subaru impreza or honda civic

**Mohamed Fathy** · 21-03-2011 04:29 PM

السلام عليكمورحمه الله وبركاته
انا كان نفسى اعرف هوا السوبارو احلى من السيفيك فى الثبات عشان awd وboxer enginer ارجو المشاركه
وجزاكم الله خيرا

**SAMEH_FOUAD** · 21-03-2011 04:49 PM

معلش ياباشا ياريت بس تحدد الموديل اللى حضرتك تقصدة عشان الافادة تبقى اكتر سواء من ناحية الاوبشن او السعر او التقنيات

**SAMEH_FOUAD** · 21-03-2011 07:21 PM

ياباشا انا اسعد والله انى بكلمك , وانى سمعت منك الكلام دة

معلش ياباشا انا اسمى سامح بس من غير استاذ والكلام دة هما كلهم 26 سنة واحنا كلنا هنا اخوات

بالنسبة للعربية السوبارو امبريزا العربية دية جميلة جدا طبعا وثباتها حلو اوى بس للاسف ماتورها 1500 سى سى اى عربية ممكن تاكلها من اللى نازلين دلوقتى سواء كورى او يابانى , والعيب التانى غلاء قطع الغيار بجد غالية جدا ويمكن دة اللى منزل سعرها وعلى فكرة كانت معروضة عليا واحدة 2006 ب58 الف من سنة يعنى سهل جدا انك تكسر فى سعرها لان مالهاش سوق خالص وتقيلة فى البيع

طبعا لو بتقارنها مابين السيفيك اللى فى نفس فئة الموديل هتبقى السيفيك اغلى بكتير لان السيفيك موديل 2007 كانت الشكل اللى موجود حاليا ودية بتعمل 95 الف جنية - لكن لو عايز سيفيك موديل 2004-2006 فطبعا انا ارشحهالك وهية فى رينج 75 الى 85 الف وهية 1500 سى سى بس ماتور 115 حصان سريع جدا هادى ثباتها عالى بس مش زى السوبارو لان السيفيك مرتفعة عن الارض عنها - لكن لو بتتكلم على مقارنة السوبارو بالهوندا موديل من 92-2000 وموديل 2007-2011 لأ طبعا الهوندا فى الموديلات دية اثبت بكتير وعن تجربة مش اى كلام

السوبارو سيارة جميلة بس انت محكوم بنقطتين ان العربية مش منتشرة فى مصر + قطع غيارها اصلية مافيش اى منتجات تانى من شركات اخرى يعنى مقدماكش غير اختيارين ( جديد اصلى وغالى جداااااااااا - استيراد وغالى جداااا بردة )

البى ام الفئة الثالثة طبعا جميلة بس يعيبها حاجات ( افتقارها الى التكنولوجيا - ماتور ضعيف لو 1600 او 1800 - السيارة ضيقة عموما - تكييف ضعيف مقارنة باليابانى - قطع غيار غالية جديدة اصلى , لكن استيراد سعرها حنين - التحمل كويسة جدا طبعا - ثبات طبعا عالى ويوازى السيفيك واعلى من السوبارو , شوف كدة الموضوع دة انا عاملة ممكن يفيدك عن البى ام

http://www.nilemotors.net/Nile/18099...s-bmw-e36.html

**Mohamed Fathy** · 22-03-2011 12:41 AM

model 92-95 احسن من-99 97؟ سيفيك
الفرق فى ايه انا شايف الفرق شكل بس... انا معرفش من جوا مين احسن
هل السيفيك اوسع من البى ام موديل التسعينات؟
ولو اوسع واقوى واحسن طيب كده بى ام احسن فى ايه؟ o.o اصل انا مش شايف كده نقطه تميز لل بى ام انا عايز اركب عربيه تريحنى مش اركب اسم

**Mohamed Fathy** · 22-03-2011 01:03 AM

العربيه تحفه تحفه 1997-2000 الشكل اللى هو التانى بجد ملوش حل بس هى اصلا بتنزل مصر بايه stock يعنى 1500 sir or si or v-tech
وازاى اعرف ومين افضل بالترتيب معلش يا سامح انا بجد حبيت السيفيك اوى شكلها جميل اوى الناس اللى مظبطاها على يوتيوب تحفه عربيه تجنن o.o

**SAMEH_FOUAD** · 22-03-2011 02:37 AM

شكل الجيل السادس فعلا حلو وهية قريبة جدا من اداء السيفيك 92-95 بس هية للاسف بتنزل باوبشن اقل منها الا بقى لو هتجيب منها الvti ودية نادرة شوية وماتورها بيبقى 1600 كامة واحدة بدل من 1500 للفئات التانية ودية اللى منتشرة وسعرها يتراوح من 50 الف الى 60 الف

**SAMEH_FOUAD** · 22-03-2011 02:47 AM

المشاركة الأصلية كتبت بواسطة mohamed fathy

model 92-95 احسن من-99 97؟ سيفيك
الفرق فى ايه انا شايف الفرق شكل بس... انا معرفش من جوا مين احسن
هل السيفيك اوسع من البى ام موديل التسعينات؟
ولو اوسع واقوى واحسن طيب كده بى ام احسن فى ايه؟ o.o اصل انا مش شايف كده نقطه تميز لل بى ام انا عايز اركب عربيه تريحنى مش اركب اسم

لو بتتكلم على السيفيك 92-95 و سيفيك 96-2000 والفرق مابينهم يتلخص فى حاجات بسيطة جدا :

1: السيفيك 92 اشيك مظهر رياضى اكتر - ثابتة اكتر لانها منخفضة اكتر منها لكن مع العفشة الsir بيتعادلوا

2: السيفيك 96 : تقفيل احسن حاجة بسيطة

بالنسبة للاختلافات من الداخل : شكل التابلوة اتغير بس تابلوة ال92 ناس كتير اوى شايفاة احسن , بعض الزوائد فى الصالون وسهل تركيبها فى ال92

يعنى فى النهاية الاتنين اداء زى بعض تقريبا والسعر متقارب جدا بالعكس احيانا سعر ال92 بيعدى سعر ال96

بالنسبة للبى ام طبعا كويسة بس ضيقة وتكييفها ضعيف وماتورها لو 1600-1800 بطىء عن السيفيك بكتير