رابطة مالكي وعشاق التمبرا (الجزء الرابع)

**ZALABANY** · 17-05-2011 01:02 PM

والله يا ميكو عايز اركب زينون بس مش عارف لو ركبته على الفانوس عادي مش هايبقى تمام
وبرده قلقان من المخالفات عشان كده بفكر اركبه واطي عادي وعالي زينون في ناس قالولي الفرق في اللمبه بس الموديول واحد
وبعدين قلت اركبه في الفوجات بس مش عارف هايفرش على الطريق كويس ولا لا لو تعرف جرب قلي
ولو عايز اجيب العدسات دي سعرها كام ومنين وهل لازم تبقى الازازه بتاعه الفانوس شفافة ولا ايه

**mikology** · 17-05-2011 01:20 PM

ايه المشكله لو ركبته على العالى فقط
وخلى الواطى عادى
ويبقى احلى لو جبت الزينون 4300 - بيبقى نفس لون الاصفر بس زينون
وتركب عدسه - العدستين باللمبه ب 900 عند جو
فى واحد هنا فى المنتدى معاه طقمين 4 عدسات بيبيعهم و لحسن الحظ هما 4300 و خلى بالك الدرجه دى مش موجوده فى مصر - دى نفس درجه العربيات الفابريقه بى ام و اودى و كده
الطقم طالب فيه 600 جنيه على ما اتذكر بس من غير مديلوات
الزينون فى الفوجات انا مش بحبذه
اليزينون حلاوته فى العالى مع العدسات عشان ماتعميش اللى قدامك
وطبعا لازم نعمل وش الفانوس كريستال عشان التقسيمات اللى فى الاوريجينال هاتبوظ شغل العدسه

**heshamzaky** · 17-05-2011 01:54 PM

المشاركة الأصلية كتبت بواسطة salam

الاخ الفاضل الاستاذ / هشــــام
تحياتى وشـكرى الكبير لحضـرتك على الصور بتاعة السـوست والله انا تعبت حضرتك كتير معايا
وشــكرا للاخ الفاضل / ســوهاجى على الاهتمام والنصيحـة بخصوص العفشـة
وربنـا ان شــاء الله يجعل عملكم فى ميزان حســـانتكم جميعــا

العفو يا باشا على أية بس الف شكر لك و تحياتى و ربنا يبارك لك يا رب

**ahmed79** · 17-05-2011 01:56 PM

السلام عليكم ورحمه الله وبركاته
ايه اخبار الجميع
تيفا لدات تسلم على الدات والنوار الى انت عملته ياباشا
الله ينور عليك

**heshamzaky** · 17-05-2011 01:58 PM

المشاركة الأصلية كتبت بواسطة zalabany

الدراع ده مش عندي يا شباب مع ان عربيتي ايطالي ايه القصه بأه

زلبانى أزيك يا باشا .
بص يا سيدى أغلب الظن علشان العربية عندك أيطالى الكرسى بيبقى فى الايطالى 3 حركات أو 4 حركات بمعنى
أنت عندك اليدين دول الى فى الصورة واحد بيحرك الظهر تمام و التانى بيرجع الكرسى للأمام و الخلف حلو
فية بقى يد ياعرض فى نص الكرسى كأنك بتمد أيدك تحت الكرسى دة يا سيدى الى بيعلى و يوطى الكرسى يا باشا و دى هى الحركة الثالثة
الحركة الرابعة لو عندك يكرة بتلف فى المسند بتاع الظهر دة زى منفاخ علشان يريح الظهر كمان و البكرة دى مش موجودة فى كل الكراسى بتاعت التمبرا

**heshamzaky** · 17-05-2011 02:00 PM

صباح الفل يا رجالة أزيكم جميعا عاملين أية . أحنا بننهى تقريبا الجزء الرابع كل جزء و أنتم طيبين

**ZALABANY** · 17-05-2011 02:00 PM

لا الدراع اللي تحت ده اللي بيحرك الكرسي قدام وورا يا هشام
ميكو طيب الوش الكريستال ده اعمله فين ويكلفني كام

**heshamzaky** · 17-05-2011 02:17 PM

المشاركة الأصلية كتبت بواسطة zalabany

لا الدراع اللي تحت ده اللي بيحرك الكرسي قدام وورا يا هشام
ميكو طيب الوش الكريستال ده اعمله فين ويكلفني كام

هههههههههههه ايوة يا سيدى بيحرك الكرسى للأمام و الخلف دة مظبوط
بس لما الاول تطلع الكرسى للأمام من الذراع الى فى الجنب و بعدين تستعمل الدراع الى فى النص الكرسى حا يعلا و يوطى معاك يا باشا
أنا العربية عندى كدة ا باشا و بعلى و أوطى الكرسى منة و عندى البكرة الى بقولك عليها فى الظهر كمان
هاتلى واحد بيبسى و أنا اعرفك السر دة لما اشوفك و أعلى لك الكرسى و أوطية ههههههههه

**ahmed79** · 17-05-2011 02:22 PM

المشاركة الأصلية كتبت بواسطة heshamzaky

هههههههههههه ايوة يا سيدى بيحرك الكرسى للأمام و الخلف دة مظبوط
بس لما الاول تطلع الكرسى للأمام من الذراع الى فى الجنب و بعدين تستعمل الدراع الى فى النص الكرسى حا يعلا و يوطى معاك يا باشا
أنا العربية عندى كدة ا باشا و بعلى و أوطى الكرسى منة و عندى البكرة الى بقولك عليها فى الظهر كمان
هاتلى واحد بيبسى و أنا اعرفك السر دة لما اشوفك و أعلى لك الكرسى و أوطية ههههههههه

اخبارك ايه ياباشا
هو انت قصد حضرتك ان الواحد يطلع الكرسى لقدام من الدراع الى فى الجنب وبعد كده يمسك الدراع الى فى وسط الكرسى ويقعد يحركه
معلش اصلى مش فاهم القصه خالص لانى جيت اجرب لقيت الى فى الجنب بطلع الكرسى ويرجعه لمسافه بسيطه والى فى الوسط بيطلعه لقدام جامد

**mikology** · 17-05-2011 02:23 PM

بص يا زلبانى اى حد بيصب وشوش فوانيس هايعملهالك
شوف شركه الاهرام اللى فى التوفيقيه

بالنسبه للكرسى
ايام التمبرا مكنش عندى الدراع التانى ده
فى الانشيا موجود كل الحوارات دى
هو اوبشن مش اكتر
وعلى فكره انا بفكر ابيع الصالون بتاعى لو حد عاوز الصالون كامل مكمل يقولى عشان انا هاجيب صالون جلد

هشام ابعتلى الصور عشان مش عارف اوصلهم ههههههههههههههه