ردا على المشككين في لجنة تعديل الدستور والجيش

**م.احمد زكريا** · 21-03-2011 02:35 PM

صرح المستشار حاتم بجاتو مقرر لجنة التعديلات الدستورية، أن التصويت فى الانتخابات البرلمانية القادمة سيكون عن طريق بطاقة الرقم القومي.

وأوضح بجاتو لبرنامج مصر النهاردة الاحد أن الإعلان الدستورى الذى يضعه المجلس الأعلى للقوات المسلحة، سيتضمن المواد المعدلة ولكن بدون أرقامها الحالية وبعض المواد الأخرى التى لا يحكم بلد بدونها، بالإضافة لبعض التشريعات الخاصة بسلطات المجلس الأعلى فى الفترة القليلة القادمة وسلطات الرئيس ومجلس الشعب.

وأكد بجاتو، أنه فى حالة عقد الانتخابات البرلمانية فى أكتوبر القادم سيتمكن مجلس الشعب من اختيار اللجنة التأسيسية لوضع الدستور يعقبها الانتخابات الرئاسية، بحيث يجد الرئيس الجديد الدستور أمامه بعد شهرين من توليه.

وأشار الى ضرورة انتخاب مجلس شورى أيضا لأنه سيساهم فى اختيار اللجنة التأسيسية.

-------------------------------------------------
لاحظ معايا :

1- التصويت بالرقم القوي (بس عايزين نراجع موضوع الجداول الإنتخابية)

2- إعلان دستوري .... يعني دستور 1971 الله يرحمه

3- تحديد صلاحيات الرئيس في الإعلان الدستوري , واسس اختيار اعضاء مجلس الشعب (ان شاء الله يتلغي 50% عمال وفلاحين)

4- إختيار لجنة تأسيسية (معنى كدة ان مش لازم يكونوا من أعضاء مجلسي الشعب والشورى فقط)
بمعنى انتخاب اللجنة التأسيسية على مرحلتين الاولى: انتخاب اعضاء مجلسي الشعب والشورى والثانية: إنتخاب اعضاء اللجنة التأسيسية

**ghazy12** · 21-03-2011 03:17 PM

طيب لو هيتعمل اعلان دستوري او دستور مؤقت يحكم البلد لحين عمل
الانتخابات, و تشكيل الجمعيه التأسيسيه (من قبل مجلسي الشعب و الشورى)

كان ممكن جدااا يتعمل بدون التعديلات الدستوريه و الاستفتاء عليها
و المواد دي بنصها الحالي تتكتب في الدستور المؤقت و يعمل لجنه
تأسيسيه لوضع دستور جديد و يتم الاستفتاء عليه و تيجي كل الانتخابات
سواء شعب او شورى (لو هيبقى في شورى اصلا) و الرئاسه على نظافه..!!!

ايه الفكره في كل ده..!!!؟؟؟ ليه اعمل انتخابات و بعد شهور احل كل
المجالس و نشيل الرئيس و نعمل تاااااااني انتخابات طبقاً للدستور الجديد..!!!!

**M.Mostafa80** · 21-03-2011 03:20 PM

المشاركة الأصلية كتبت بواسطة ghazy12

طيب لو هيتعمل اعلان دستوري او دستور مؤقت يحكم البلد لحين عمل
الانتخابات, و تشكيل الجمعيه التأسيسيه (من قبل مجلسي الشعب و الشورى)

كان ممكن جدااا يتعمل بدون التعديلات الدستوريه و الاستفتاء عليها
و المواد دي بنصها الحالي تتكتب في الدستور المؤقت و يعمل لجنه
تأسيسيه لوضع دستور جديد و يتم الاستفتاء عليه و تيجي كل الانتخابات
سواء شعب او شورى (لو هيبقى في شورى اصلا) و الرئاسه على نظافه..!!!

ايه الفكره في كل ده..!!!؟؟؟ ليه اعمل انتخابات و بعد شهور احل كل
المجالس و نشيل الرئيس و نعمل تاااااااني انتخابات طبقاً للدستور الجديد..!!!!

