رابطة مالكي وعشاق التمبرا (الجزء الرابع)

**heshamzaky** · 05-04-2011 12:50 AM

المشاركة الأصلية كتبت بواسطة zalabany

غالبا الإسبراتير يا وسام هو اكتر حاجه توقف العربية لو جه عليه ميه عشان كده ال 28 اول عربية تعطل في المطره عشان الاسبراتير بتاعها تحت لكن احنا الاسبراتير بتاعنا مرتفع فوق موضوع الشكمان ده انا كنت اثرته قبل كده وناس قالت تقف وناس قالت ما تقفش بس مش متأكد

و الله يا زلبانى امبارح بالليل نزلت و مدينة نصر المية كانت بركة بمعنى الكلمة الحمد لله عديت فى المية و كانت واصلة لبعض العربيات فى نص الجنط بتاع العربية و عربيات كتير جدا جدا وقفت

**heshamzaky** · 05-04-2011 12:57 AM

المشاركة الأصلية كتبت بواسطة caysersosaih

الف مبروك يا هشام واحشني جدا

أية دة ضياء بشحمة و لحمة أنت فين يا راجل ههههههههههههههههههه واحشنى يا باشا الخطوبة يا باشا خدتك مننا بس معلش ههههههههههههههههههه
الله يبارك فيك يا ضياء فين مواضيعك الجامدة يا بروفيسير

**heshamzaky** · 05-04-2011 12:59 AM

المشاركة الأصلية كتبت بواسطة bonanza

مبروك يا اتش علي التيبو . ماشاء الله ربنا يحرسهالك و يديك خيرها و يبعد عند شرها

الله يبارك فيك يا أسامة تسلم يا باشا

المشاركة الأصلية كتبت بواسطة hany121

مبروك علي السوند يا استاذ هشام

الله يبارك فيك يا أستاذى انت أخبارك اية

**JUVENTUS** · 05-04-2011 01:14 AM

استاذ هشام دي صورة الزرار بتاع الزجاج من جوة بعد ما فكيته بس من الناحية اليمين و الشمال زيها بس زرارين و مفيهوش اي حاجة ممكن تتعمل
انا مازلت حاسس ان فيه حاجة بتتظبط من داخل الباب نفسة عند مكنة الزجاج
و اللي كنا هنغيره ده اعتقد انه موزع او مغذي فقط للابواب و الله اعلم

**heshamzaky** · 05-04-2011 01:40 AM

اعتقد يا ابو حميد هو النترول الى كان معانا حا ابقى اقولك النتيجة الباب من جوة مفيهوش اى حاجة و الله اعلم

**heshamzaky** · 05-04-2011 01:55 AM

المشاركة الأصلية كتبت بواسطة zendo

اية انسب زيت موتور لعربيتى فيات تيمبرا موديل 90 ايطالى .......ملحوظة الماتور خفيف بس مابيكلش زيت
احطلة زيت ايه

ممكن تحط الزيت بتاع توتال الى ب 58 حنية اعتقد مناسب جدا

**zendo** · 05-04-2011 03:22 AM

زيت توتال ده احسن من الموبيل 1 ولو هاحط توتال الجركن لونة اية وهو انسب واحد للمواتير الخفيفة........................ معلش ان كنت تقلت عليك

**eng_tefa** · 05-04-2011 03:56 AM

المشاركة الأصلية كتبت بواسطة juventus

استاذ هشام دي صورة الزرار بتاع الزجاج من جوة بعد ما فكيته بس من الناحية اليمين و الشمال زيها بس زرارين و مفيهوش اي حاجة ممكن تتعمل
انا مازلت حاسس ان فيه حاجة بتتظبط من داخل الباب نفسة عند مكنة الزجاج
و اللي كنا هنغيره ده اعتقد انه موزع او مغذي فقط للابواب و الله اعلم

لا دى مؤامره بقى

**zago** · 05-04-2011 11:23 AM

صباح الخير يا استاذ هشام
صباح الخير يا رجاله

امبارح حلمت اني رحت عند استاذ هشام وبسال على استاذ جمال .... محدشى يعرف مين ده استاذ جمال ؟ اصل اللي كانو في الحلم كانو مستغربين قوي ههههههههه وعمالين يقولولي اسمه استاذ هشام وانا مصر ان اسمه استاذ جمال

شكرا يا اسامه على الفتوى
هو فعلا زي ما شيخ زلاباني قال انه الاسبراتير لاني سالت بابا وقالي الاسبراتير برضو او ان الكربراتير مقدرش يسحب هوا
طيب في ال 28 بتاعتي الاسبراتير راكب تحت ومع ذلك محصلهاش حاجه (الحمد لله ) ليه بقى؟؟؟
حقولكم علشان تبقو تعملو كده لو قابلكم ميه كتير في مطر ولا في اي حاجه
وانت داخل على الميه وشايف انها كتير وحتخش الموتور دوس بنزين جامد ( مش جامد قوي يعني ) وخلى رجلك على الدبرياج بحيث ان العربيه تفضل ماشيه بالراحه وعلى سرعه قليله بس الموتور بيلف على 25 مثلا وكده مش حتبطل في الميه

انا كنت بعمل كده بالجيب لما كنت بروح بيها العريش وقت المطر وكانت العربيه تغطس في الميه والميه توصل للكبوت ومكنتش تبطل مني