السلام عليكم
انا من شهيرين دفعت حوالى 800 جنيه فى :
كاسيت lg lac6900n
+
ومركب عليه سماعتين lg las-6932
الصوت كان كويس بس مكنش عالى بلدرجة المطلوبة ولما كنت بعلى كان الصوت بيبوظ
//////////////////////////////////////////////
المهم من يومين كده قررت انى اكبر السيستم و دفعت 1000 جنيه كمان وركبت
سماعتين كينود 450 وات
+
جى ام كينود 350 وات
و الراجل ركبلى رف خشب و كبلات وبتاع
وركب الجى ام على الاربع سماعات اللى هما 2 ال جى و 2 كينود
//////////////////////////////
انا كنت متوقع ان حسمع صوت جبار وانه المفروض يبقى اعلى من الاول و اوقى و انضف
النتيجة :d
اضحك عليا ولبسونى فى الصندوق
الصوت يا جماعة بقى قوى جدااا لكن بقى مكتوم
بمعنى ان الالات الموسيقية كلها واضحة لكن صوت المطرب بقى مكتوب
و بعدين حاسس ان الصوت مفهوش النقاء المطلوب
///////////////////////////////////////////////
روحت لمحل تانى قالى الجى ام ده ضعيف وميستحملش السماعات دى وقالى حركبلك جى ام سمفونى 600 وات وحجربهولك الاول
المهم جربه و الصراحة الصوت زى ما هوا ممكن يكون بقى اعلى بس برضوا الصوت مش نضيف و مكتوم
قولتبلوا شيل يا عم شيل ... قالى على فكرة العيب عندك من الكاسيت لان ال ال جى صوته وحش و مش مستحمل السيستم بتاعك
//////////////////////////////////////////////
قررت انى اكتب فى المنتدى هنا بدل ما الناس تودينى و تجبنى وانا مش فاهم حاجة .. قولت افهم من الخبراء ايه اللى ممكن اعمله عشان
اخلى الصوت يبقى نضيف و قوى و مفتوح مش مكتوم ... وحاليا البيز عجبنى جدا .... الاعتراض كله على الصوت نفسه
وياريت تقدروا ان مش عايز اخسر اكثر من كده
المفضلات