أخيرا اكتشفت ازاى أعمل الاقتباس ده :).
أنا فى تطور دائم :)
أيوه شفت الماتش يا باشا.
مبروووك للأهلى و الدورى لينا.
عرض للطباعة
والله العظيم مع انى بحب الشاهين وبعشقها وعشت معاها احلى سنوات ، لكن والله كرهتها من كتر المواضيع البعيدة عن الواقع دى
لى عدة تعليقات على بعض الأقوال اللى قيلت فى الموضوع ده
1-بالنسبة لمقارنة سعر الشاهين باللانوس موديل 98 فسعر اللانوس اول ما نزلت كان 40 ألأف جنيه، وسعر الأكسنت 1300 تكييف وكاسيت كان 36ألف وسعر الأكسنت فاضية كان 33 ألف وسعر الشاهين كان 33 ألف، يعنى الشاهين كانت بسعر الأكسنت وليس اللانوس
2- ثبات الشاهين على السرعات العالية أسوأ من اللانوس بسبب قاعدة العجلات الضيقة ونظام التعليق الخلفى والذى يفتقر للتعليق الحر بسبب الديفرانس ذو القطعة الواحدة
3- فيات ليست اسوأ من جنرال موتورز، سيارة فيات لا تقل جودة عن سيارات جنرال موتورز فى الفئة الصغيرة والإقتصادية التى تتخصص فيها فيات، اما بالنسبة لسيارات مجموعة فيات الرياضية فهى تتفوق بسكل كاسح على سيارات جى إم الرياضية، تتفوق جى ام فى فئة السيارات الكبيرة والدفع الرباعى، لذلك لا معنى اطلاقا لتحقير سيارات فيات اذا قورنت بجنرال موتورز او العكس
4- الخامات التركية الموجودة فى الشاهين ممتازة فى معظمها،ربما باستثناء المساعدين والبلى، لكن المحرك اكثر من ممتاز وطويل العمر جدا،لكن الخامات المصرية الموجودة فى الشاهين غير جيدة ، بعكس سيارات اخرى مجمعة محليا تحمل خامات مصرية ممتازة
5- فرامل الشاهين سيئة جدا وعملية كبح سيارة شاهين تسير بسرعة فوق 80 ك/س فى موقف طارئ هى عملية فى منتهى الخطورة ولا يعرفها سوى من قاد الشاهين ثم انتقل لقيادة سيارة اخرى
6-تكييف الشاهين الأصلى غيرجيد بالمقارنة بسيارات نفس الفئة والحل الوحدي العملى لتكييف الشاهين هو تركيب تكييف ساندن وليس تكييف المصنع
7- الميزة الواضحة للشاهين فى مقابل سيارات نفس الفئة هى حفاظ الصاج الخارجى على شكله لأطول فترة ممكنة فى مواجهة سفالة اهل الشارع المصرى
8- مع تجربة استعمال سيارات شاهين ولانوس فى الشركة عندنا لمسافات تزيد عن ربع مليون كيلومتر، استطيع ان اقول ان الشهين ، برغم طلبها المستمر لقطع غيار بسيطة، لكن منظومتها الميكانيكية اكثر عمرا بشكل واضح من اللانوس، اللانوس لا تطلب قطع غيار لفترة طويلة لكن تأتى عليها لحظة تنهار فيها كليا وتطلب الكثير من قطع الغيار
9-اما قصة شكل الشاهين فى مقابل شكل سيارات مثل اللانوس فهى مسألة اذواق وانا اجرؤ ان اقول اننى احب شكل الشاهين اكثر
مع ذلك فأنا لا يمكن ان ادفع فى شاهين 1400 فاضية 64 ألف جنيه، انا شايف ان آخرها 50 ألأف قبل الغلاء، ومع الغلاء تبقى ب 55 ألف، اكتر من كدة هركب لانوس او فيرنا بضمير مستريح
ليس دفاعا عن الشاهين .... أعتقد إن الكل متفق في النقطة ديه إن سعر الشاهين زيادة عن المفروض.... بس الحقيقة برضه كل عربيات السوق المصري اسعارها مبالغ فيها
فادي باشا هو إنت بتكره اليابانيين أوي كده ليه ؟;)اقتباس:
المشكلة انو الاعلام عمل نوع من البروباجندا للأسيويين عموما و اليابانيين خصوصا و يصورهم لنا كأنهم نوع تانى من البشر , و مثال على ذلك مقالة فى روزاليوسف النهاردة بعنوان "عبادة العمل فى اليابان", و طبعا المقالة تعدد ميزات اليابانى و كيف يعمل 12 ساعة فى اليوم و يحترم المواعيد الى أخر هذا الهراء و كأنهم شعب من كوكب أخر. ديه البروباجندا المقيتة التى صنعت اسما للمنتج الأسيوى من لا شىء.
أكيد طالما الشاهين مش منتشرة عندهم ومنتشر بدل منها الياباني !!!!!!!
