شـداد لـ فيـات 128 ... (2)

**م.محمد علاء** · 06-04-2011 05:16 PM

معلش إتأخرت في الرد عليك يا ميزو..
أنا فعلا كنت سرحان طول الوقت و بقول القنطره..
أنا قصدي على مسمار الركبه اللي راكب عليه الإستابيلايزر..
النقطه التانيه بقى..الناحية التانيه من الشداد ...راكبه على المقص.
جميل..بس في الصوره..النقطه رقم 3..هو مركب الشداد ناحية راس المسمار..
أنا مركبه ناحية الصاموله...مش حتفرق كتير..و إن كنت أتمنى إنه يكون راكب عندي على راس المسمار..حتفرق فى عزم المسمار..
____________________________________-
وطي العربيه من ورا لأنها حتفرق معاك كتير قوى..و من قدام إنت قولت إنك موطي..لفه..
أنا منزل لفه ونص..و كابس إتنين على بعض..و رفعت المكنه من الشداد عشان الفتيس قرب من الأرض.
أهم حاجه ..السوسته التالته لازم تركب..
عشان لما حد يركب معاك..العربيه متسقطش..
و متقلقش..ركب معايا إتنين ورا ..كل واحد كان يعمله حوالي 100 كم..
العربيه مشتكتش..بس حتنزل الشكمان سنه بسيطه عشان بيحف في السوسته التالته..
و....
وبس كده..
أنا تحت أمرك في أي إستفسار..
بس خلي بالك كل ده على نفس إرتفاع العجل الأصلي..
اللي هو حوالي 22 بوصه

**misoalex** · 07-04-2011 06:16 AM

ولا يهمك يا باشا على التأخير

انا ناوى انزل العفشه واشوف حوار السوسته اللى ورا ده ان شاء الله وربنا يستر على اجكمان انا عندى الديفل كبير اصلا

وموضوع الشداد هما شكلهم عملينه من نحيه راس المسمار مش من الصاموله عشان الصاموله مع الحركه الكتير متتفكش ودى مره حصلت عندى

بس ممكن تطول المسمار 1سمم وتركب صاموله تانيه كمان تبقى صاموله زنق عشان الصاموله الاصليه متفكش

وان شاء الله لو عملت الحوار ده حبقى اصوره

**م.محمد علاء** · 07-04-2011 01:27 PM

المشاركة الأصلية كتبت بواسطة misoalex

بس ممكن تطول المسمار 1سمم وتركب صاموله تانيه كمان تبقى صاموله زنق عشان الصاموله الاصليه متفكش

أنا فعلا مركب صامولتين .
_________________________________
سيبك بقى من الموضوع ده..
و عايز آخد رأيك في موضوع...
عندي حدفه جامده جدا مع الفرمله..
مغير الماستر..
و جايب سيرفو بولندي جديد.
و مغير خرطومين ورا...
و مصنفر التيل..
و واخد هوا ييجي تلت مرات..
و إلى الآن العربيه فيها حدفه جامدهجدا مع الفرمله..ولو كبست جامد العربيه بتحدف يمين وشمال,.!
غلبتني فيها جدااااااااا ومش عارفلها حل..
الميكانيكي يقولي روح لعفشجي..و العفشجي يقولي لأ رروح لمكانيكي.؟!

**misoalex** · 07-04-2011 10:10 PM

سيبك من العفشجى والمكانيكى وروح للى بيشغلهم
اللى بيشغل الاتنين فى الحالات دى بتاع الزوايا

حتروح لبتاع الزوايا وهو يكشف على العربيه كويس جداااااااا وعلى المقاسات تحت وعند الركب وكاوتشات الاستبلايزر والحاجات دى

لان لو مثلا كاوتشات الاستبلايزر بايظه او مقطوعه او فيها بوش ممكن متحسش بيه اوى فى المشى الطوالى لكن لما بتضرب فرامل الكاوتشات بتتعصر فبيعمل فرق تلاقى مثلا العجله اليمين مرحله عن الشمال فتعمل الحدفه دى عشان كده الاجانب كلهم مغيرين الكاوتشات دى بالحديده بتاعتهم بواحده بلاستك والمونيوم هو كيت جاهز كده ب 50 يورو دى بتثبت العربيه جااااااامد فى المشى وفى الفرامل

لانى الكاوتشات دى كانت مبهدلالى العربيه بسبب العفشجى كان بيركبهم غلط وكانت بتعوم العربيه وتخليها تحدف مع الفرامل رحت لبتاع الزوايا فهمنى الموضوع وغيرت العفشجى ورحت لواحد ركبهم صح والمشكله انتهت

طيب بتسمع صوت طقه او اى صوت مع الفرامل

واخبار كالبرات الفرامل عندك ايه (الجهاز بتاع الفرامل اللى راكب فيه الخرطوم والتيل )

