الموضوع: النتائج الأولية للإستفتاء : 79% نعم - 21% لا

المشاركة الأصلية كتبت بواسطة medo_2060

انا وجهت الكلام الى شخص من تدافع عنه وهم الاخوان والسلفيين(وانا مش بكرههم بس هما غلطوا فى الى عملوه) لكن حضرتك عايز توجه كلام لشخصى وانا لا امثل اى جماعه ولا بتبنى تفكير اى طرف.. عموما براحتك وبرضه حضرتك مردتش على الكلام الى قلته بانهم ضللوا الناس واغتالوا حريتهم ودلوقتى بتقولوا نحترم الحريه..ما علينا ..
ثانيا
هو انا طالبت ان القرى والارياف تبقى نسبه لمن يقولوا لا... انا قلت نعم اكتر فى المدن والارياف لكن لما تشوف المدن لجنه زى بتاع المنصوره 41 الف نعم و35 الف لا ... يبقى معقول الكلام ولا اعتراض ... لكن الارياف لما تلاقى قرى كامله نعم .... ثم بدون ارقام ولا يحزنون دا انا بقولك شفت بعينى كلام الخطيب والمنشورات الى بتتوزع كلها اكاذيب وسمعت كلام الناس الى هتقول نعم هناك و الكلام الاهبل دا رشق فى دماغهم والكلام دا مش سر ولا بقوله لوحدى نفس الكلام حصل فى كل حته ... لانكم بتبرروا التضلليل دا بأى شكل ومقتنعين بأفكار معينه فالنقاش مش هيبقى له قيمه صدقنى ... معلش انا مش هكمل نقاش هنا تانى عشان منلفش فى حلقه مفرغه زى ما بتقول واتعب حضرتك.. وشكرا لتفهمك

طيب حضرتك ملومتش ليه اللي كانو بيقولوا لا لترقيع الدستور مع ان احنا قولنا الف مره ان اللواء ممدوح شاهين قال ان دستور 71 معطل ومش هيرجع تاني في الحالتين وسواء قولت لأ او قولت نعم هيتم عمل اعلان دستوري مؤقت للبلد
مأنكرتش عليهم ليه وقولت دول بيضللوا الناي وهاجمتهم واتهمتهم كمان
ده ردي على سؤالك الأول

يا أخي انا عاوز اوصلك لبس لأمر
الا وهو انا بسمع لشيخ وانا اهبل وعبيط وبمشي ورا كلامه كده فده شئ لا يخص اي احد الا نفسي
مينفعشي انت بقه تيجي تقول للناس ازاي تسمعوا كلام المشايخ كده والكلام ده
ده اول افتراض لو افترضنا ان ده اللي بيحصل او غالب اللي بيحصل
الأفتراض الثاني
انك تتكلم بان 1425 واحد مفيش ولا واحد منهم عنده فكر او مخ انه يفكر علشان كده سمعوا كلام اللي بيضحكوا عليهم وقالو نعم
يعني مينفعشي تسفه عقول الناس ككل كده
يعني 1425 واحد مش معقولة يعني كلهم بالشكل ده

ثانيا بقه مردتشي انت ليه واتكلمت في ان النصارى ككل كان رأيهم لأ
يعني معقولة كلهم متفقين بالشكل ده

وياريت تشوف الموضوع ده وأمانة عليك تسمع كل الفيديوهات اللي فيه

http://www.nilemotors.net/Nile/20809...post3873364662

السلام عليكم و رحمة الله و بركاته

مع احترامى لكل اللى قال نعم و لكل اللى قال لأ , فالنتيجة بنعم و لا لأ, مش هى نهاية المطاف و لكنها خطوة اتعملت و أنا اللى كان يهمنى, أنها تتعمل صح و بالوضع اللى أنا شوفته امبارح ده, أنها اتعملت صح الصح و كان فيه اقبال من الناس و كان فيه فعلا وعى أن الناس تقول رأيها و ده عندى أهم من النتيجة نفسها لأن هى دى الحاجة اللى تثبت أن الناس لسه عايشة و فيها أمل, أما الPathway اللى الأمور هتمشى فيه لو كانت النتيجة ب نعم و لا ب لأ, مش مهم و أيا كانت النتيجة, المهم دلوقتى أننا نستعد أننا -كشعب مش كمرشحين- ندير الانتخابات بشكل سليم جدا, يعنى مانختارش المرشح اللى هيجيب لنا بطانية و كرتونة تموين, لكن نقدر نفرز المرشحين فعلا و نقيم كل واحد فيهم و نقدر نعرف مين اللى بيضحك علينا و مين اللى بيشتغلنا و مين اللى هيقدر فعلا يخدمنا و نختاره و لازم هيحصل أن فى البرلمان القادم هيبقى فيه نماذج مش عاجبانا و نماذج اتغشينا فيها و كله هيبان و المهم أننا نتعلم من أخطائنا.

