هغير الديسك والاسطوانة ومحتار بين الفرنساوى والايطالى

**smsm_cato** · 20-03-2011 03:41 PM

انا معايا فيات 132 ونويت ان شاء الله اغير الديسك والاسطوانة والبلية يعنى الطقم كامل وسألت لقيت الفاليو الفرنساوى عامل 350 جنية والايطالى عامل 265 فعايز رايكم هل لو جبت الايطالى اداؤة اقل وهيتاكل بسرعة زى ما بسمع من الناس ولا الفرنساوى واخد شهرة من كلام الناس ومفيش فرق بين الاثنين

**mohamed9999** · 22-03-2011 12:33 PM

انت لسه معاك العربيه يا سمسم ........... انت غيرت رايك فى بيعها ولا ايه

**smsm_cato** · 23-03-2011 04:17 PM

المشاركة الأصلية كتبت بواسطة mohamed9999

انت لسه معاك العربيه يا سمسم ........... انت غيرت رايك فى بيعها ولا ايه

مغيرتش رايى ولا حاجة بس مش علشان ببيع العربية اهمل فيها وادينى معاها لغاية ميجى صاحب نصيبها وغيرت المساعدين اللى قدام علشان مكنوش عاجبنى بجوز ربع نقل استيراد بس نظاف جدا بس بردة مقولتليش رايك الفرنساوى ولا الايطالى

**heshamzaky** · 23-03-2011 04:35 PM

و الله حا أقولك غلى رأى أخر بص الايطالى مش مضمون أنة أيطالى أصلى بس التركى مضمون أنة تركى و النوع الى فى الصورة دة ممتاز جدا عن تجربة أنا مركبة فى التمبرا و سعرة ممتاز جدا كان ب 260 او 270 جنية و العلبة مغلفة و متبرشمة يعنى مش ممكن تتغش فية

**lada2010** · 23-03-2011 10:27 PM

الفاليو نوعكويس بس تجيب اصلى لان بيبع لك العلبة والبضاعة من جوة صينى

**smsm_cato** · 24-03-2011 02:07 PM

المشاركة الأصلية كتبت بواسطة heshamzaky

و الله حا أقولك غلى رأى أخر بص الايطالى مش مضمون أنة أيطالى أصلى بس التركى مضمون أنة تركى و النوع الى فى الصورة دة ممتاز جدا عن تجربة أنا مركبة فى التمبرا و سعرة ممتاز جدا كان ب 260 او 270 جنية و العلبة مغلفة و متبرشمة يعنى مش ممكن تتغش فية

شكرا للنصيحة مع انى مسمعتش حد جاب تركى قبل كده بس هسال عليه بس ليا سؤالين الطقم كامل اسطوانة وديسك وبلية بـ 270 وهل لما ركبيتة حسيت بفرق عن قبل التركيب وخصوصا فى السرعات العالية لان دى اللى انا بشتيكى منها سحب العربية بعد 100-120 ضعيف

**heshamzaky** · 24-03-2011 02:46 PM

بص يا باشا السحب ممتاز جدا جدا جدا العربية فاقت جدا أنا كنت جبت نوع تركى أخر بس الميكانيكى لما شافة قالى مش مقنع بية و قالى ال mapa دة مجربة فى كذا عربية و كان ممتاز روحت للراجل الى أنا بشترى منة قطع غيار و بتعامل معاة من سنة 90 قولتلة عاوز اسطوانة و ديسك قالى خد دة دة على ضمانتى و السعر شامل الاسطوانة و الديسك و الرومان بلى . قولت لة دة رخيص جدا لاننا بنجيب للتمبرا نوع ألمانى أسمة لوك بس ب 450 جنية قولتلة لو عندك هاتة و مفيش مشكلة قالى أنتو غاوين الناس تضحك عليكم أنت حر هههههههههههههه قولت لة يعنى أخد ال مابا دة قالى بقولك على ضمانتى و بصراحة عجبنى جدا جدا ما كنتش كتخيل أنة كويس كدة بعض زمايلنا فى رابطة التمبرا جابو ال فاليو و الاسطوانة باظت بعد 5 شهور لانة مضروب مش فاليو أصلى أنما التركى معروف أنة تركى مش بينضرب و فية منة درجات يعنى الى فى الصورة دة تركى برضو ب 230 جنية الميكانيكى قالى مش مركبة و روح رجعة
بص المهم انك تفك الديسك القديم و تروح للراجل تجيب أخوة و البلية برضو لان البلى فية منة ب ظفر و فية من غير ظفر حسب الى راكب عندك و الاتنين يسعر واحد بس المهم يركب و لا لآ . المهم ان الديسك يكون بيركب على البلاطة الميكانيكى حا تلاقية فاهم القصة و ما تشتريش الا لما تفك القديم و تروح للراجل تجيب زى الى كان راكب

**heshamzaky** · 24-03-2011 02:49 PM

دة شكل البلية الى ليها ظفر و شكل الديسك و شكل البلية و هى راكبة فى الفتيس

**mohamed9999** · 24-03-2011 03:13 PM

انت انسان محترم يا heshamzaky لسرعة الرد و الشرح الوافى بس انا ليه سؤال بعد اذنك يا سمسم
العربيه التمبرا عربيه اصيلة ولا زيها زى الفيات اصل انا ملسوع من الفيات قبل كده بمعنى
يعنى كثيرة الاعطال ولا اعتمادية
وهل قطع غيارها متوفره ولا نادرة
ولو معايا 25000ج اعرف اجيب تمبرا كويسة

الموضوع: هغير الديسك والاسطوانة ومحتار بين الفرنساوى والايطالى

LinkBack

أدوات الموضوع

عرض

هغير الديسك والاسطوانة ومحتار بين الفرنساوى والايطالى - انشر الموضوع فى :

-

-

-

المواضيع المتشابهه

الديسك والاسطوانة والبلية

سؤال بخصوص الديسك والاسطوانة

طريقة الكشف على الديسك والاسطوانة ؟؟!

اختبار الديسك والاسطوانة

اية مشاكل الديسك والاسطوانة

الكلمات الدلالية لهذا الموضوع

المفضلات

المفضلات

ضوابط المشاركة