هغير الديسك والاسطوانة ومحتار بين الفرنساوى والايطالى

**heshamzaky** · 24-03-2011 03:19 PM

المشاركة الأصلية كتبت بواسطة mohamed9999

انت انسان محترم يا heshamzaky لسرعة الرد و الشرح الوافى بس انا ليه سؤال بعد اذنك يا سمسم
العربيه التمبرا عربيه اصيلة ولا زيها زى الفيات اصل انا ملسوع من الفيات قبل كده بمعنى
يعنى كثيرة الاعطال ولا اعتمادية
وهل قطع غيارها متوفره ولا نادرة
ولو معايا 25000ج اعرف اجيب تمبرا كويسة

العفو يا باشا على أية . بص أدخل على رابطة التمبرا و أنت تعرف كل سؤال يجى أو ما يجيش فى بالك و قطع غيارها مفيش أكتر منها و عاملين فى قسم فيات موضوع مثبت لاسعار قطع الغيار . الخلاصة التمبرا ممكن تقول عليها مرسيدس الفيات و ممكن لو تمبرا أستيراد بيبقى حاجات كتير جدا فيها بوش ألمانى ساعتها تقارنها مش بالفيات تقارنها ب ال بى أم نفس الفئة و أجدع من الاوكتافيا مع العلم أنى كنت بفكر أجيب أوكتافيا . بس 25 الف قليل التمبرا السسليمة مش أقل من 35 الف أو تجيبها ب 32 الف او 31 الف و تصرف 4 الاف او 5 الاف جنية و تبقى راكب زيرو

**albashaalmohan** · 25-03-2011 03:31 AM

المجهود الرائع ده يدل علي شهامه صاحبه هو ده المصري

**smsm_cato** · 27-03-2011 11:25 AM

اشكرك من هنا لبكرة الصبح يا استاذ هشام على الاجابة الوافية ويارب الاقى mapa اللى انت قولت عليه للعربية عندى بس انا مستنى للشهر الجاى علشان الميزانية

**heshamzaky** · 27-03-2011 11:38 AM

المشاركة الأصلية كتبت بواسطة smsm_cato

اشكرك من هنا لبكرة الصبح يا استاذ هشام على الاجابة الوافية ويارب الاقى mapa اللى انت قولت عليه للعربية عندى بس انا مستنى للشهر الجاى علشان الميزانية

العفو على اية و لو عاوز اقولك اماكن محلات كتير بتبيعة موجود بكثرة فية محل بتعامل معاة فى شارع جسر السويس بعد كوبرى التجنيد و فى الشارع الى يوديك على عزبة شلبى أسمة شارع عمر المختار شوفتة عند محل هناك و ب 260 جنية كمان .
يعنى موجود حا تلاقية بسهولة أن شاء الله