول ( و قد نزل منها تعديل موجود فى السوق هذه الايام فى الكبوت

الامامى حيث قاموا بأزلة الارتفاع الايمن و الايسر اعلى الكشافات الامامية و قد كان هذا سؤ تصميم فى الفيرنا قاموا بتعديله . )

* التوكيل ،،

مبدئيا تم السؤال عن القصة الحقيقية ،،

اللي مكنتش مصدقها اصلآ

ربنا يهدي ،،

* اختلاف السيارات في مصر عن الخارج ،،

حضرتك ممكن يا خبير السيارات ،،


تشوف صور اي موديل في العالم و مواصفاته و تقارنه باللي بتشوفه في مصر ،،

عشان تستمر في الصدمة ،،

* تاني بتقولي الفيرنا و الإكسنت القديمة ؟؟؟

طيب ممكن تفسرلي استمرار تحميع اللانوس و النوبيرا؟؟ اللي شركتها فشلت و فلست ،،

بلاش فسرلي تجميع النيسان صني ،،

* بخصوص حكاية الحوادث ،،

يا ريت دليل من ادارة المرور

بجد عايزين نشوف الإحصائيات الأخيرة ،،

* اللينك اللي انتا جايبه ،،

من سوريا ،،

و عموما لو عايز اجيبلك لينكات اقوي منه بكتير في الحكاوي دي

في عالم الإنترنت الملئ بالأكاذيب ،،

مثلآ انا مرة كنت بسأل علي الياريس في توكيل تويوتا ،،

بقولهم انا قريت علي المنتدي ان اكصطدامها الفيبر الكبير ده عيب كبير فيها

الراجل قالي جبت الكلام ده منين قلتله قريتة في المنتديات

قاللي ما ردش غير علي كلام المتخصصين

فاكيد مش هاكذب JDPOWER و جوائز افضل سيارة صغيرة في العالم في كذا بلد

و اصدق مواقع مغمورة

سيبك بقه من ده كله ،،

ممكن تشرحلنا سيادتك بعد ما خدتنا شرق و غرب ،،

حسب ما فهمنا منك يا خبير ،، و حاولت اترجم الكلام ،،

ماكينة بنزين تحت الكنبة ،،

من خبرتي البسيطة من المنتدي لأني عمري ما غيرت الحاجات دي بايدي ،،

اللي تحت الكنبة ده فلتر البنزين ،،

و الصوباعين البلاستيك ،، يعني كده بقه يبقوا المدخل و المخرج بتوع فلتر البنزين ،،

ممكن بقه سيادتك تشرحلنا ليه التوكيل طلب من صاحبك الف جنية عشان يصلحهم ؟؟؟

هههههههههههه

و صاحبك اللي حط يافطة عدم التدخين لأن السيارة قد تشتعل ،،

ههههههههههههههههههه

إزاي تقبل الكلام ده ،، ببساطة ،، رغم انه في الضمان ،،،

و لا دي زي الفني اللي في المركز الطويل العريض مالقاش حاجة يحطها تحت العربية ،،

غير فرش الشنطة ؟؟؟؟

ده المفروض ميتحسابش علي اهماله ده يتحاسب علي غبائه ،،

انه يجيب كارتونة من اي حته اسهل مية مرة من انه بطلع فرش الشنطة ،،

أنا غير د/ محمد ،،،

أنا سعيد جدا بالحوار معك ،،

بحب اسلوب البهارات و الإضافات اللذيذة علي الكلام

كوميدي و ظريف جدا ،،

ههههههههههههه

المشاركة الأصلية كتبت بواسطة Ahmed Anwer

أنا سعيد جدا بالحوار معك ،،

بحب اسلوب البهارات و الإضافات اللذيذة علي الكلام

كوميدي و ظريف جدا ،،

ههههههههههههه

يا سيدى انا لا خبير و لا بدنجان انا رجل بتاع كوفتة و كل ما فى الامر انى جبت ماتريكس جديدة و الوكيل الزبالة حبيبك نصب عليا فى جهاز الانذار و بهدل سيارتى فى صيانة الالف و لن اسكت ابدا على هذا الاهمال و الاستهتار بالناس اللى شوفته بعينى و لازم افضحه علشان الناس تاخد بالها و ميحصلهاش اللى حصل فى سيارتى و ايضا صديقى اللى اتنصب علية فى شوية سيارات فيرنا تعبانة مولا اشتراها من غبور و مش كدة و بس و عايزين منه 1000 جنية علشان يغيروا طلمبة البنزين اللى بها الصوباعين البلاستيك اللى اتحللوا فى وقت قصير جدا و تسببوا فى رائحة البنزين و على العموم انا اديت عنوان الموقع لصديقى الارفان من الفيرنا علشان يدخل و يحكى لكم بنفسه تجربته بالتفصيل و يوضح مصائبها للجميع و لازم الناس تعرف حقيقة هذه السيارات اللى انتم طالعين بها القبة و حقيقة هذا التوكيل الزبالة اللى كان هيضيع موتور عربيتى بسبب استهتارهم .

