يا ابلاوية انا قلت نعم فى الأستفتاء - قلتوا ايه

**abdelaziz-waleed** · 20-03-2011 01:52 AM

good job egyptians, well done
انا صوت بلا علشان عاوز دستور جديد ويبقى كله بعد كدة على نضافة وساعتها هتكون البلد اكثر استقرارا.
انما لو هنستنى الدستور الجديد بعد الانتخابات يبقى البلد هتستقر ولكن احساسي انه مش هيكون استقرار فعلي
ولو نتيجة الاستفتاء خرجت نعم مش هزعل واتمنى ان نتيجة الاستفتاء تكون الافضل لمصر سواء نعم او لا

**ashrafnoby** · 20-03-2011 08:21 AM

عن اقتناع تام برضه قولت نعم

**romany777** · 20-03-2011 09:25 AM

لع لع لع

**Ahmed_lol2007** · 20-03-2011 11:31 AM

المشاركة الأصلية كتبت بواسطة tananybasha

ايه
رجعنا للواسطه تانى
طيب ايه الوضع
شفت تجاوزات

هههههههههههههه
والله مش واسطة ولا حاجة بس أنا شغلت دماغى قولت لو وقفت ف الطابور مش هوصل
والمكان اللى كان فى التصويت أنا حافظه صم فدخلت ولفت من ورا وطلعت على طول خلصت ومشيت
وكل اللى شافنى وانا بلف فاكرنى شغال ف المكان فمحدش كلمنى
وبصراحة مكنش فيه تجاوزات خالص
هو كام واحد من الاخوان اللى كانو بيزعقو ويهللو عشان الناس تسمعهم مش عارف ليه
بس كان يوم جميل لدرجة إن كل اصحابى واخدين ابائهم وامهاتهم وزوجتهم وابنائهم

**abdoghanm** · 20-03-2011 01:24 PM

الحمد لله روحت قريه جنب المحله علشان اصوت قصدي ادلي بصوتي في مكان ما يكنش فيه زحمه و قلت نعم و اعتقد ان اللي قالوا نعم عندهم حق و بردوا اللي قالوا لا عندهم حق و لازم اهم شيء اننا نحترم نتيجة الاستفتاء سواء كانت نعم او لا و نعم لان لو لا يبقي هنستني كده فتره اطول و بعد كده هانخش في حاجات تانيه زي مثلا لو شكلوا مجلس للحكم زي ما اللي بيطالبوا بلا بيقولوا هيكون معين ولا منتخب و لو معين مين اللي هيعينه و لو منتخب هيكون الانتخاب علي اساس ايه و ايه شروطه و لو هيبقي منتخب طب ما بالمره انتخابات بانتخابات و ننتخب رئيس افضل و كمان اللي مطمني ان اهم اتنين مرشحين للرئاسه بجداره (البرادعي و عمرو موسي ) بيقولوا لا لانهم مستعجلين علي تغير الدستور فلو بقي واحد منهم الرئيس هتكون اول اهتماماته تغير الدستور مع طبعا عدم المساس بالماده التانيه من الدستور و عن نفسي اري الاجدر و الاصلح السيد عمرو موسي و ده رأي شخصي و اللهم هيء لنا من امرنا رشدا وولي امورنا خيارنا و لا توله لشرارنا اللهم امين

**caboo_1** · 20-03-2011 02:50 PM

وانا كمان قلت لا عشان عايز تغيير جزرى وشامل
بصرف النظر عن النتيجة انا فرحت جدااااا اللى جه اليوم والواحد يبقى ليه صوت مهم..ده فى حد زاتة انتصار للثورة

**fraed1967** · 20-03-2011 06:37 PM

نعم حتى نتقدم ولاكن نعم الان هى من مصلحة الاخوان وشرزمة الوطنىالذين ىخرجون فى الليل
هم فقط الجاهزين على الساحه والمنظمين
فهى فرصة الاخوان وتوقعاتى ان مجلس الشعب القادم سيكون للاخوان

**cayman69300** · 20-03-2011 07:57 PM

الحمد لله انى رجعت من الوقف بسلام
و الحاجة التانية انا قولت نعم و عن قمة الاقتناع
و السبب
اى تغيير جذرى فى اى منظومة فى وقت قصير = يؤدى الى = انهيار المنظومة