الموضوع: من أحد مؤيدى لا (من قلبى 1000 مبروك لأنصار نعم) و أتمنى تصح رؤيتكم و تخطىء رؤيتنا

المشاركة الأصلية كتبت بواسطة aly_hosny

انا شايف انك متباركش للقال نعم بس
مبروك لينا كلنا التجربة ال عشناها
و مبروك لكل واحد قال رايه ايا كان بناءا على افكاره و تحليله مش عشان عمو قالي اقول
و لكل واحد قال اي حاجة و هو "أمعة" اتمنى انه يبدا يفكر تاني و الا هندخل كلناااااااا طريق مسدود

و أنا مع حضرتك المباركة هنا مش قصدى منها الخسارة أو المكسب المباركة أقصد منها انتصار الأغلبية لأول مرة و انتصار الشعب وليس الحكومة و التزوير

المشاركة الأصلية كتبت بواسطة dojuar

انا قلت نعم

بس مش مستسيغ فكرة المباركة

كلنا واحد والموضوع مش ماتش اهلي وزمالك

مكنش في تنافس بيننا اصلا

و على فكرة أنا قلت إننا مش فريقين فى كلامى لكن كنت حابب أأكد إنى متقبل النتيجة رغم إنها ما كانتش من قناعاتى و لا اللى أنا بتمناه و ده عشان فيه ناس كانت معتقدة إننا سواء نعم أو لا ماكناش هنتقبل الرأى الآخر و كنا هنعترض و نعتصم فى التحرير تانى كمان لحد ما يعيدوا الاستفتاء

المشاركة الأصلية كتبت بواسطة bmw3m007

ربنا يوفقنا و يهدينا للي فيه الخير للبلد ان شاء الله
و يا رب كل الناس تكون زيك تحترم الرأي الآخر و تتقبله انا زعلت جدا لما شفت ناس بتشتم البرادعي رغم اني مش مؤيد ليه بس طبعا بحترم رأيه و في الانتخابات الرئاسية هحترم رأي الاغلبيه و يا ربنا يوفقنا جميعا و نشوف مصر جميلة

ربنا يخليك و أنا كمان بتمنى كل شخص قال أى رأى من قرارة نفسه عشان نفسه فى مستقبل أفضل للبلد دى إنه ما يستهينش بالرأى الآخر و لا يسطحه و يتمنى زيى إنه يكون هو الأصوب لصالحنا كلنا

المشاركة الأصلية كتبت بواسطة حماده عزو

أنا مش حابب الكلام بصيغه أحنا وأنتم
يعنى انا قولت لأ
ولكن الأغلبيه قالت نعم يبقا انا مع الأغلبيه وبس
ويارب ده يكون طريق الخير
لكن فى النهايه أجمل حاجه أحساس الواحد بالحريه والديمقراطيه وأن صوتو ليه قيمه
وعقبال كل المرات الجايه

و أنا كمان بضم صوتى لحضرتك و بقول من النهارده أنا مع الأغلبية و إن شاء الله دايما مع بعض و لا فتنة و لا انقسام يا رب سواء سياسى أو دينى أو كروى

المشاركة الأصلية كتبت بواسطة tiger45

الله ينور عليك

ربنا يخليك على الدعوة الجميلة

المشاركة الأصلية كتبت بواسطة afrtow

الف مبروك لمصر والمصريين
وربنا يقسم لنا الخير لمصر وللمصريين

يا رب

المشاركة الأصلية كتبت بواسطة zaza_lanos

مبروك علينا تقبل رائ الاخر
كلنا لازم نبقى فاخورين باليوم ده

و الله أنا حقيقى فخور بيه و فرحان من قلبى إن أول مرة الأغلبية تقول كلمتها حتى لو كانت الأغلبية مخالفة لرأيى و لكن مش بيتفرض على الأغلبية رأى الأقلية الحاكمة أو المسيطرة

المشاركة الأصلية كتبت بواسطة viper911s

احييك جدا يا هيثم روح جميلة جدا ونتمنى جميعا الخير لمصر
وكلنا فى النهاية جسد واحد

أحمد باشا تحياتى لأهل إسكندرية كلهم و واحشنى جدا يا معلم و يا رب تنتصر مصر إن شاء الله مش آراءنا الشخصية

المشاركة الأصلية كتبت بواسطة ashraf a.kader

انت راجل محترم جدا ونفسي الروح دي تسود بين كل المصريين

أولا جزاك الله كل خير على كلمتك الرقيقة و بأكد لحضرتك إن دى الروح اللى أنا لامسها من كل معارفى و أصدقائى و إن شاء الله بتمنى زى حضرتك تبقى الروح السايدة فى مصر كلها إن شاء الله

مبروووك علينا الحريه والديمقراطيه فى الراى ياهيثم اخيرااا بقينا كده احرار .... ربنا يكرم مصر برجالتها وشباباها وناسها الطيبين ...

الف شكر على الموضوع الجميل يا باشمهندس
مبروك على كل المصريين الحرية والديموقراطية
انا صوت بلا وفرحان جدا بالاستفتاء واتمنى يكون الاختيار هو الافضل لمصر ان شاء الله