المشاركة الأصلية كتبت بواسطة starpro

يا سيدى انا لا خبير و لا بدنجان انا رجل بتاع كوفتة و كل ما فى الامر انى جبت ماتريكس جديدة و الوكيل الزبالة حبيبك نصب عليا فى جهاز الانذار و بهدل سيارتى فى صيانة الالف و لن اسكت ابدا على هذا الاهمال و الاستهتار بالناس اللى شوفته بعينى و لازم افضحه علشان الناس تاخد بالها و ميحصلهاش اللى حصل فى سيارتى و ايضا صديقى اللى اتنصب علية فى شوية سيارات فيرنا تعبانة مولا اشتراها من غبور و مش كدة و بس و عايزين منه 1000 جنية علشان يغيروا طلمبة البنزين اللى بها الصوباعين البلاستيك اللى اتحللوا فى وقت قصير جدا و تسببوا فى رائحة البنزين و على العموم انا اديت عنوان الموقع لصديقى الارفان من الفيرنا علشان يدخل و يحكى لكم بنفسه تجربته بالتفصيل و يوضح مصائبها للجميع و لازم الناس تعرف حقيقة هذه السيارات اللى انتم طالعين بها القبة و حقيقة هذا التوكيل الزبالة اللى كان هيضيع موتور عربيتى بسبب استهتارهم .

مبدئيا محدهش طالع بالفيرنا القبه ،،

بس راجع ردودي كويس عشان تعرف اني بقول سلبياتها قبل ايجابياتها ،،

و يمكن اللي بيسألني بقوله لو تعرف تزود و تشوف حاجة تانية اعلي يبقي افضل ،،

لو امكانياتك كده فهي مش وحشة برده

و الموضوع مش فيرنا خالص ،،

أنا اتمني كل الناس تصدق كلامك ،، ميفرقش معايا اطلاقا ،،

علي الأقل الناس تبطل تشتريها ،،،

بدل ما هيا عاملة زي ما تكون بتتوزع مع اكياس الشيبسي

الموضوع ،، ،،،،،،،،،،،،

بلاش اقول .............................

ثانيا غبور مش حبيبي ،،

ده مجرد تاجر سيارات ،،

عايز مني فلوس و انا عايز منه خدمة ،،

ليه سلبيات كتير جدا و ليه ايجابيات برده

بس صحيح إزاي عندك كل الخبرات الفظيعة دي انتا و اصحابك بغبور النصاب ،،

و تروح برده تشتري عربية مش رخيصة زي الماتريكس من عنده ؟؟؟؟

و بلاش كلام في حكاية الإنذار دي ،،

هههههههه

صاحبك ينورنا ،،

اشطة ،،

هيا العضوية بفلوس ،، اللي عايز يخش ،، يخش و يكتب اللي عايزه


سيبك من ده كله تاني ،،

اشرحلنا بقه ،،

إزاي طلمبة البنزين تبقي تحت الكنبة ؟؟؟؟

ههههههههههههههه

لأ دي جامدة جدا ،،،

المشاركة الأصلية كتبت بواسطة Ahmed Anwer

بس صحيح إزاي عندك كل الخبرات الفظيعة دي انتا و اصحابك بغبور النصاب ،،

و تروح برده تشتري عربية مش رخيصة زي الماتريكس من عنده ؟؟؟؟


إزاي طلمبة البنزين تبقي تحت الكنبة ؟؟؟؟

ههههههههههههههه

لأ دي جامدة جدا ،،،

يا سيدى انا جبت سيارة تبع غبور علشان انا رجل بتاع كوفتة و افتكرته توكيل محترم للاسف محدش نبهنى و لا حتى صاحبى اللى اتنصب عليه و ليس لى اصحاب بغبور كما تدعى و لو كان لى اصحاب فيه مكنش حصل اى مشاكل معه لان به محسوبية و كوسة على اعلى مستوى .

و ما اقصده تحت الكنبة عند حضرتك هو تنك البنزين اللى خارج منه الصباعين البلاستيك المضروبين و لو كلفت نفسك شوية و رفعت الكنبة عندك ستراهم بوضوح و لكن يبدو ان سيارتك عزيزة عليك اكثر من اللازم و صعبان عليك ان حد يكشف شىء و لو بسيط من كوارثها على العموم انا لا يهمنى امرها بقدر ما يهمنى ان انبه الاخ اللى ناوى يشتريها و اعتقد ان الرسالة قد وصلته تماما و هذا هو المطلوب سلام .