ايه رأيكم أننا ننظم مظاهرة مليارية للتحرير عشان مايجيبوش فتحى سرور رئيس البرلمان تانى لحسن تبقى مصييييييييييييييييبة سودة؟؟؟؟؟

المشاركة الأصلية كتبت بواسطة نور القمر

انا بتكلم على عينة من الناس اللي انا اعرفهم
انا بالنسبة لي مجرد وجود المادة الثانية زي زمان ملوش قيمة نهائي لان مفيش تطبيق حقيقي للشريعة اللهم إلا قوانين المواريث
بالنسبة والله افضل تطبيق الشريعة بجد مش مجرد كلام على ورق
يعني السارق تقطع ايده مش يتحبس شهر ولا سنة لا 10 سنين ويخرج يسرق تاني
والزاني يقام عليه الحد
والقاتل يقتل مش يتحبس تأبيده
ونلاقي السجون مليانة مجرمين بقوا اشد اجراما بمرور الوقت
وده رأيي بالنسبة للمادة الثانية
اما بالنسبة لسؤالك الاول فانا ممتنعة عن الرد عشان انا مش في امتحان اولا ثانيا مش معنى انك بتكتب مواضيع او ردود طويلة بقيت انت الملم بالمواضيع ككل وغيرك جاهل
وياريت يابو عبدالله قبل ما تتهم الناس زي ماانا ملاحظة في ردود كتير لك في اكثر من موضوع تشوف طريقتك انت الاول الهجومية احيانا والساخرة احيانا وتحاول تصلحها

طيب مختلفناش في موضوع المادة التانية من الدستور

طيب اتركها زي ما هيا ولا اشيلها
انتي دخلتنين في زمان سابق
انا بتكلم دلوقتي على دستور سيحترم
انتي عاوزاني اقيس الواقع على نظام سابق فاسد
طيب ما احنا دلوقتي بنتكلم في تطبيق للدستور على الكل

ثانيا حضرتك بتناقشي الحجج يبقى متحولش الكلام الى شخصي
انتي حضرتك قولتي اللي قالوا نعم 3 اصناف
وذكرتي واحد منهم بيخالف الأقباط بدون ما يعرف الأقباط عاوزين ايه من لأ
طيب انا بقول لحضرتك انا واحد من اللي قال نعم ومن ضمن اسبابي مخالفة الأقباط علشان عارف قالوا لأ كلهم بدون استثناءات ليه والدليل هنا

http://www.nilemotors.net/Nile/208098-a.html

راجعي الموضوع وبعدين ردي عليان بالدليل بدل الهجوم وخلاص

يا أخت نور لو انتي شايفاني زي ما انتي ذكرتي فانا آسف لك ولغيرك ولكن لا تستهيني بكمية الكلام المغالط فيه اللي بيتقال امامي ومش علشان انا فاهم او عارف او بدعي كده
ولكن مش معقولة يبقى معايا دليل ويجي حد يقولي لأ كلام فارغ
حضرتك مش انا اللي هاجمت الطرف اللي بيقول لأ وانما انتي من فعلتي ذلك
فحضرتك حصرتي اللي بيقول نعم في ثلاث اصناف وشبهتيهم بأن صنف منهم بيخالف الأقباط وخلاص وده خطأ ويجب ان تحترمي ذلك بدل ما تهجميه لأن مش انا اللي هجمت
وصنف اخر انه خايف على المادة الثانية وده حقيقة واذا انا مكنتش شايف ده فده يدل على اني لا اجهل بكثير من الأمور التي تدور في عالمنا واجهل بشخصيات الذين يعلوا صوتهم في قول لأ ويتزعمونها

وتقبلي تحياتي فانا اكن لك كل احترام وتقدير والله ثم والله لا اهاجم احد الا بالدليل وده مش عيب لأن برد على كلام فيه مغالطات كثيرة
فاعذريني