الموضوع: رابطة مالكي وعشاق التمبرا (الجزء الرابع)

المشاركة الأصلية كتبت بواسطة heshamzaky

وسام بص الاول أتأكد أن الوش سليم هو عموما كان لازم يقشط الوش و لو مسحة خفيفة بص الخوف ان الحواف بتاعت الوش تبقى سليمة بس الشرخ يكون من منتصف الوش مش من الطروف يعنى .
لو ظبطت الدنيا الخراط لازم يظبط التاكيهات سواء غيرت الوش أو صلحت الى عندك
الوش تمنة استيراد مش حا يقل عن 300 جنية و ممكن أزيد شوية مش متأكد قوى من السعر
لو الوش أستوى و تعبان لازم يتغير و ممكن جدا تجيب وش و بيقى استاندرد بس برضو الوش حا يروح للخراط يظبط الصبابات و بعد ما يركب حا تبقى تروح لة يعيد على التاكيهات

للأمانه مش فاهم حاجه هههههههه
طيب انا عايز اتاكد ان جوان وش السلندر بايظ
اتاكد ازاي؟ لاني قلت لبابا وقالي مش بايظ ( مشفش العربيه من اصله ) يعني لو فيه ميه بتيجي على الصبابات فعلا
ازاي لا الميه ولا الزيت مطحنين ؟ والعربيه بعد ما تدور وتدربك شويه تبقى زي الفل وتمشي عادي جدا ( انا راجع من الشغل على 120 علشان الطريق كان زحمه )
انا فاكر لما الميه كانت مطحنه والجوان باظ المره اللي فاتت العربيه كانت بتمشي بالعافيه
فهل لما الميه تبقى على الصبابات ملهاش اعراض غير انها تدربك وقت التدوير بس ؟؟؟
اصلي عايز اتاكد انه فعلا جوان وش السلندر مش تهيأت
يعني مثلا ممكن يكون الابلاتين وحش وعايز يتغير ؟
السواق وحش وعايز يفطر قبل ما يسوق ؟
البواب لازم نغيرله الفوطه اللي بيمسح بيها ؟

كمان بالنسبه لانه وقشطش المره اللي فاتت لانه قال ساعتها ان الوش سليم لكن لو باظ تاني يبقى حيشقط
بعدين عملت الشنبر والبساتم وطبعا لما فك الموتور ركب جوان تاني وبرضو مقشطش حاجه لانه سليم
النهارده لما بكلم الميكانيكي قاللي لو فتحناه يبقى لازم نشقط المره دي
وقاللي تكلفه الشقط وظبط التاكيهات بتاع 100 جنيه ( 40 تاكيهات و 60 شقط للخراط تقريبا )
موضوع الشرخ ه بقى معرفش عنه حاجه
كمان هي ما سخنتش ولا حد جه نحيتها ده منها لنفسيها كده هههههههههههه
كفايه كلام علشان ايدي وجعتني .. لو مشروخ اعرف ازاي ؟ ايه اللي بيحصل يعني ؟