محتاج بعد ازنكم الخلاصه عشان تعبت بجد

**ahmedfarou2** · 19-03-2011 10:28 AM

بصراحه كده انا نفسي اركب e36 , و هتجنن عليها و تعبت من كل المقارانات و الكلام من كل واحد اطلب منه
نصيحه كرهوني في كل العربيات تقريبا (دي بتاكل مسامير و دي بتاكل طنابير و دي بتاكل فول و دي و دي الخ)
المهم الe36 مش عارف اكرهها
انا معايه في حدود 65, و عايز عربيه مش مهم بدايه التسعينات مع العلم اني راكب عربيه قديمه بس مش هبيعها هيا اعتماديه جداااااااا بس خلاص زهقت
هل هتبقي صفقه رابحه ولا انا موهوم علي الفاضي عشان فكرت برضو في الكورسا سيدان 2006 او 2007
و هل الكيلو متر الكتير مؤثر ولا المهم الحاله فقط لا غير في البي ام
بس اسف علي الاطاله لاني نازل من عربيه قديمه فخايف اركب عربيه مهما ان كانت اتوهم بيها علي الفاضي يا ريت تكون وصلتكو الفكره
و اسف مره اخري

**ahmedfarou2** · 19-03-2011 02:37 PM

ارجو الرد محدش موجود ولا ايه

**m000dy** · 19-03-2011 03:33 PM

ياباشا موجودين
الرجالة راحت تصوت بس وجايين تانى
بص يافندم باى خال من الاخوال حالة العربيه هى اهم شىء بالنسبة لي
ده لو حضرتك مش فارقه معاك موديلات او انواع مواتير او كماليات معينه
يعنى مثلا لو مش فارقه معاك تكييف عادى بكر ولا تاتش او لو مش فارقه موتور جديد ولا قديم ناعم ولا خشن المهم ان حالته كويسه يبقى تدور على الحالة الاحسن
يعنى ال 65 الف يركبوك عربيه من موديل 91 ل 94 بحالة زى الفل
وتركبك من موديل 95 نص نص بس فابريكه بره وجوه
فانت ودماغك

**ahmedfarou2** · 19-03-2011 05:29 PM

شكرا يا مودي لردك انت فاهم انا عايز ايه بس قصدي لما واحد بينزل من عربيه تمانينات و ينزل يركب اي حاجه تانيه بالنزباله كده كده هتعجبه يعني انا نفسي اركب الب ام بس هيه تستاهل 65 ولا حاجه تانيه
يعني انا خايف ادفعهم تمن الماركه بس فاهمني ولا هيه عربيه تبسط

**novo** · 19-03-2011 09:34 PM

المشاركة الأصلية كتبت بواسطة ahmedfarou2

بصراحه كده انا نفسي اركب e36 , و هتجنن عليها و تعبت من كل المقارانات و الكلام من كل واحد اطلب منه
نصيحه كرهوني في كل العربيات تقريبا (دي بتاكل مسامير و دي بتاكل طنابير و دي بتاكل فول و دي و دي الخ)
المهم الe36 مش عارف اكرهها
انا معايه في حدود 65, و عايز عربيه مش مهم بدايه التسعينات مع العلم اني راكب عربيه قديمه بس مش هبيعها هيا اعتماديه جداااااااا بس خلاص زهقت
هل هتبقي صفقه رابحه ولا انا موهوم علي الفاضي عشان فكرت برضو في الكورسا سيدان 2006 او 2007
و هل الكيلو متر الكتير مؤثر ولا المهم الحاله فقط لا غير في البي ام
بس اسف علي الاطاله لاني نازل من عربيه قديمه فخايف اركب عربيه مهما ان كانت اتوهم بيها علي الفاضي يا ريت تكون وصلتكو الفكره
و اسف مره اخري

والله أنا عشت نفس حيرتك...كنت ممكن أجيب سيراتو كوبيه مستعمله أو الفئه التالته 2001 و بعدين حسمت للبيمر بعد تجربه الاتنين.
بس لازم تعرف أن البيمر محتاجه اهتمام و رعايه و استعداد للصيانه و عدم الاهمال

**ahmedfarou2** · 20-03-2011 06:39 AM

ولاهي يا تيجر هقوللك رئي الشخصي المبلغ ده ميركبنيش زيرو محترم ابداااااااا
و ثانيا استحاله اركب صيني و الكوري برضو لا و اليباني يا ريت بس صعب بالمبلغ ده و بعدين الشوارع انتا عارف عامله ازاي
انا عربيتي بتتخبط والهي و هيه واقفه تحت البيت غير اللوح الفنيه الي بتترسم علي البويه بالمسامير
بصراحه معنديش قلب اركب زيرو اصلا
انما لو مستعمل هتبقي اهون
و بعدين انا من هواه المستعمل المحترم الي حالته شازه رائي انه افضل الف مره من عربيه زيرو متوسطه و شكرا لردك
و بعدين انا ملاحظ اسعار السيارات المستعمله علي النت مبالغ فيها جداااااااااااااااااااا
ولا بتهيالي بلاقي ناس طالبه في 316 موديل 92 تمانينات و اواخر السبعينات مش منطقي طبعا ولا حتي الي غاوي
في حدود يعني وفي موديلات 99 و الفين و فابريقه بالكامل بتسعينات و ميه مثلا من بق اصحابها

