الموضوع: فزاعة الاخوان و السلفيين.. احذروا الدعاية السلبية و الغباء السياسى

المشاركة الأصلية كتبت بواسطة tlrsiap

بصراحة , اللي بعض العناصر السلفية بتعمله في الاستفتاء لا يصح بالمرة

مع معرفتي المسبقة لحضرتك من خلال ردودك بالدفاع عن الدين وعن أهله (سواء كانوا إخوان ، أو سلفيين أو غيرهم) ، اسمح لي أقول بارك الله فيك يا أخي ، لكن ليا عتاب صغير على كلمة عناصر سلفية ، هو الحقيقة إننا كلنا سلفيين (أي نتبع منهج السلف) وكلنا إخوان (إخوان في الدين) وكلنا في الآخر مسلمين ... طبعا بعض المشايخ غير معصومين من الخطأ ويؤخذ منهم ويرد وأكيد منهم وقعوا في الخطأ ده ... لكن المشكلة دلوقتي في التعميم ، المشكلة إن الإعلام مركز على كلمة الجماعة السلفية والإخوان ووصلوهم لدرجة العمالة للحزب الوطني وأمريكا وإسرائيل (إزاي ما عرفش) ، والمشكلة إن بعض المسلمين مننا بيساهم في هذه الحملة الشرسة ضد الإسلام والمسلمين

طب ما هو فيه فيديوهات لبعض القساوسة بتحض النصارى على قولة لا ، ليه لم يتم التركيز عليهم من قبل الإعلام؟؟؟

بارك الله فيك وجزاك الله كل خير
وجعله في ميزان جسناتك

المشاركة الأصلية كتبت بواسطة tlrsiap

سلام عليكم
الله يكرمك اخي الكريم
انا عشان كده مخصوص زودت كلمة (بعض) , و الحديث عن اتباع مشايخ الدعوة السلفية تحديدا (مع اتفاقي ان كلنا سلفيين و كلنا اخوة في الدين , لكن هذا لا يعني بالضرورة ان احدا فينا عضو في تنظيم الاخوان او يناصر احد مشايخ السلفية , لهم كل الاحترام بالتأكيد , و لكن ليس لهم تجاهل اي خطأ بالطبع و هو ما يفترض انه حال المسلمين )
المهم
زي بالظبط في خلال الثورة و الاعتصام , فيه اخوة سلفيين شاركوا في الثورة و متصورين في الفيديو
و فيه اخوة سلفيين ما شاركوش في الثورة بناء على فتوى (بعض) المشايخ ان التظاهر حرام و انه يعتبر خروجا حراما على الحاكم
ففي الحالة دي لازم نقول ان (بعض) السلفيين ما شاركوش في الثورة , و (بعضهم) شارك , لأن في الحالة دي طبعا التعميم خطأ
نفس الكلام في موقفنا هنا , التعميم ما ينفعش , بعض السلفيين اخطأوا برفع شعارات نعم تبقى مسلم لأ تبقى كافر , و الكلام ينطبق على فئات كتييييييييييييير اوي صدر منهم اخطاء مباشرة

كل ده كان اولا
ثانيا بقى :)
ليه الاعلام ما ركزش على اللي بتعمله الكنيسة (و انا ادين ما تفعله الكنيسة و ادين تجاهل الاعلام له ) , لأن الاعلام ببساطة اغلبه يساري , و اغلب اليسار كده (برده ليس كله)

شكرا على ردك أخي العزيز

أولا ، مع احترامي لحضرتك ، عايزين نشوف دليل مرئي للناس اللي بيدعوا إنهم سلفيين وبيكفروا الناس لمجرد قولتهم لأ ... (على فكرة ما تنساش إن فيه جماعة تكفير وهجرة ، وناس برضه ملتحين ومقصرين الجلابيب ، بس الناس بتخلط بينهم وبين السلفيين)

ثانيا ، أي واحد مسلم (فضلا عن إنه ملتزم أو عنده خلفية في العلم الشرعي) عارف إن التكفير مسألة صعبة جدا ، وإنه لا يجوز بأي حال من الأحوال تكفير المسلمين...

قال رسول الله صلى الله عليه وسلم: "إذا قال الرجل لأخيه يا كافر فقد باء بها أحدهما"
وقال صلى الله عليه وسلم أيضا: "إن قال الرجل لأخيه كافر فإن كان كما قال وإلا رجعت عليه"

كلنا عارفين الأحاديث دي ، فضلا عن السلفيين

المشاركة الأصلية كتبت بواسطة tlrsiap

همممم , تكفير و هجرة , انا اللي فاكره بصراحة اني شفت مكتوب على حاجة زي كده الدعوة السلفية , لو كان اللي انا فاكره صحيح يبقى الموضوع منتهي و اللي طلع المنشور ده أخطأ بكل تأكيد , لو انا فاكر غلط يبقى الموضوع زي ما بتقول بين السلفيين و التكفير و الهجرة

بمناسبة موضوع التكفير والهجرة ... كان واحد ساكن معانا في المنطقة (منهم) راجل ملتحي وجلبية بيضا... بنلعب كورة قدام محل كوافير رجالي بتاع واحد صاحبنا وجه علشان يحلق ... وقعد ينصح الحلاق ويقول له بصوت عالي ... لعب الكورة كفر ، لعب الكورة كفر :d وكمل زعيق مع الحلاق (بينصحه) وصوته علي جدا وزنق الحلاق وقلنا هيضربه ... اتخضينا الصراحة ، وفجأة موبايل الراجل رن بنشيد ديني (وهو أصلا حاطط أغاني ونشيد في النص) ولسه بتاع التكفير ده موجود عنده في المحل ، بعد ما مشي ، قلت للحلاق انت حظك من السما لو موبايلك رن أغاني ولا بتاع كان قتلك فيها دي :d