الموضوع: صوت الماروتي عالي

المشاركة الأصلية كتبت بواسطة sab3aawy

فيه شوية حاجات كدة لاحظتها من خلال التجارب مع العربية الماروتى ، بتخلى اداء السيارة متميز جدا تتعلق بصيانات المحرك

1- البوجيهات : جربت عدة أنواع من البوجيهات مع السيارة، افضلها اداء واطولها عمرا ضمن البوجياهت الموجودة فى السوق هو ال ngk
2- خلوص البوجيهات: خلوص البوجيه المضبوط للسيارة هو 0.8 مللى، عادة تباع البوجيهات مفتوحة عن كدة ، لذلك لابد من الطرق بخفة على السن الخارجى للبوجيه لتضضيق الفتحى الى 0.8 مللى، الفتحة لما بتكون واسعة بتعمل اجهاد على البوينة واحيانا شرز فى السبراتير مما يؤدى الى قصر عمر هذة الاجزاء بالاضافة طبعا لفقد فى الشرارة مما يؤدى طبعا لفقد فى عزم المحرك والتسقيف وسخونة المحرك بسبب الاشتعال الذاتى للوقود الذى فقد فرصته فى الاشعال المنظم بالشرارة
3-تنظيف و تزييت الكابراتبر: احد الافكار المفيدة لأداء المحرك هو تنظيف الكاربراتير من الشوائب وتزييته، استعمل لهذا الغرض منتجين ، احدهما للكاربراتير من الخارج وهو منتج wd40 الغنى عن التعريف ، اقوم بفك العمة ورش كل مفصلات واجزاء الكاربراتير من الخارج اثناء توقف المحرك، اما المنتج الآخر الذى استعمله لتنظيف الكاربراتير من الداخل فهو اضافة البنزين ماركة رابيدو(صناعة مصرية) اقوم بصب قطرات منه مركزة داخل الكاربراتير اثناء تشغيل السيارة لتنظيف وتزييت الأكس والباب
4- تشحيم الأبلاتين : قطعة شحم صغيرة على الجزء البلاستيكى من الأبلاتين الملامس لعمود الشاكوش للحفاظ عليها من التآكل وبالتالى الحفاظ على خلوص الأبلاتين مظبوط طوال الوقت
5-فلتر الهواء: انسداد فلتر الهواء يؤدى الى وضع حمل على المحرك اثناء شوط السحب مما يودى الى تأثر كمية الهواء الداخلة للمحرك وبالتالى تأثر عزمه، لذلك الحفظ على فلتر الهواء بحالة ممتازة يعطى المحرك عزم عالى، يمكن المصرى او الروسى ابو 10 جنيه وتغييره كل 5 آلاف كم او استعمال الكورى او الهندى واسعارهم من 30 الى 45 جنيه وتغييره كل 10-15 ألف كم مع تنظيفهم فى منتصف المدة
6- تنظيف غرف الاحتراق من الداخل: وده اختراع له مفعول السحر على اداء المحرك، وطريقته بسيطة جدا، باستخدام اضافة بنزين رابيدو التى تحدثنا عنها سابقا، يتم فك البوجيهات واستخدام حقنة لتعبئة كل غرف من الغرف الثلاث حوالى 20-30 مللى لتر من الاضافة المركزة من فتحة البوجيه، يترك لمدة نصف ساعة لكى يذيب الشوائب الموجودة فى غرفة الاحتراق، ثم نقوم بنفض بواقى السائل والشوائب عن طريق تدوير السيارة بالمارش لعدة ثوانى دون تركيب البوجيهات ، ثم يعاد تركيب البوجيهات وتدوير السيارة لعدة دقائق ثم ايقافها ، يفيد هذا الموضوع فى تنضيف اسطح البساتم وحيز الحريق والصبابات وقواعدها من الشوائب، وبالتجربة فان لها مفعول ايجابى غير عادى على نعومة المحرك وعزمه
7- الزيت: هناك الكثيرون من انصار مدرسة زيت ال 10 آلاف كيلومتر ، وانا افضله مع المحركات الاحدث، لكن من الماروتى انا افضل استخدام الزيت المعدنى جدول 20w-50 لمسافة 5 آلاف كيلومتر مع تغيير الفلتر مرة واحدة كل مرتين غيار زيت، يعنى كل 10 آلاف كم، لسببين أولهما شعورى بعد تجربة ان لزوجة زيت ال 20-50 انسب للمحرك من لزوجة الزيت التخليقى الخفيف، والشعور ده ناشئ من عدم نقصان زيت ال 20-50 على مدى عمره داخل المحرك بعكس الزيت التخليقى، وكذلك من صوت المحرك
8- تربيط وتشحيم عصا ووصلات الفتيس: عصا الفتيس لها وصلة صليبة تحت السيارة، مربوطة بمسمارين قد يحتاجان الى تربيط بين الحين والآخر، الى جانب ان قاعدة العصا تحتاج الى التشحيم ربما مرة كل 20 او 25 ألف كيلومتر وتشحيمها سهل وقد تكفل العديد من الزملاء بشرح طريقته على صفحات هذة الساحة


