موضوع مخصص لأى شهادات بخصوص تجاوزات فى استفتاء 19 مارس

**ahmedbatoos** · 19-03-2011 10:05 PM

1-نظام وناس عايزة مصر تبقي احسن
2-لما دخلت ودة بعد عناء طويل جدا لقيت الورق مش مختوم سئلت مسؤل عن اللجنة قالي انتوا الي كتير ومحدش اتوقع كدة وملحقناش نختم والناس داخلة بلالاف قلتلة طيب والحل قالي دة كلة هيتختم بعد ميطلع من الصندوق في الفرز الاول وقبل ميروح المحكمة في الفرز النهائي
3-كان في واحد معرفش اية انتمائة يتوقع انة اخوان كان واقف اي حد يعدي بيقلة قول نعم عشان الاستقرار انا رايح اقول نعم واضايقت منة وقلتلة يا عم اتناقش مع الناس دة عادي لكن متديش اوامر . . . المهم هوا كان بيشرب سجاير فا مش عارف بقة دة اخوان ولا اية بظبط :) ولا متطور شخصي ولا الاخوان اية نظامهم

4-كان في واحد تاني حالق قرعة ومليان كدة شوية وحاطط سماعة بلتوث في ودانة وماسك واحد واحد قول لا انت لية بتسمع كلام الشيوخ الشيخ دة اخرة الجامع ملهوش دعوة في السياسة هو بيفهم اساسا - مع العلم مكنش واقف اي شيخ بيقول حاجة الا طبعا السلفين ودول ناس عادين يعني مش شيوخ الي قصدة عليهم الي طلعوا فتاوي -ودة عصبني جدا واتخانقت معاة والناس ركنتة علي جنب وحس انة هيضرب فا بقة بيكلم الناس تقول لا بس بعيد شوية مع بتاع نعم الاولاني دة خصوصا اني شكيت تكون ملتوة اية:d

5-اغلب الرجال السن الكبير نعم واغلب السيدات نعم الشباب الصغير نص نعم نص لا ومقدرش احكم بظبط لكن من المتوقع نعم تكسب حسب ما شفت (المسيحين كلهم لااااااااااااااا) والسلفين ( كلهمممممممم نعععععععععععععععم) :) والسلفين عددهم كبير اوي علي فكرة بس ناس محترمة جدا جدا جدا جدا واقصي شئ تكلموة فية فية رابط بلدين ان المادة التانية غير كدة الصراحة ولا واحد قالي نعم واجب شرعي ولا سمعت كدة ولا واحد قال قول نعم بلامر زي المعلم الي واقف بسجارة فوق دة . . .

6- لقيت اغلب الناس خصوصا الي بيقولوا (لا) مش عارفين لو قالوا لا هيحصل اية غير انهم بيقولوا توقعات يعني هنعمل وهنعمل اقلة يا عم الجيش بيقول مش هنعمل حاجة من دية يقلي لا يعمل غصب عنة

ودة كل الي شفتة انهاردة . . .

**LanCeLoT** · 19-03-2011 10:11 PM

المشاركة الأصلية كتبت بواسطة dr-mohamed

وهو ده المطلوب
اشاعة ان هناك اجبار على التصويت بنعم
والايحاء بتزوير الاستفتاء
من امس وصلتني رسائل كثيرة من انصار لا على الفيسبوك كلها تقول تحذير هام ومضمونه انتبهوا لان القضاة معاهم اقلام صيني الكتابة بتاعتها بتختفي بعد ساعتين علشان لو قلنا لا يغيروها بعد كدة نعم ويزوروا الاستفتاء زي ما هم عايزين

رحت اللجنة واستاذنت من القاضي بعد ما صوت انى اصور الكشوف والاقلام الفرنساوي بعد ما قلت له ما جاء لي على الفيسبوك ضحك وقالى صور براحتك وصورت الموظفين وامامهم الاقلام الفرنساوي الجاف والكشوف

لا يوجد اي عمليات تزوير في اللجان التي شاهدتها وانما يوجد رغبة في اظهار ان اصحاب لا منعوا من الانتخاب او ان اصواتهم تم تزويرها او او او او

