عصابة مرور السلام

**mad_addison** · 21-03-2011 11:39 PM

يا جماعة الموضوع ده لازم تنشروه في كل حته , انا كان هيتنصب عليه في مرور السلام من سنتين , ولما رحت امبارح لاقيت نفس النصابين وكانو ناصبين على ناس كتير اوي في فلوس كتير , دول عمالين ينصبوا على الناس من زمان اوي بقى ومحدش بيوقفهم , انا عملت الصورة ده الي هتشرح كل حاجة بالتفصيل , ياريت كلنا ننشرها ونحذر الناس من عصابة مرور السلام :

MroorElsalam.jpg:

**mad_addison** · 22-03-2011 07:27 PM

للي مفهمش :
مرور السلام في عصابة متخصصة في النصب على الناس , انا شايف بعيني ناس بتبكي واحد منهم معاق وبيحاول يطلع رخصة موتسيكل , نصبوا عليه في 1400 جنيه , وغيره في 3000 جنيه

النصبايه هي :
يقولك هات ورقك وانا هخلصلك كل حاجة , وبعدين يفهمك ان عليك مخالفات كتير ويقنعك انه ليه علاقات جوة ة ويقدر ينزلك المخالفات , الكلام ده بيحصل مع أي حد داخل المرور

الخلاصة وانت رايح مرور السلام تاخد معاك واحد صاحبك عشان لو حصل أي حاجة , الأخ الي رد وقال دفعتلهم 20 جنيه لو مكنش دفع كان هيتئذي لأنهم أذوا حد اعرفه بنفس الطريقة , بعد ما عرف انهم نصابين , مرديوش يدوله الورق ولا يخلوه يطلع بالعربية الا لما يدفع 150 جنيه

**sherif_taher** · 22-03-2011 07:49 PM

مرور شديد السوء بسبب الضغط العالي عليه....و اللي بيدي فرصة للعالم النصابه دي انها تتحرك وكان هيحصل معايا الموضوع ده وانا بطلع شهاده المخالفات لقيته بيقولي هات الرخصه وانا هخلصك علطول بدال الزحمه.....بصيت له و مشيت و سبته
الحمد لله نقلت من المرور ده

**ahmed1981** · 22-03-2011 11:36 PM

مرور السلام
بتفكرني ليه
أنا كنت مندمح مع الثورة وناسي مرور السخام

لكن متفائل خير

**hossam165** · 25-03-2011 02:10 AM

فعلا كلامك صحيح الف في المية
وانا شوفت ناس كتير اتنصب عليهم بنفس الاسلوب
وساعات ياخد الورق ويبداء يساوم عليه عشان يرجعو ليك مرة اخري
وساعات كنت بقعد علي القهوة ديه وانا في انتظار ورقي او حد من صحابي يكون بيعمل حاجة في المرور
وكنت بشوف وبسمع الكلام ده وكانو بيصعبو عليا فعلا الناس الي بيتنصب عليها
ياريت يا جماعة اي حد يروح المرور ده يبعد تماما عن اي شخص مش من داخل المرور

**dr-mohamed** · 25-03-2011 02:26 AM

ههههههههه
حلوة الخريطة بس يا رب الناس تقرا
وشكرا على مجهودك

**mailo** · 28-03-2011 04:52 PM

أوسخ مرور في مصر
اتعملت معاه مرة واحدة في تجديد عربية الحاج وحلفت ما أنا رايحه تاني
والمعلمة اللي واقفة بره كانت بتقولي هات 550 جنيه وأنا اطلعلك رخصة من غير ماتختبر "قيادة"
قلتلها لأ هم 500 بس lol
قال يعني هعبرها ب 5 جنيه
شوية غجر