خواطر..فى كسر الزيرو

**S H @ F T** · 12-04-2008 02:23 AM

موضوع جاااااااااااااااااااااااا ااااامد

**Ahmed Samy** · 12-04-2008 02:48 AM

مدهش
بجد مجهود يستحق الاستحسان و الشكر و طبعا........... التثبيت

**PRO-DRIVE** · 12-04-2008 03:06 AM

شكرا علي المعلومات المفيده عمرو باشا :)

**Chicco** · 12-04-2008 06:44 AM

أستاذ و رئيس قسم و مرشح لمنصب عميد كلية كمان
في إنتظار المزيد يا باشا

**mahamedaraby** · 12-04-2008 10:00 AM

موضوع رائع جدا ومرجع لعشاق كسر الزيرو او اللى بيدور عليه

وكمان معادلات والفئات السعريه وضحتلى حاجات كتير اوى احب اشكرك عليها

بس انا شايف عيب كسر الزيرو ان صعب تلاقيه الموديل اللى انت بتدور عليه او محتاج صبر كتير

وطبعا لازم الموضوع يتثبت لاهميته

**ابو سيف** · 12-04-2008 10:10 AM

سيات لافر بجد انا مش عارف اصلا اشكرك ازاي و لا على ايه

على الموضوع اساسا
و لا على طريقه العرض
و لا على الاهتمام لكل التفاصيل
و لا على الدقه في التعبير

مظنش في كلامتك توفيك حقك في مواضبعك عامة و موضوعك دة خاصة
لكن على اي حال انا ليا طلب

يا ريتك لو تضيف و انت بتتكلم عن كل فئه سعريه في كسر الزيرو يعني اقل من 50 و من 50-70 و هكذا يا ريتك لو تضيف امثله مش هنقول كل العربيات في الفئات دي
لكن على الاقل امثله للعربيات الاكثر انتشارا و رواجا في كسر الزيرو في الفئات السعريه دي

تسلم ايدك

**SEATLOVER** · 12-04-2008 01:45 PM

يا جماعة والله اخجلتم تواضعنا ...ردودكم بقت احلى من الموضوع

mahamedaraby

بس انا شايف عيب كسر الزيرو ان صعب تلاقيه الموديل اللى انت بتدور عليه او محتاج صبر كتير

اللى يصبر ينول يا محمد ... والحاجة الحلوة تستاهل تستناها شوية وبالعكس انا شايف ان سوق كسر الزيرو حالياً ..ماشاء الله واخد كلة مابيسيبش..... وعلى السريع كمان

ابو سيف
يا ريتك لو تضيف و انت بتتكلم عن كل فئه سعريه في كسر الزيرو يعني اقل من 50 و من 50-70 و هكذا يا ريتك لو تضيف امثله مش هنقول كل العربيات في الفئات دي
لكن على الاقل امثله للعربيات الاكثر انتشارا و رواجا في كسر الزيرو في الفئات السعريه دي

ابو سيف ...حبيبى ..نورت الموضوع والله
بص كل العربيات بتنزل ..فى كسر الزيرو ..مفيش عربية بتسلم
العربيات اللى هاتلاقيها منتشرة واكثر رواجاً فى كسر الزيرو .. دى علامة مش كويسة للعربية ..عشان كدة انا مش هاذكر امثلة (فهمتنى )
وعايز اقولك حاجة مهمة ...فى علاقة طردية بين كسر الزيرو ... وانتشار الزيرو ...ودة بصفة عامة
يعنى العربية اللى مش منتشرة كتير فى الزيرو بتاعها ... مش منتشرة كتير فى كسر الزيرو ..والعكس

**ابو سيف** · 12-04-2008 01:55 PM

المشاركة الأصلية كتبت بواسطة SEATLOVER

ابو سيف ...حبيبى ..نورت الموضوع والله

العربيات اللى هاتلاقيها منتشرة واكثر رواجاً فى كسر الزيرو .. دى علامة مش كويسة للعربية ..عشان كدة انا مش هاذكر امثلة (فهمتنى )
وعايز اقولك حاجة مهمة ...فى علاقة طردية بين كسر الزيرو ... وانتشار الزيرو ...ودة بصفة عامة
يعنى العربية اللى مش منتشرة كتير فى الزيرو بتاعها ... مش منتشرة كتير فى كسر الزيرو ..والعكس