**m000dy** · 20-03-2011 11:14 AM

ولاهي يا تيجر هقوللك رئي الشخصي المبلغ ده ميركبنيش زيرو محترم ابداااااااا
و ثانيا استحاله اركب صيني و الكوري برضو لا و اليباني يا ريت بس صعب بالمبلغ ده و بعدين الشوارع انتا عارف عامله ازاي
انا عربيتي بتتخبط والهي و هيه واقفه تحت البيت غير اللوح الفنيه الي بتترسم علي البويه بالمسامير
بصراحه معنديش قلب اركب زيرو اصلا
انما لو مستعمل هتبقي اهون
و بعدين انا من هواه المستعمل المحترم الي حالته شازه رائي انه افضل الف مره من عربيه زيرو متوسطه و شكرا لردك
و بعدين انا ملاحظ اسعار السيارات المستعمله علي النت مبالغ فيها جداااااااااااااااااااا
ولا بتهيالي بلاقي ناس طالبه في 316 موديل 92 تمانينات و اواخر السبعينات مش منطقي طبعا ولا حتي الي غاوي
في حدود يعني وفي موديلات 99 و الفين و فابريقه بالكامل بتسعينات و ميه مثلا من بق اصحابها

انا مع الاخ احمد فاروق فى اللى بيقوله
انا اهون عليا ارش عربيه مستعملة ولا ارشش عربية زيرو مابقالهاش سنه لمجرد الخرابيش واخسر فى سعر اعادة بيعها مش اقل من 5000 جنيه ده غير ال 10000 بتوع كسر الزيرو
اما الناس اللى بتبالغ فدول مش بيبيعوا وانا رحت شفت عربيات اصحابها طالبين فيها 80 الف واكتر وامبارح لقيتهم لسه واقفين فى السوق وهايفضلوا واقفين واوعدك بكده
رحم الله امرء سمح اذا باع سمحا اذا اشترى
وكل واحد شايف عربيته الوزه اللى بتبيض بيضة دهب كل يوم فانا رأيى خليهاله بس اما سعر العربيات ينزل مايبقاش يبكى على اللبن المسكوب لان انا جربت حاجه زى كده فى اول عربية اشتريتها فى حياتى
عموما ارتفاع السعر البسيط بيأكد زيادة الطلب على عربية معينه زى ال 316
انا بفضل الله اقنعت واحد صاحبى راكب بيجو انه يغير لبى ام احسن من الكورى خصوصا انه نفسه فى عربية ليها برستيج
والحمد لله فى اخر اليوم فى السوق ربنا وفقنا لعربيه بى ام موديل 93 زينون وتكييف ولونها اسود وجنوط 16 وبخلصله فيها ب 55 الف ( كنت السبب فى ركوب 2 صحابى بى امات ولله الحمد وانا مش عارف اجيب لروحى عربيه :)
نصيحة من اخوك اصبر ودور وهاتلاقى حاجه حلوه باقل من المبلغ اللى معاك الفين تلاته وده الاحسن عشان تعرف تنقل ملكية على طول عشان تضمن فى الايام الغبرة اللى احنا فيها دى وكمان عشان اول ماتجيبها تعملها صيانتها من فلاتر وسيور وزيوت على طول من غير ماتستنى عشان تبقى فى الامان
والله الموفق

**ahmedfarou2** · 20-03-2011 01:22 PM

الف الف شكر استاذ ميدو والهي السعر الي انت بتتكلم فيه عين العقل او زياده شويه حسب الحاله
و بصراحه فكره انالواحد يركب موديل حديث و خلاص يبقي عايز مجرد وسيله موصلات ليس الا
انا احب اركب عربيه عربيه في حدود امكانياتي طبعا(اصيله يعني)و بصراحه انا هصب لغايه متوفيق ربنا يحصل
بس يوجد فعلا من 316 318 حلات صح تستاهل تتركب

**samehelrewesh** · 21-03-2011 07:32 PM

ياباشا 65 دول يركبوك e36 مرتاااااح
وعن تجربة بجد لو ركبتها مش هتعرف تركيب غير بى ام
وهى اصلا عربيات اصيلة اوووووووووووووى ( بس تكون اصلا عربية سليمة)
وربنا يوفقك ان شاء الله ويكرمك بحاجة كويسة