المهم بعد ان تظهر النتيجة سواء نعم او لا لا نجد بعضهم ينزل التحرير ويقول النتيجة اتزورت وكام جرنان على مذيع يولعوها ويقولوا الحق تزوير وتخرب البلد ومش مهم المه مصلحة الطرف الذي يفعل ذلك

وحضرتك شايف ان ده ممكن يكون في مصلحة مين؟؟؟؟؟

**ahmedbatoos** · 19-03-2011 10:12 PM

نسيت اضيف يا جماعة ومظنش دة شئ غلط قانونيا . . ورق اتوزع لمدة ساعة او وقت قليل جدا بنعم بس مش واضح مين مصورة او عاملة . . . ومشفتش اي ورق بلا غير قليل جدا جدا جدا ومتوزعش عليا شخصيا

**shaddadfalcon1** · 19-03-2011 11:00 PM

انا الحمد لله دخلت علي الموقع وعملت شكوي

اللي عايز اقوله بقي ان الناس دايما بتقول الكلام بس بتحب تذود حبه

انا بعد ماصوت رحت احلق وهناك قابلت واحد معرفه صوت بلا
وعمال يقول الناس هناك عمالين يقولو للناس نعم وكده قلتله ياعم انا لسه جاي ومحدش نطق قالي ماشي ماهو محدش نطق بس هما يعني هناك بيعملو ايه قلتله مايعملو اللي يعملوه ناس واقفه بتوجه الناس وتساعد وفرحانه بكده

يعني عشان الناس بتساعد بقو واقفين يامرو الناس انهم يقولو نعم لمجرد انها ملتحين شوف انت بقي لما الراجل ده يقول لكام واحد ساعتها اخر واحد يسمع الكلام ممكن يصوله الكلامه علي الن الاخوان كانو بيدفعو فلوس للناس ويهددوهم عشان يقولو نعم

**chato_eg** · 20-03-2011 12:02 AM

المشاركة الأصلية كتبت بواسطة tananybasha

انا استفيت
ورا ستاره
و ورق مختوم
و حبر سرى
و بيانات بطاقتى
و محدشى قاللى قلت ايه
شهادة حق

المفروض إن يكون ده الطبيعى و إللى يحصل لكل الناس....

**chato_eg** · 20-03-2011 12:31 AM

للأسف...الموضوع تحول إلى صراع بين مؤيدى " نعم " و مؤيدى " لا "...
متشكر :019f3b~14:لكل السادة إللى أسهموا فى تحويل مسار الموضوع من قاعدة بيانات لأى تجاوزات حصلت معاهم شخصيا أثناء اليوم العظيم لكى يتم تلافيها و الحذر من تكرارها فى الانتخابات العديدة القادمة إلى المزيد من مناقشات تخص نعم و أنصارها و لأ و أنصارها....

مش معنى إنى فاتح الموضوع يبقى أحجر على حرية الناس....
لكن العنوان واضح....
لو مش عايز تساهم...أو شايف إنى مواطن قليل ذمة..ممكن ما تعبرش الموضوع و سيبنى أعوى كالكلاب الضالة أنا و مجموعة المتآمرين على إرادة الشعب ...

لكن مش معقول الموضوع إللى واضح اتجاهه من خلال العنوان و المشاركة الأولى أبص ألاقيه أصبح زى آلاف الموضوعات الجدلية فى المنتدى إللى بيتحاور فيها مؤيدى نعم مع مؤيدى لا

و ياريت ما حدش يقترح أعمل تقرير مشاركة..لإن عدد المشاركات المفروض يتعمل لها تقرير أكبر بكتير من المشاركات إللى فى أصل و صلب الموضوع

و أنتهز الفرصة لتحية صادقة من القلب للزميل أحمد كمال
لإنه من مؤيدى نعم
و أنا من مؤيدى لأ
بس ده راجل محترم....
لا ألمز و لا أوحى بقلة ذمتى و محاولتى للتشكيك فى نزاهة الانتخابات
و لا خرج بالموضوع عن أصله و هدفه

بالعكس ساعدنى فى تحقيق الهدف إللى يهم كل مصرى سواءا كان مؤيدا لنعم أو مؤيدا ل " لا "....

