"نا الصراحة مش فاهم وجهة نظر حضرتك انك تقلل من شأن عربية تانية علشان ترفع من شأن عربية بعديين العربية الدايو اللى من افشل السيارات بتتباع فى السوق الامريكية اللى مابيعجيبوش العجب ( هل بقى الشاهين اللى لسة مدخلين عليها الانجكشن قريب دخلت السوق الامريكية )"
السوق الأمريكى و الأمريكان عموما معروف عنهم انهم بيشتروا أى حاجة و مبيدققوش و أى حاجة بتتباع عندهم مادامت رخيصة, و السوق عندهم فيه سلع مغشوشة أكتر من مصر, و بيشتروا أى حاجة و يرموها بعد فترة.
شرحت قبل ذلك أسباب ندرة السيارات الأوروبية عموما فى السوق الأمريكى فى موضوعى عن السيارات اليابانية.
و هل بيجو و رينو و سيتروين و ألفاروميو و فيات موجودين فى السوق الأمريكى؟
ده مش مقياس.
"السبارك دية واخدة 3 نجوم فى اختبار الأمان تفتكر يا اخ فادى الشاهين لو تم اختبارها حتاخد كام ؟
و على فكرة الشاهين مش ثابتة و دة مش كلامى دة كلام الى معاهم العربية و انا ركبتها
الشاهين زى ما انا قلت"
أنا معايا شاهين برضه و ثباتها فى المنحنيات و أثناء الانطلاق و الكبح فوق الممتاز و ده منطقى نظرا ل:
- الدفع الخلفى و توزيع الوزن المدروس.
- قسوة التعليق مما لا يسمح بتبدل الأوزان أثناء المناورات بشكل كبير.
فى الطرق السريعة تفتقد لبعض الثبات على السرعات العالية(و هذا ما يعنيه) نظرا ل:
- ارتفاع نقطة الثقل نسبيا( ليست مرتفعة كما تبدو للوهلة الأولى و سوف تجد أن ارتفاعها مماثل لعدة سيارات أخرى).
- الدفع الخلفى, مما يعنى تركز بعض الوزن فى الخلف, و افتقاد لبعض الوزن فى المقدمة التى تواجه الهواء. (الدفع الخلفى أفضل ثباتا فى المنحنيات و الانطلاق و الكبح, و أقل ثباتا على السرعات العالية).
- خفة الوزن, وزنها 960 كغ فقط, و هى أخف سيارة فى الفئة العائلية الصغيرة, مما يعنى رشاقة الأداء, و تسارع هو الأفضل فى هذه الفئة, لكن يأتى على حساب الراحة على السرعات العالية.
عموما و من تجربتى لحد 120 كم السيارة ثباتها جيد جدا, بعد ذلك تشعر بفقدان الثبات.
و معظم سيارات الدفع الخلفى من الفئة الصغيرة تفتقد للثبات الجيد على السرعات العالية, و الثبات على السرعات العالية يصنف كنوع من الراحة و لا علاقة له بالأداء الرياضى.
المفضلات