يعنى ، ده ملخص تجربتى مع محرك الماروتى الذى اثبت لى انه محرك يقدر النعمة وانه كل ما تديله يديلك

كلام محترم من شخص محترم وفعلا تقريبا كل اللي قلت عليه بعمله اللهم تنظيف البساتم ده مجربتوش قبل كده وغالبا هجربه اخر الاسبوع ان شاء الله

بالنسبه للبواجي يا بشمهندس
بالتجربه المكثفه واستشاره خبراء
افضل بوجيه للسياره هو ngk bp6es ولكن ده مش متوفر في السوق لكن المتوفر واحد قريب منه وهو ngk bp5es وده انا جربته مع ظبط خلوصه على 0.8 وفعلا اعطى نتيجه افضل بكثير من اللي بيتباع في السوق اللي هوا bpr6ey

عموما ايا كان فعلا لابد ظبط الثغره على 0.8


الزيت انا جربت التخليقي وقعدته لحد ال10 آلاف ومنقصش وفنفس الوقت المكنه كانت مرتاحه

تنظيف الكربيراتير حاجه اكيده واداءها مضمون


جزاك الله خيرا على الرد المجمل المفصل وصدق عليه السلام (خير الكلام ماقل ودل)


تحياتي

المشاركة الأصلية كتبت بواسطة love7amada

انا عندي البوجيهات الراجل بيركبها ع طول مفس النوع اللي منتشر الليي زكرته يا حازم و كمان معملتش ورا مره كرببياتير
خيبه خااااااااااااااااالص

حكاية التركيب علطول دي اكيد غلط لان البوجيهات مبتجيش مظبوطه من المصنع والمظبوطه بيبقى مكتوب انها مظبوطه وسعرها طبعا اغلى لانها بتبقى معموله مخصوص لنوع عربية واحد
انما اللي بنجيبهم بيمشو على عربيات كتير وكل واحده ليها ظبطه معينه...

لو انتا مركب ال bp6ey الثغره لو كانت لحد 1 ملم مش مشكله لان شرارتهم كده كده كويسه
اما لو مركب اللي انا مركبهم اللي هما bpr6es فدول لابد من ظبطهم حيث ان شرارتهم اضعف

وعموما اذا العربية مرتاحه مع النوع اللي راكب وبتدور معاك في اي وقت بدون قرف وعكننه يبقى خليك عاللي العربية ارتاحت عليه,,,

اما تنظيف الكربيراتير لو جربته مره كل 10 كيلو هتحس بالفرق الشاسع وهتلاقيك ادمنت الموضوع...

لازم تجربه

بالتوفيق ياباشا