و أعتز بصداقتى الشخصية به كمان لإنه تابع معايا بشكل شخصى الشكوى لضمان وصولها إلى الجهة المختصة

كنت أتمنى إن نكون كلنا كده نساعد بعض فى المصلحة العامة و نبطل نظن السوء ببعض و كمان نحترم بعض أكتر
الناس كانت بتبات الليل فى الميدان رجالة و ستات ( منفصلين علشان ماحدش يتهمنى بالزندقة و رمى المحصنات بس ) و إسمهم بايتين فى الشارع...لكنهم كانوا حاسين بالأمان تجاه بعض..لإنهم واثقين فى بعض و بيحترموا بعض...

المفروض ما نشمتش عمر سليمان و أمثاله فينا إللى راحوا قالوا علينا كلام ما يشرفش أى مصرى قدام الغرب....

أنا هاتفرق إيه معايا لو النتيجة آآه و لا لأ.....ما إللى البلد عايزاه هو إللى هيكون..و قبل كل شىء إللى ربنا عايزه هو إللى هيكون..و ده قدر و مكتوب علينا....

لازم يعنى نحول أى موضوع إلى حلبة صراع بدل ما يكون قاعدة اتفاق و لو اتفاق على الخلاف النبيل....

أكتر حاجة ممكن تزعل الواحد هى خسارة الثورة لأعظم مكتسباتها...و دى مش حسنى إللى مشى و لا حبيب إللى فى السجن و لا الكشف عن الفساد..

أعظم المكتسبات هى بداية عودة الثقة بين الناس و إللى فقدانها هو إللى كان تاعبنا كلنا أكتر حاجة...
راكب عربثية..مخون إللى سايق جنبك....
راكب مواصلة مخون إللى واقف جنبك..
واقف فى طابور..مخون إللى وراك إنه ينط على دورك...
هى دى إللى كانت المعاناة الحقيقية...

و من ساعة الاستفتاء اللعين ده إللى هيفرق الناس و بقت البلد زى ما تكون داخلة على حرب أهلية...يعنى ربنا ينعم علينا بطريق سالك و نظيف لعودة الأمور لنصابها و الحرية لينا و احنا إللى بنبوظها و نخربها بالتعصب و الصوت العالى و التخوين...

هو احنا مافيش فايدة فينا للدرجة دى ؟؟؟؟؟؟

**chato_eg** · 20-03-2011 01:03 AM

المشاركة الأصلية كتبت بواسطة shaddadfalcon1

انا الحمد لله دخلت علي الموقع وعملت شكوي

ممكن نعرف فحوى الشكوى ؟؟؟

**Samah AbdAllah** · 20-03-2011 01:07 AM

هو كان فيه ساتر؟
اللجنة اللى كنت فيها مكنش فيها مكان فيه ساتر اصلا
وانا استغربت لما لقيت واحد واقف جنبى بيشوفنى هعلم على ايه
وبصيت عشان ادور على مكان فيه ساتر ملقتش
بس قولت انا مش هخاف واختارت قدامه واخد منى الورقة عشان يحطها هو
ونسيت ابص عالختم
لكن سجلت اسمى وشافوا بطاقتى وختم الجودة :))))

**dr-mohamed** · 20-03-2011 01:23 AM

المشاركة الأصلية كتبت بواسطة shaddadfalcon1

يعني عشان الناس بتساعد بقو واقفين يامرو الناس انهم يقولو نعم لمجرد انها ملتحين شوف انت بقي لما الراجل ده يقول لكام واحد ساعتها اخر واحد يسمع الكلام ممكن يصوله الكلامه علي الن الاخوان كانو بيدفعو فلوس للناس ويهددوهم عشان يقولو نعم

حصل ووصلت ان في الموقهع هنا طلع ان الاخوان كانوا بيدفعوا ايام الثورة 50 جنيه ووجبة للناس علشان تروح التحرير
وطلع كمان انهم هما القناصة اللى كانوا واقفين فوق الاسطح في التحرير وقتلوا المتظاهرين
طبعا العضو اللى قال كدة مقالش انه شاف بعينيه لكن فلان قال لعلان اللى حكي لترتان لغاية ما وصلت للعضو

