بصراحة

**keko** · 21-03-2011 05:42 AM

السلام عليكم
انا فيه حاجة محيرانى قوى وعاز اتكلم فيها ليه اسعار العربيات المستعملة فى المنتدى او على النت عموما بتكون مبالغ فيها وبعدين مش شرط يكون واحد عارض عربيته كمان ده غالبا الاقى واحد بسال على عربية سعرها فى حدود كام الناس ترد عليه باسعار اغلى من السوق كتير يعنى مثلا كان فيه اثنين اخوة اختلفوا على سعر عربية 200 واحد بيقول تسوى 30 والتانى بيقول كبيرها 15 ولما نزلت السوق لقيتها ب 13 !!
ووقت ما كنت ببيع عربيتى ال 125 الاقى على النت اقل سعر 11 وده نادر والغالبية فى 16 وفى الواقع السيارة باحسن حاللاتها تسوى 9 الاف وعربيات بى ام موديل 80 الاقى اللى بيقول دى ب 25 و اللى بيقول ب 20 وعلى الطبيعة افاجا بانها ب 12 و 15 وعربيات تانية كتير او كل العربيات عموما بلاحظ الموضوع ده وبعدين محدش يقوللى حالة لان الكلام اللى بقوله على الحالات الكويسة عموما انا مش بسال رزالة انا فعلا عايز اعرف السبب

**slimbig** · 21-03-2011 08:49 AM

عشان مفيش سينس .....

فين السيييييينس ؟؟؟

**mahmoud_anwar** · 21-03-2011 10:05 AM

ياباشا والله العظيم الناس ما عايزة تبيع تعال اضحكك واحد علي النت عارض بي ام موديل 84 بكام علشان مروقها عايز يبعها 4100,500 طب بي الله عليك اجيب موديل 97 بي كام بنص مليون امال ال90 بي كام بي 100 الف مثلآ والمشكلة ان الي يقولك العربية فبريكة مش محتاجة اروح القي العربية كفرانة وبيكلمة في اسعار خرافية بجد النت ده خزوق برضة محدش يفتكرة انه ممكن يلقط عربية لقطة منة ولا حاجة دة مليان خوزيق وعربيات شبة عايز تروح تتعدم
علي العموم الي بيقول سعر عالي دة معروف انه مبيبقاش عايز يبيع فا لزم نقولة تتربي في عزك ان شاء الله

**Esam Mosaad** · 21-03-2011 10:07 AM

ان امعاك على فكره فى الموضوع ده دلوقتى تلاقى عربيه مروه واحده سعرها على ومتعرفش ليه
ومتفهمش حتى على اساس ايه بيغلوا وكل واحد بيقولك سعر وعيش انت بقى
وانا عن نفسى عارض بى ام موديل 40 وكاتب حالتها بالظبط وسعرها تحت ال 15
ربنا مع الجمييييييع

**mahmoud_anwar** · 21-03-2011 11:32 AM

المشاركة الأصلية كتبت بواسطة eg_falcon

صبرا كل ده حيطلع في الغسلة اللي جاية خاصة بعد تصفية اباطرة الزيرو امثال غبور و شركاه و بعد عودة اسعار الجديد لطبيعتها كما في بلاد الجوار اعتقد ان المستعمل مش حيبقى ليه سعر

طب انا عايز اشتري عربية دلوقتي اشتري ولا اصبر شوية يعني كنت بدور علي عربية بي ام موديلات ال80 كنت بسمع ارقام تدخل الموسوعة العالمية فا كنت لما اشوف عربية واسمع سعرها وميعجبنيش اقول لصحبها تتربي في عزك وعرفت لية السوق واقف ومفيهوش بيع
بس انتا شايف ايه اصبر ولا كده كده الاسعار مش هتقل