الموضوع منور بكلامك بجد بدون ادنى مجامله و لا مبالغه

بصراحه موضوع ان رواج العربيه في كسر الزيرو علامه مش كويسه حاجة من اتنين يا اما انا مش فاهمك فعلا يا اما مش متفق معاك لو كنت تقصد اللى فهمته لأن انتشار العربيه في الزيرو معاك انه مش بيعني في بعض الاحوال جودة العربيه دي لكنه قد يعني جودتها بحال من الاحوال او بمعنى اصح مناسبتها لظروف المعيشه المصريه
فطبيعي انك زي ما انت تفضلت و قولت انه اتنشار العربيه في الزيرو هيخليها منتشرة في كسر الزيرو بردو

اللى عايز اقوله و يا ريت توضحلي بجد ان مش شرط عشان عربيه منتشرة في كسر الزيرو انه دة يعني عيب في العربيه بيخلي صحابها يلجأوا لبيعها بدري بدري

و لا ايه؟؟؟؟؟ مع الاخذ في الاعتبار انه قد يكون دة وارد طبعا لكنه مش شرط و انت اوردت الاحتمال دة في مقالك الاصلي الاكثر من رائع

معلش استحملني شويه ووضحلي اكتر :o

**محمد عز** · 12-04-2008 02:06 PM

بسم الله ماشاء الله
مجهود رائع

**SEATLOVER** · 12-04-2008 02:22 PM

المشاركة الأصلية كتبت بواسطة ابو سيف

الموضوع منور بكلامك بجد بدون ادنى مجامله و لا مبالغه

بصراحه موضوع ان رواج العربيه في كسر الزيرو علامه مش كويسه حاجة من اتنين يا اما انا مش فاهمك فعلا يا اما مش متفق معاك لو كنت تقصد اللى فهمته لأن انتشار العربيه في الزيرو معاك انه مش بيعني في بعض الاحوال جودة العربيه دي لكنه قد يعني جودتها بحال من الاحوال او بمعنى اصح مناسبتها لظروف المعيشه المصريه
فطبيعي انك زي ما انت تفضلت و قولت انه اتنشار العربيه في الزيرو هيخليها منتشرة في كسر الزيرو بردو

اللى عايز اقوله و يا ريت توضحلي بجد ان مش شرط عشان عربيه منتشرة في كسر الزيرو انه دة يعني عيب في العربيه بيخلي صحابها يلجأوا لبيعها بدري بدري

و لا ايه؟؟؟؟؟ مع الاخذ في الاعتبار انه قد يكون دة وارد طبعا لكنه مش شرط و انت اوردت الاحتمال دة في مقالك الاصلي الاكثر من رائع

معلش استحملني شويه ووضحلي اكتر :o

الله ينور عليك يا ابو سيف .. انا كنت متوقع منك الرد دة
... كدة يبقى انت مشغل عداد الدماغ على 120

بص انا قلت

رواج العربيه في كسر

فى فرق كبير بين (الانتشار) و ( الرواج )
الانتشار : كثرة وجود العربية سواء بالعرض او الطلب سواء كان السعر ماسك نفسة او لا
الرواج : كثرة تداول العربية يعنى العربية ممكن تعمل 5 يد فى اقل من 3 شهور

هنا بقى الفرق ..يعنى ذى ما قلت (رواج) العربية فى سوق كسر الزيرو علامة غير صحية ابداً على العربية وفى امثلة واضحة جداً لكدة وخصوصاً فى فئة 100-150

انما انتشار العربية فى سوق كسر الزيرو ..هو نتيجة طبيعية لآنتشارها فى الزيرو لآن العدد المطروح للبيع كبير ... من العدد الاصلى اللى هو كبير ايضاً ..وبيبقى كتير منهم ماسك نفسة فى السعر

اصل الموضوع كبير وخطير يا ابو سيف ..فاعذرنى عشان بختار الكلمات بدقة ..(اصل انا بحب اللغة العربية جداً) ..لآن كل كلمة بتعنى الالفات ومجهود وفلوس كتير اوى فى صيانات وخسارة اعادة بيع .

الحوار معاك ممتع بجد