عن مصر والشعب المصري اتكلم

**dr-mohamed** · 20-03-2011 04:37 AM

ما هذا الذي اراه في منتدانا
هل هذا المنتدي مصري ؟؟؟؟؟؟؟؟؟
من قام بالثورة هو الشعب المصري بكل فئاته
البعض يعارض النظام القديم وبعنف من 2005 وما قبلها
البعض كان لهم دور في اشعال الثورة
لكن كل هؤلاء لم يكن لهم اي قيمة بدون الشعب المصري الذي ثار
الشعب المصري هو الذي قام يالثورة وليس شعب اخر
الشعب المصري هو الذي استشهد ابنائه واصيبوا وليس شعب اخر
الشعب المصري هو الذي ضرب افضل النماذج لثورة شعبية تهدم نظام ثم تنظف الميدان

هذا هو الشعب المصري يا سادة

ما وجدته من هجوم عنيف على الشعب المصري واتهامه بانه لا يستحق فلان ولا علان واتهام الشعب المصري بالجهل وعدم المعرفة وانها ما زال قاصر يحتاج ان ياخذ بيده الاخرين حتي يعرف طريق الحرية والديمقراطية وكأن الديمقراطية لا تتحقق الا اذا اتبعناهم امر مرفوض تماما

هناك أمر لا يرضيك قال ان هناك عيب معين وقل كيف يتم اصلاحه
اخطأ البعض قل البعض اخطأ
لكن ان تهاجم مصر والشعب المصري ككل فهذا مرفوض
ان نري هذا الهجوم المتتالي على الشعب المصري وعلى مصر فهو أمر مرفوض مرفوض مرفوض

من لا يعجبه الشعب المصري ولا تعجبه مصر بكل ما فيها من مميزات وعيوب وخير وشر وعلم وجهل والحاد وتعصب في التدين من لا يعجبه ذلك فليترك مصر ويترك شعبها ويذهب الي اي بلد في العالم ترضي به

**cheetos_892005** · 20-03-2011 04:54 AM

يااااااااه يا دكتور قلت كل اللي في نفسي و الله .......

اللي بيقول الجمله الشهيره ((هو ده الشعب المصري )) و بعديها كلام فاضي ...ز

متبص لنفسك انت ؟؟؟؟؟؟

فالح بس عاملي فيها ناصح و نبغة عصرك .....

كنت فاكر لما الشرطه تغيب عن الشارع و يفتحوا السجون ان البلطجيه هيقوم فيهم حس الوطنيه و مش هيعملوا حاجه ؟؟؟!!!!
شيل الشرطه من اي بلد اوروبيه كده ؟؟؟؟

فكرك يعني السواقين و البلطجيه هناك هيلفوا يوزعوا ورد في الاشارات ؟؟؟؟؟

ولا البلطجيه هيروحوا يحرسوا العمارات ؟؟؟؟؟؟؟

حط شلة عصابات 60 سنه تحكم بلد ويكون كل همها مسح مخ اي حد يتكلم او تعليق اي حد يقول كلمة حق او توعيه ...
+ فقر متعمد +تعليم متخلف +..............

فكرك يعني هيطلع ايه؟؟؟؟؟؟

اينشتين !!!!!!!! ما لازم يطلع كده !!!!!!!!

وخد من ده امثله كتير ........

تعرف البني ادم المغفل منين ؟؟؟؟

انه اول ما يتزنق يقولك والله منتو فاهمين حاجه و هتفضلوا طول عمركوا كده

ولو جيت تناقشوا تاني يضحكلك ضحكت استهزاء ....

ومن الاخر مش عاجبك البلد و شعبها .....

خد بعضك و في داهيه مش ناقصاك .

**kono** · 20-03-2011 05:03 AM

المشاركة الأصلية كتبت بواسطة cheetos_892005

تعرف البني ادم المغفل منين ؟؟؟؟

انه اول ما يتزنق يقولك والله منتو فاهمين حاجه و هتفضلوا طول عمركوا كده

ولو جيت تناقشوا تاني يضحكلك ضحكت استهزاء ....

ومن الاخر مش عاجبك البلد و شعبها .....

خد بعضك و في داهيه مش ناقصاك .