**magyver** · 21-03-2011 03:58 PM

والله ياجمااعة اللي انا اعرفة ان العربية حااااااااااالة
ماليش دعوة ان ممكن واحدة زيها تعمل اقل منها
زي مانت بتقول ياكريم ال25 بكتيرها 9
انا باايع بتااعتي ب16 الف جنية واللي خدها بيحلف بيها لغاية دلوقتي
وبعدين عربية مرسيدس 200 اية دة اللي ب13 الف جنية
فية معدلة ب13 الف جنية ؟
انتوا محسسني ان انا مش كل يوم في السوووق
بس عمتا النت بيزود شوية علشان الفصاال وكدة مش اكتر
وبالنسبة لعربيات البي ام ال 80 ياوسووف
واحد صاحبي معاة واحدة 82 لو لفين مصر كلها مش هتلاقي زيها
مكنة 2500 ابيض وكرونة لوك وجنط 17 وفيها عفشة بريشتين
وصاالون e30 العربية دة اتحطلة فيها 37 الف جنية والنا هتمووت عليها وهو مش راااضي

**mahmoud_anwar** · 21-03-2011 09:17 PM

المشاركة الأصلية كتبت بواسطة magyver

والله ياجمااعة اللي انا اعرفة ان العربية حااااااااااالة
ماليش دعوة ان ممكن واحدة زيها تعمل اقل منها
زي مانت بتقول ياكريم ال25 بكتيرها 9
انا باايع بتااعتي ب16 الف جنية واللي خدها بيحلف بيها لغاية دلوقتي
وبعدين عربية مرسيدس 200 اية دة اللي ب13 الف جنية
فية معدلة ب13 الف جنية ؟
انتوا محسسني ان انا مش كل يوم في السوووق
بس عمتا النت بيزود شوية علشان الفصاال وكدة مش اكتر
وبالنسبة لعربيات البي ام ال 80 ياوسووف
واحد صاحبي معاة واحدة 82 لو لفين مصر كلها مش هتلاقي زيها
مكنة 2500 ابيض وكرونة لوك وجنط 17 وفيها عفشة بريشتين
وصاالون e30 العربية دة اتحطلة فيها 37 الف جنية والنا هتمووت عليها وهو مش راااضي

بس ياباشا كل شيئ ولية سقف برضة معلش هو لو كان اتحط ليه 37 كان باع علي طول واشتري ليه e30 وعدلها 90 ولعب فيها هيبقا شكلها اروش

**amr_lamor** · 21-03-2011 09:39 PM

فعلا الموضوع مبالغ فيه يعني انا مثلا والله امبارح اتباعت عربيه بونتو 2002 قدامي ب 30 الف ورشه حاجات قليله بره في حين انك لو بصيت عالنت هتلاقي مكتوب 40 و 43 وحاجات كده وبرضه في ناس كتير بتفتكر ان اسعار النت هيا المقياس غير الناس اللي مبتفهمش اللي احنا بنسألها احيانا انا بقالي فتره مش عارف اجيب عربيه والله بسبب ان كل واحد مزود على سعر عربيته 10000 جنيه يعني مثلا انا كنت هجيب برافا ب 27 وواحد تاني عارضها ب 40 و الفرق بين دي ودي ان دي ماشيه 20000 كيلو زياده :] ده انا لو كده لما اشتريها اروح انقص ال 20000 دول لو سعرها يوصل كده :] ..... ولو سالت اي واحد يقولك ازاي انت بتفاصل ده انا بديك بأقل سعر عشان مسافر وتوريلو ادامه ان في عربيات ارخص يقولك الحاله.....حاجه تحرق الدم....

**mhmdalsaadany** · 21-03-2011 09:44 PM

فعلا الناس بتزود شويه فلوس عشان الفصال متقنعنيش ان في حد ممكن يشتري عربيه من غير ما ينزل الفين تلاته عشان الناس كلها عارفه ان الناس بتزود عشان الفصال يعني كله ضحك على الدقون ههههههههههههه
يعني البايع يزود عشان الفصال والمشتري بيفاصل عشان عارف ان صاحب العربيه مزود عشان الفصال طيب ما من الاول كله يكتب السعر النهائي والناس اللى عاجبه السعر يشتري وخلاص وبالمره كدا لو حد قدامه حاجه كويسه في رنج 11000 ياريت يقول عشان اخوكم مزنوق وعايز عربيه ولكم جزيل الشكر