الله ينور عليك دى كانت من اسبابى لأنى اقول لأ
ملحوظه لست مشكك فى لجنه الأستفتاء او فى القوات المسلحه

**human** · 21-03-2011 03:22 PM

المشاركة الأصلية كتبت بواسطة ghazy12

طيب لو هيتعمل اعلان دستوري او دستور مؤقت يحكم البلد لحين عمل
الانتخابات, و تشكيل الجمعيه التأسيسيه (من قبل مجلسي الشعب و الشورى)

كان ممكن جدااا يتعمل بدون التعديلات الدستوريه و الاستفتاء عليها
و المواد دي بنصها الحالي تتكتب في الدستور المؤقت و يعمل لجنه
تأسيسيه لوضع دستور جديد و يتم الاستفتاء عليه و تيجي كل الانتخابات
سواء شعب او شورى (لو هيبقى في شورى اصلا) و الرئاسه على نظافه..!!!

ايه الفكره في كل ده..!!!؟؟؟ ليه اعمل انتخابات و بعد شهور احل كل
المجالس و نشيل الرئيس و نعمل تاااااااني انتخابات طبقاً للدستور الجديد..!!!!

حضرتك مش عارف فعلا؟؟

اصلى كمان من امبارح مش فاهم حاجه

بس فى مصر 12 مليون مواطن صوتوا بنعم للتعديلات عشان عارفين السيناريوا اللى بعد كده

يا ريت حد يفهمنا عشان مش فاهمين

**mohamed_mohsen** · 21-03-2011 03:45 PM

و انا معاكوا
عايز حد يفهمني من اللي قالوا نعم
قالوا نعم ليه
يمكن عشان البلد هتستقر شهرين؟

**hossaam** · 21-03-2011 03:54 PM

المشاركة الأصلية كتبت بواسطة م.احمد زكريا

الإعلان الدستورى الذى يضعه المجلس الأعلى للقوات المسلحة، سيتضمن المواد المعدلة ....بالإضافة لبعض التشريعات الخاصة بسلطات المجلس الأعلى فى الفترة القليلة القادمة وسلطات الرئيس ومجلس الشعب.

طيب يا ترى القوات المسلحة هتحدد سلطات الرئيس في الاعلان ده على اي اساس؟؟!!
انا شايف ان دي بالذات كانت من اهم الحاجات اللي محتاجة رأي الشعب

ويا ترى هتكون غير قابلة للنقاش؟؟!!

محتاجين معلومات اكتر

**Raul_7** · 21-03-2011 04:09 PM

المشاركة الأصلية كتبت بواسطة ghazy12

طيب لو هيتعمل اعلان دستوري او دستور مؤقت يحكم البلد لحين عمل
الانتخابات, و تشكيل الجمعيه التأسيسيه (من قبل مجلسي الشعب و الشورى)

كان ممكن جدااا يتعمل بدون التعديلات الدستوريه و الاستفتاء عليها
و المواد دي بنصها الحالي تتكتب في الدستور المؤقت و يعمل لجنه
تأسيسيه لوضع دستور جديد و يتم الاستفتاء عليه و تيجي كل الانتخابات
سواء شعب او شورى (لو هيبقى في شورى اصلا) و الرئاسه على نظافه..!!!

ايه الفكره في كل ده..!!!؟؟؟ ليه اعمل انتخابات و بعد شهور احل كل
المجالس و نشيل الرئيس و نعمل تاااااااني انتخابات طبقاً للدستور الجديد..!!!!

أنا عمال أسأل السؤال ده لناس كتير انهارده في الشغل و مش لاقي اجابة.

**human** · 21-03-2011 04:12 PM

المشاركة الأصلية كتبت بواسطة raul_7

أنا عمال أسأل السؤال ده لناس كتير انهارده في الشغل و مش لاقي اجابة.

الشغل القهوه السواق اى حد ماشى بتاع الشاى و القهوه مافيش حد فاهم حاجه

الشعب يريد ان يفهم ..... ايه النظام؟

**aly_hosny** · 21-03-2011 04:23 PM

الاول انا قولت لا للتعديلات لنفس الاسباب تقريبا

مع اني كنت عارف انه لو دستور 71 متفعلش دا هيدي صلاحية لمجلس الشعب و الشورى و الرئاسة انهم ميتحلوش
لانهم متغيرش دستور في عهدهم لا دول جايين عشان يعملو دستور وقالو دا ممكن يتم عن طريق الاعلان الدستوري "يديهم الصلاحية دي"

وبرضو كنت شايف ان الافضل نستنى و نصبر ونعمل دستور جديد الاول و ننتخبهم على نضافة

الاستاذ Human عمر سليمان و امثالة هما ال خلونا كدا في الاساس