جامد اوى الكلام ده
وهو بيبقول كده لانه مش عنده كلام يقوله

**dr-mohamed** · 20-03-2011 05:11 AM

المشاركة الأصلية كتبت بواسطة kono

+1
بس كتير من المصريين عندنا مشاكل وممكن تتعالج من غير اللى مش عاجبه يسيب البلد ويمشى ولا حاجة
زى مثلا (التعميم - عدم تقبل الرأى الاخر - الترويج للاشاعات وعدم التأكد من مصدرها ) واللى ظهر قى الفترة الاخيرة عند البعض ( التخوين )
ودى كلها عادات سيئة سهل التخلص منها

عارف يا كونو علشان كدة قلت عندنا مشاكل وشرحتهاانت احسن مني وشيتوس حلل اسبابها احسن من اي تحليل ممكن انا اكتبه لكن المطلوب اننا نقول عيوبنا ونحاول نصلحها مش نقول الشعب المصري كذا وكذا ونسبه ونقول انه مايستاهلش فلان ولا علان وخسارة فيه الحرية والديمقراطية وووو طيب ما احنا كلنا بما فينا اللى بيكتب كدة الشعب المصري

المشاركة الأصلية كتبت بواسطة cheetos_892005

يااااااااه يا دكتور قلت كل اللي في نفسي و الله .......

اللي بيقول الجمله الشهيره ((هو ده الشعب المصري )) و بعديها كلام فاضي ...ز

متبص لنفسك انت ؟؟؟؟؟؟

فالح بس عاملي فيها ناصح و نبغة عصرك .....

كنت فاكر لما الشرطه تغيب عن الشارع و يفتحوا السجون ان البلطجيه هيقوم فيهم حس الوطنيه و مش هيعملوا حاجه ؟؟؟!!!!
شيل الشرطه من اي بلد اوروبيه كده ؟؟؟؟

فكرك يعني السواقين و البلطجيه هناك هيلفوا يوزعوا ورد في الاشارات ؟؟؟؟؟

ولا البلطجيه هيروحوا يحرسوا العمارات ؟؟؟؟؟؟؟

حط شلة عصابات 60 سنه تحكم بلد ويكون كل همها مسح مخ اي حد يتكلم او تعليق اي حد يقول كلمة حق او توعيه ...
+ فقر متعمد +تعليم متخلف +..............

فكرك يعني هيطلع ايه؟؟؟؟؟؟

اينشتين !!!!!!!! ما لازم يطلع كده !!!!!!!!

وخد من ده امثله كتير ........

تعرف البني ادم المغفل منين ؟؟؟؟

انه اول ما يتزنق يقولك والله منتو فاهمين حاجه و هتفضلوا طول عمركوا كده

ولو جيت تناقشوا تاني يضحكلك ضحكت استهزاء ....

ومن الاخر مش عاجبك البلد و شعبها .....

خد بعضك و في داهيه مش ناقصاك .

والله يا شيتوس ما كتبته غير بعد ما السكر على فعلا وعارف انه في عقل كثيرين جدا مننا عايزين يكتبوه لكننا كلنا متحرجين ومش عايزين نزعل حد لكن لازم شوية صراحة بقة
والشعب المصري عنده كل المشاكل اللى انت قلت عليها واكتر كمان لكنه بردو الشعب اللى انا اتكلمت عنه
هو نفسه الشعب اللى ثار
هو نفسه الشعب اللى خرج النهاردة بنسبة غير طبيعية وغير متوقعة من الجميع للاستفتاء
الشعب المصري والله بيفاجئني كل يوم اكتر من التاني
فاجئني بالحضور الرهيب ايام الثورة وبالحضور الرهيب في الاستفتاء
يعني الشعب والله عايز يتغير وعنده استعداد يتغير للاحسن

المهم بقة بدل ما ننتقده ونشتمه ونسبه نساعد كلنا بعضنا نبقي احسن وكل واحد فينا يلتزم بالقانون قبل ما يقول الناس بتخالف وكل واحد فينا يشتغل اد ما بيتكلم ويقوم بواجبه الاول وبعدين يطالب بحقه ويصلح في نفسه اد ما بينتقد الاخرين والله لو عملنا كدة هايبقي فيه امل

**dr-mohamed** · 20-03-2011 05:25 AM

المشاركة الأصلية كتبت بواسطة cheetos_892005

صلح من نفسك و على قد ما تقدر من اللي حواليك ....

و سيب الباقي على ربنا ...

الله يرضي عليك لو كل واحد يعمل بالقاعدة دي هانبقي احسن كتير جدا لكن للاسف البعض يكتفي بالنقد فقط ولا يصلح من نفسه ولا يطور من عمله ويكتفي بالهجوم والتقليل من حق الشعب المصري واهانته