المشاركة الأصلية كتبت بواسطة baskota

هو كان فيه ساتر؟
اللجنة اللى كنت فيها مكنش فيها مكان فيه ساتر اصلا
وانا استغربت لما لقيت واحد واقف جنبى بيشوفنى هعلم على ايه
وبصيت عشان ادور على مكان فيه ساتر ملقتش
بس قولت انا مش هخاف واختارت قدامه واخد منى الورقة عشان يحطها هو
ونسيت ابص عالختم
لكن سجلت اسمى وشافوا بطاقتى وختم الجودة :))))

مفيش ساتر دي غلط طبعا لكن ممكن التجاوز عنه في هذه الظروف
واحد واقف جنبك بيشوف بتعلمي على ايه حب استطلاع بايخ ومن حقك تقولي له روح بعيد عايز اصوت براحتي
واحد اخد منك الورقة ووضعها في الصندوق غلط منك من حقك تضعي الورقة بنفسك في الصندوق وتتاكدي انها نزلت بداخله وليست معلقة
الختم مش مشكلة زي ما قالتاللجنة المشرفة على الاستفتاء نظرا لضخامة الاعداد الناس مكانوش متوقعين ان في اول تجربة ديمقراطية الشعب هايزحف بالطريقة دي ومن غير رشاوي ولا تعصب لمرشح ولا قبلية ولا ولا
سجلتي اسمك والبطاقة والسائلالاحمر كل ده لضمان عدم التصويت مرتين

يا اخوان
لم اجد فيما قيل في المنتدي حتي الان مخالفة واحدة حقيقية للاستفتاء او تزوير فعلي او اجبار على تصويت باتجاه معين حدث مع اي عضو والحمد لله
وظني اننا هنا باختلافاتنا نموذج للمجتمع المصري كله والحمد لله ان الاستفتاء مر على خير المهم تمر نتيجته على خير ويتقبلها الجميع

**Samah AbdAllah** · 20-03-2011 01:36 AM

المشاركة الأصلية كتبت بواسطة dr-mohamed

مفيش ساتر دي غلط طبعا لكن ممكن التجاوز عنه في هذه الظروف
واحد واقف جنبك بيشوف بتعلمي على ايه حب استطلاع بايخ ومن حقك تقولي له روح بعيد عايز اصوت براحتي
واحد اخد منك الورقة ووضعها في الصندوق غلط منك من حقك تضعي الورقة بنفسك في الصندوق وتتاكدي انها نزلت بداخله وليست معلقة
الختم مش مشكلة زي ما قالتاللجنة المشرفة على الاستفتاء نظرا لضخامة الاعداد الناس مكانوش متوقعين ان في اول تجربة ديمقراطية الشعب هايزحف بالطريقة دي ومن غير رشاوي ولا تعصب لمرشح ولا قبلية ولا ولا
سجلتي اسمك والبطاقة والسائلالاحمر كل ده لضمان عدم التصويت مرتين

تفتكر يا دكتور ممكن يكون رماها من الشباك

اصل الصندوق كان تحت الشباك
المهم هو ساب الناس كلها تحط ورقتها وجه على ورقتى انا واخدها وقالى اتفضلى خدى بطاقتك

انا اتعلمت الدرس وقولت لمامتى واختى ما تخليش حد يضحك عليكم وياخدوا منكم الورقة
مش كفاية انا :)))))))))

الموضوع: موضوع مخصص لأى شهادات بخصوص تجاوزات فى استفتاء 19 مارس

LinkBack

أدوات الموضوع

عرض

-

-

-

-

-

-

المواضيع المتشابهه

موضوع مخصص لمشاكل الكمبيوتر

استفتاء 19 مارس

استفتاء على مكان المقابلة الثالثة - الجمعة 6 مارس

استفتاء على مكان المقابلة الثالثة - الجمعة 6 مارس

موضوع مخصص للهجوم على الميجان

الكلمات الدلالية لهذا الموضوع

المفضلات

المفضلات

ضوابط المشاركة