بره العالم مختلف عن مصر ... المصريين بتوع "مصلحه"طول عمرهم :d
عرض للطباعة
بره العالم مختلف عن مصر ... المصريين بتوع "مصلحه"طول عمرهم :d
لما قريت مشاركة الاخ الفاضل Casber افتكرت موقفين
الحمد لله أنا صليت في جوامع ٤ قارات (أفريقيا، اسيا، أوروبا و أمريكا الشمالية ) بس في مرتين صليت فيهم ليهم إرتباط ما ببعض
٢٠٠١ .... الجامع اللي كنت بصلي فيه في طوكيو تركي.....بمعني إن الارض اللي مبني عليها الجامع ملك للحكومة التركية و مصاريف إدارة و صيانة و تجديد الجامع كلها من الحكومة التركية حتى الامام تركي موفد من قبل الحكومة ....خطبة الجمعة بتتقال بالتركي و الياباني و الانجليزي (نفس الخطبة تتعاد ٣ مرات !) حسيت اني لسة أيام الخلافة العثمانية
٢٠٠٢ لما صليت في الجامع الازرق في إسطنبول (غير إنه تحفة فنية من الداخل و الخارج) الناس كانت في قمة الخشوع غير انهم كلهم لابسين على سنجة عشرة أكنهم رايحين حفلة و اغلبهم شعرهم كان لسة مبلول من أثر الاستحمام (مش قصدي أي مقارنة )
الغريب بأه في الموضوع وانا خارج من الجامع كان فيه مظاهرة ضد قرار حظر الحجاب و كان البوليس بيلم المشاركين و المشاركات في المظاهرة (بدون عنف من الجانبين ...برضه مش قاصد أي مقارنة ) في اوتوبيسات كتير . لما سألت المرشد السياحي بعدين قالي إن الموضوع ده بيحصل كل أسبوع .....الشعب فيه كتير متدين و الحكومة علمانية (برغم حكاية جامع طوكيو !!؟؟) و كل شوية بيحصل تصادم ...على حسب كلامه
أول مرة أروح الإمارات من أول السنة ده.والحمد لله العبد لله ملوش في موضوع الأكل بره البيت كتير ولا الحفلات.المهم خرجت مع قرايبي نتمشى في دبي ورحنا ناكل في مطعم لبناني إسمه أتوماتك تقريبا فكان اليوم ده أوبن بوفيه وطبعا أول مرة أشوف أوبن بوفيه وكان عبارة عن ترابيزة كبيرة جدا عليها كل حاجة وترابيزة صغيرة عليها خروف مشوي والتحابيش بتعته المهم دخلت مليت الطبق ما لذ وطاب من الترابيزة الكبيرة ورحت أكل لقيت قرايبي بضحكو جدا وبيقولولي ده كلها سلطة:d:d:d:d:d ففهمت إن الترابيزة الكبيرة كانت للسلطة والأكل هو الخروف المشوي:d
نفس الموقف بتاع الأستاذ عماد اللي حصل في السودان بتاع الكلمة الغريبة اللي بتتقال للحمير عندنا.كنت قاعد مع مدير المخابرات سابقا وسفير السودان في الأمم المتحدة وكل شوية يقول الكلمة ده ولما خلصنا بسأل الناس اللي معايا قالولي ده كان معجب جدا بالكلام:)
\/\/\/ oooops إنتم خدتوا بالكم .....مع اني أكدت اني مش باقارن ;)
خد راحتك يا باشا
بالمناسبة الحكاية دية اتكتبت في الجرايد
حصلت و كانت حكاية معروفة جدا
انا عايش في دبي من 3 سنين
من حوالي سنتين ماشي في شارع المركبات في ديرة في دبي ,المهم و اقف في اشارة كنت اول صف فيها و بعد ما الاشارة فتحت اذ بي الاقي سيارة شرطة من اقصي اليمين الي اقصي الشمال سايقها واحد يمني و راح داخل في عربيتي من اليمين و طيرلي الرقرقف
بصراحة انا مت من الخوف لانها سيارة شرطة قلت بس ,انا رحت في خبر كان و حيطلعوني غلطان و لقيت سواقها بيتنطط عليا و يقولي انا عربية شرطة و امشي بسرعة زي ما انا عايز لاني في مامورية
المهم قولتله وراك مامورية تموت الناس يعني؟؟؟؟ ,قالي خلاص يالا بينا علي القسم علشان نشوف مين غلطان و ياخد مخالفة و تامينه يصلح عربية المجني عليه
رحت القسم لقيت الريس بتاعة واقف للاسف جنبه و قاله الشرطة ما تخطيئ ,حلفتله ان كنت واقف في الاشارة و ده الي دخل فيا ,راح قالي بقلوكوا ايه ده مصري وحيئاوح ,خشوا علي المحقق و هو الي حيقول كلمته
دخلنا للمحقق و حدث ما كنت لا اتخيله انه طلع سائق الشرطة مخطئ و اداله مخالفة و تامين الشرطة صلحلي عربيتي و خلاها احسن من الاول
و السبب ان سائق الشرطة ما منشي مشغل اشارات الشرطة الي علي سقف العربية !!!!!!
لو في مصر كان قالي اخبط دماغك في الحيط و عمار يا مصر
على ذكر الشرطة
بروكسل بلجيكا ٢٠٠٧
ماشي عادي مع المدام الاقي صوت سراين جامدة و هوب موكب عربيات بوليس و إسعاف و هيصة ولا موكب رئيس الوزارة بتاع كوسة ستان بعد الموكب مجموعة من رجال الشرطة راكبي الدراجات و بعدين منظر عجيب رجل شرطة قاعد يزعق في واحدة ست عجوزة في عربية مرسيدس عشان عدت الخط بتاع عبور المشاه و خلاها ترجع بتاع متر لورا :eek:
ما علينا طبعا وقفت عشان أشوف إيه القلق ده كله و باقول ده موكب ملكي أو رئاسي ......
طلعت مظاهرة و المتظاهرين على قباقيب تزحلق و الشرطة و الهيصة ديه كلها لتأمين خط سير المتظاهرين ....برضه مش بقارن خاااالص :rolleyes: