رابطة مالكي وعشاق التمبرا (الجزء الرابع)

**heshamzaky** · 11-05-2011 01:06 AM

أحمد باشا _ ahmed1981
بص يا سيدى كلمتة و سألتة لك السعر الى قالة من الاخر لو باب صاج فقط حسب اللون الى عندة ب 75 جنية ياباش
لو الباب كامل بالمراية بتاعتة و كامل تماما ب 300 جنية و هو قالى لون العربية اية قولت لة مش عارف أنت و حظك فى اللون ممكن تلاقى لون عربيتك و ممكن لا بس السعر ثابت

**ahmed1981** · 11-05-2011 01:07 AM

المشاركة الأصلية كتبت بواسطة heshamzaky

بص هى دى نمرتة الى أحمد كاتبها بس هو عاوز فصال شويتين أنا ممكن اكلمة و أقولك قالى كام السعر النهائى لانة حا يتعبك فى الفصال و قولى المهم لون العربية اية

العربية لونها الدهبي الفاتح (شامبين)

أنا هنزل العزبة بإذن وبالنسبة للفصال خليها على الله

وفعلاً يمكن آخد منه باب بمشتملاته

ألف شكر ليك يا باشا ولكل الرجالة

-

**nona4455** · 11-05-2011 01:14 AM

المشاركة الأصلية كتبت بواسطة juventus

ايوة فاهمك بس انا اقصد السفنج ده ليه خامات
ما ممكن اعمله و بعد شهر الاقي الكراسي هبطت تاني

لا هو بيبقي عده الاسفنج او ممكن انت تشتريه بس هو مش بيحتاج كميه كبيره لانه بيبقي عامل زي شغل الترقيع الحته الي بيلاقيها هبطانه بيزودها وخلاص المهم تكون واقف علي ايده علشان تشوف الشغل بنفسك -بس نصيه بعد ماتشد الكراسي هات كسوه حتي لو من العاديه وغطي بيها الفرش علشان تحافظ علي فرش الفبريكه وياريت تكون قماش او قطيفه علشان الحر والصيف وبلاش الجلد لانه بيسخن العربيه حتي لو مركب تكيف 3 حصان

**heshamzaky** · 11-05-2011 01:14 AM

المشاركة الأصلية كتبت بواسطة ahmed1981

العربية لونها الدهبي الفاتح (شامبين)

أنا هنزل العزبة بإذن وبالنسبة للفصال خليها على الله

وفعلاً يمكن آخد منه باب بمشتملاته

ألف شكر ليك يا باشا ولكل الرجالة

-

العفو على أية . بس اللون دة بتاع التمبرا المصرى مش حا تلاقية فى العزبة
كلم تامر الى حطينا لك نمرتة و برضو اسأل فى كذا محل الباب المهم فية الطبلة بتاعت الباب تبقى سليمة و لما تجربة قبل التركيب تأكد أن الماكنة بتاعت الزجاج شغالة كويس نصيحتى خد باب كامل مقفول على بعضة الصنايعية مش ممكن ابدا ابدا حا يقفلة زى تقفيل الفابريكا

**ahmed1981** · 11-05-2011 01:18 AM

المشاركة الأصلية كتبت بواسطة heshamzaky

أحمد باشا _ ahmed1981
بص يا سيدى كلمتة و سألتة لك السعر الى قالة من الاخر لو باب صاج فقط حسب اللون الى عندة ب 75 جنية ياباش
لو الباب كامل بالمراية بتاعتة و كامل تماما ب 300 جنية و هو قالى لون العربية اية قولت لة مش عارف أنت و حظك فى اللون ممكن تلاقى لون عربيتك و ممكن لا بس السعر ثابت

سعادت الباشا ألف شكر على تعبك
جزاك الله كل خير

إنت كده هتخليني أبطل ألبس جلليب
وهلبس إحرامات على طول إزار ورداء

ألف شكر يا باشا

-

**heshamzaky** · 11-05-2011 01:22 AM

الباب بيبقى راكب علية من الداخل زى مشمع و بلاستيك للحماية لو فكيت الباب المشمع الداخلى مستحيل يركب مرة اخرى و الباب راكب الكالون فية و السنتر و ماكينة الزجاج بطريقة معينة الصنايعى لما بيفك حا يكسر الكليبسات و مش حا يعرف يفكها ابدا و النتيجة بعد التفقيل الباب حا يعمل صوت أتفرج كدة

**heshamzaky** · 11-05-2011 01:23 AM

المشاركة الأصلية كتبت بواسطة ahmed1981

سعادت الباشا ألف شكر على تعبك

جزاك الله كل خير

إنت كده هتخليني أبطل ألبس جلليب
وهلبس إحرامات على طول إزار ورداء

ألف شكر يا باشا

-

العفو على اية بس أنا قولت انكشك الاول شوية بس ههههههههههههههههههه

**madyyuri** · 11-05-2011 02:59 AM

المشاركة الأصلية كتبت بواسطة zago

بص يا تيفا
انت تجيب تابلوه برافا
وتفك بتاع التمبرا
ترميه في الزباله
وتعيش مع بتاع البرافا توصيل لحاد ما يركب
ولو الخطه نجحت تسجل براءه اختراع
وعلشان منغرمش تمن تابلوه برافا
انا اعرف واحد معاه برافا
نفك التابلوه بتاعه ونجرب فيه
ولو باظ مش حيزعل مننا خالص
هو فيه ما بينا تابلوهات ؟ ده احنا اخوات يا راجل هههههههههه

تحت امرك يا باشا، انا كده ولا كده ناوي اغير التابلوه أصلا، فممكن تاخد القديم وتعمل عليه التجارب اللي انت عايزها

حصل معايا حاجة غريبة قوي النهاردة
روحت غسلت العربية وبعد ما رجعت غطيتها وطلعت الشقة، شويتين والواد بن جاري، الواد اللي كان شايل القطة في موضوع عروسة شيتوس، طلع بيقولي العربية دايرة،
دايرة ازاي يا بني ما المفتاح في ايدي اهوه
نزلت لقيت مروحة الردياتير شغالة والبطارية شبه بتودع

حد عنده تفسير

**heshamzaky** · 11-05-2011 03:04 AM

حاجة لمست فى الكهرباء . افصل كابل البطارية و ابقة ركبة الصبح لعل الميام الى عاملة تلامس تنشف لوحدها

**nona4455** · 11-05-2011 10:17 AM

طبعا 1600 سى سى انجكشن .باور .تكييف .بكرة ان شاء الله الميكانيكى هيركبه بالكباس بتاع العربية والمارش والدينامو وهبيع باقى حاجات الموتور الجديد من انجكشن وكباس وباور ودينامو ومارش وفتيس علشان احاول اقلل المصاريف شويه ------ده اعلان في قسم الريجاتا لاخ شاري موتور تيبو 1600 وعنده بعض الاشياء التي يريد بيعها فلو يوجد احد من الرابطه يريد اي قطعه يمكنه التواصل معه

الموضوع: رابطة مالكي وعشاق التمبرا (الجزء الرابع)

LinkBack

أدوات الموضوع

عرض

-

-

-

-

-

المواضيع المتشابهه

رابطة مالكي وعشاق التمبرا (الجزء الخامس)

رابطة مالكي وعشاق الماريا والبرافا

رابطة مالكي وعشاق التمبرا (الجزء الثالث)

رابطة مالكي وعشاق التمبرا (الجزء الثاني)

رابطة مالكي وعشاق التمبرا (الجزء الأول)

الكلمات الدلالية لهذا الموضوع

المفضلات

المفضلات

ضوابط المشاركة