كل النقاط التي أوردتها تؤكد عدم ثبات الشاهين على السرعات العالية وفي المنحنيات وكأنك تجيب على نفسك
المقصود في النهاية إن الإنسان يمشي عكس إحساسه ويكذب عينه مثلاً ويقول الشاهين لا يعلى عليها !!!
مهما عمل الإعلام مش هنقدر نتخذه حجه إنه أقنع الناس إن بعض السيارات الياباني أفضل من الشاهين
لابد أن يكون عندنا إحترام لعقلية الناس وبالتأكيد لا يزال لدى الناس بعض العقل الذي يحددون به ما هي السيارة الأفضل التي سيضعوا فيها تحويشة عمرهم
ومفتكرش هيرموا تحويشة عمرهم مجاملة للإعلام أو إنسياقاً للأوهام
الخلاصة الشاهين سعرها إرتفع بطريقة جنونية إستفزازية لأنه في الغالب آخر إنتاج لها
تصحيح للمهندس سبعاوى
انا مشترى الشاهين 8/1998 كانت بـ 37000 وموجودة فقط عند رياض عمران وشيرين كار ب36000 جنيه ، اللانوس كانت بـ 38500.00 (دى معلومة أكيده)
خارج الموضوع
بشكرك لإنى سمعت بنصيحتك فى تركيب التكييف عند ساندن فى المعادى وهما ناس محترمه والتكييف حتى الان كويس (تم تركيبه من 15 يوم ومجربتوش كتير)
وشكراً
الأسعار اللى انا اوردتها هى اسعار منتصف عام 1999 ساعة لما انا اشتريت اللانوس وقبلها ابن عمتى اشترى اكسنت وكانت الشاهين متاحة امامى وبرضه انا متأكد من الأرقام جدا ولذلك احتمال تكون الأسعار تغيرت بين 98 و 99 ، لأن 38.5 بتوع اللانوس فى سنة 98 كان سعر على الورق لأن العربية كانت غير موجودة غير بحجز لمدة طويلة جدا وظل الكلام دة سارى لحد نص 99 ، وبالتالى كان سعرها الفعلى من التجار اعلى حوالى 2000 جنيه، لكن توافر اللانوس من الوكيل بسعر 4000 مقفولة تسليم فورى (انا اشترتيها كدة) خلى الأكسنت تنزل ل 36 ألف وبالتالى الشاهين ل 33 ألف فى منتصف عام 99
الله عليك ياابو السباع ...جبت من الاخر
..mokhtar..
كل حاجة فى البلد دى بتزيد اليومين دول بمزاجها بدون اسباب منطقية
فا مش حتيجى على الشاهين وتقف يعنى
اهو تغلى مع الهوجة
ومتسالوش المفروض هى تمنها يبقى كام
هو فية حاجة فى مصر بتتباع بسعرها المناسب لامكانياتها
طبعا لالالالالالالالالالالا
وباليالى محدش يعلق على سعر حاجة ويقول لية
التكييف = 3200.00
واشتريت وركبت انذار وسنتر وصلحت الردياتير بالمره
إجمالى الفاتورة 3700
خصم 5 % (185 جنيه)
دفعت كله 3515 بالقشيش 3550.00 جنيه
مفيش تفاصيل أحسن من كده (:
طيب مش كنت تسأل قبل ما تروح تركب عند ساندن دول..؟؟
اولا.. دول مش توكيل..
روحت عندهم مع واحد صاحبي كان هيركبه في مازدا 323 بتعت الجيس دي..
وسألنا وكده بصراحة الكلام كان عايم و مايع جدا..
وحتي لما حبينا نتفرج ع الكومبريسور شكله ايه و كده طلعولنا واحد من كرتونه مجهولة كده..
مش مكتوب عليها ولا عليه اي حاجة..
والسيريال اللي ع الكرتونه غير اللي ع الجهاز..و كان تهريج..
الخلاصة انه راح ركب عند مقار مدينة نصر..
وبقاله سنتين شغال زي الفل ولم يحتاج حتي لصيانة..
يروح يتمم عليه و يمشي من غير شغل وزي الفل..
انا لسه مش قادر احكم عليه يا بشمهندس أحمد إذا كان كويس ولا لأه ، ما شغلتوش كتير ، بس انا سألت كتيييييييير قبل ما اروح (منهم قراءت موضوع المهندس سبعاوى فى قسم فيات وهو مثبت لأهميته) ، فكان عندى اختيارين بعد ما استفسرت واحد فى حدائق القبة (مش فاكر اسمه) ، وساندن ، لما يهل الصيف علينا بحلاوته هقول ايه اخبار التكييف
هو اكيد لو التكييف نفسه اصلي يبقي خلاص..
ربنا يكرمك و يطبع كويس و اخر تمام ان شاء الله..
ربنا يهون علينا الصيف بالحر بتاعه و رطوبته العنيفة..:)