وجرب تمشى برضه مسافه كبيره وتنزل تحط ايدك على الجنوط وتشوف فيه فرده بتسخن جااااااامد ولالا ممكن يكون فيه فرده قافشه شويه عندك عن الفرده التانيه حصلت مره عندى وكان السبب من كالبرات الفرامل دى وغيرت الجهازين مع بعض وريحت دماغى

**م.محمد علاء** · 08-04-2011 06:49 PM

لأ..
مفيش عجله بتسخن و عجله لأ..
كله تمام..وحرارته واحده...
و بتاع الزوايا هو اللي قالي إن العربيه مشكلتها مشكلة ميكانيكا مش شغل زوايا أو عفشه..
قصة الكاوتشات دي أنا معرفهاش ..
بس إنت شايف أروح لبتاع العفشه و أقوله تاني على القصه دي؟؟
ولا أغير الميكانيكي؟؟

**misoalex** · 09-04-2011 02:23 AM

فيه عيوب الصنايعى بالرغم من انه يكون شاطر مبيعرفش يصلحها لان دماغه مش بتروح للعيب الى ممكن يسببها وفى الاخر ممكن يكون حاجه تافهه جداااااااااا

من رأيى تغير المكانيكى والعفشجى وبتاع الزوايا وتشوف ايه كلام كل واحد حتروحله حيقولك ايه وشوف ايه الصح وايه اللى غيرته وايه اللى مغيرتوش

انا كان عندى عيب محيرنى بقاله 6 شهور كنت بغير القنطره ومن ساعتها فيه صوت طقه مع الطلعه والفرامل وساعات فى المطبات
وكل واحد برأى قعدك 6 شهور كل واحد يقوللى حاجه وغيرت اكتر من صنايعى
واخر حاجه عملتها كونسولتو رحت للسمكرى وجبت العفشجى وجبت المكانيكى

وبعد يوم كامل طلعت اجرب العربيه مفيش صوت بعديها بساعه الصوت رجع تانى يووووووووووووه تانى

رحت لعفشجى كان بقالى فتره مش بتعامل معاه عمل العيب ده ب 5 جنيه

عارف صرفت كام على العيب ده تقريبا 500 جنيه على فترات خلال ال 6 شهور اخر حاجه الكونسولتو ده اخد 200 جنيه

والعيب اتصلح ب 5 جنيه عند صنايعى مكنتش بتعامل معاه من فتره ومجاش فى دماغى اروحله

هى العربيات كده والصنايعيه معظمهم حافظ مش فاهم فلازم تشوف كلام كل واحد وتشوف هو صح ولالا وانت الحاجه دى غيرتها ولالا

سؤال بقى بعد الرغى ده هى العربيه بتحدف لما انت بتفرمل على سرعه عاليه ولا على كل السرعات
وبتحدف على طول ولا احيانا

**م.محمد علاء** · 09-04-2011 02:31 AM

عارف صرفت كام على العيب ده تقريبا 500 جنيه على فترات خلال ال 6 شهور اخر حاجه الكونسولتو ده اخد 200 جنيه

والعيب اتصلح ب 5 جنيه عند صنايعى مكنتش بتعامل معاه من فتره ومجاش فى دماغى اروحله

إنت حتقولي؟؟؟
أنا مغير رداخ و حليت الكاربيراتير..و أبلاتين و كوندينسر و و و و..عشان العربيه كانت بتقطع على السريع..
و في الآخر..طلع فايظ البنزين مسدود.. و إتسلك..و بس..

سؤال بقى بعد الرغى ده هى العربيه بتحدف لما انت بتفرمل على سرعه عاليه ولا على كل السرعات
وبتحدف على طول ولا احيانا

العربيه عند سرعة 80..تيجي تهدي بفرمله فوق المتوسطه..تحدف..
عند 100 تحدف يمين وشمال..

**misoalex** · 09-04-2011 05:46 AM

عند الفرمله على ال 100 تحدف يمين وشمال يعنى كده مش بتحدف فى اتجاه معين على طول يمين او شمال

لو الكلام ده صح اعتقد كده عندك مشكله فى العفشه مش ميكانيكا والله اعلم

**م.محمد علاء** · 09-04-2011 01:31 PM

ربنا يسهل..
أنا هشوف كده..
و أبلغك..
و أي حاجه أدينا عرفنا بعض :)

الموضوع: شـداد لـ فيـات 128 ... (2)

LinkBack

أدوات الموضوع

عرض

-

-

-

-

-

-

-

-

-

المواضيع المتشابهه

للبيع فيـات 127 مـو 1982 Fiat

......For Sale Modified Fiat 131...... للبيـع فيـات 131 معدلـة

كاربـرتيـر فيـات 128

شـداد لـ فيات 128 ...

فيـات 128

الكلمات الدلالية لهذا الموضوع

المفضلات

المفضلات

ضوابط المشاركة