الموضوع: الاخوة الاقباط - كدة تخطيتوا حدود الدين !!!!!!!!!!!!!!!!!

ومازلت مستغرب من ردة فعل الأخوة الأعضاء المسيحيين السلبي .

استاذ otefa اكن لك الاحترام والتقدير ولكن حضرتك احنا مش سلبيين وكذا عضو مسيحى رفض يعلق منعا للمشاكل وده مش ضعف ولكن احيانا الصمت ابلغ من الكلام
واظن انى دخلت واعتذرت للكل وحضرتك شوف مشاركتى ولكن محدش اعتذرلى على شتيمتى كمسيحى ووصفى بالفاظ لا تليق ببنى ادم بيعيش فمصر وبيحب اخواته المسلمين
اشكرك واشكر الكل

عزيزى دكتور محمد لو حضرتك شوفت العضو قال ايه اللى اتحذفت مشاركته بناءا على بلاغى للادارة كنت عرفت انى اتهنت كمسيحى واتوصفت بالكلب والخنزير وانى استحق القتل وبلاش اذكر لحضرتك الباقى لانه بجد كلام يوجع جدا وبعض المشاركات الاخرى اللى لو شفتها بهدوء وموضوعيه هتعرف ان حضرتك ظلمتنى بردك وظلمتنى كمان لما قلت انى قبل ما اطيب خاطرك اتهمتك لان حضرتك زى ما انجرحت انا اتجرحت وكان ممكن ارد الاساءة باساءة للشخص اللى شتمنى بس ربنا هو اللى بيحاسب واحمد الله انك بجد لم ترى ماقاله
وبجد انا احزن بشده انك تحاسبنى على غلطة حد تانى
وفى النهاية تقديرى لشخصك الكريم

والمدعو يوتا هو احد رجال الدين المسيحي المتطرفين وموجود في مصر لكن شخصيته الحقيقية لا يعلمها الا الكنيسة التي تتستر عليه

حضرتك كنيستنا لا تتستر على احد واحنا اكبر من اننا نعمل كده والجميع عارف احترامنا لغيرنا وعيب حضرتك توزع الاتهامات على حد وربنا بس هو اللى بيحاسب

بس تقريبا الاعضاء مختفيين حتى فى باقى المواضيع

استاذ شهدى احنا غير مختفيين وبرضه حضرتك عممت علينا بس احب اعلم حضرتك انى اتوقفت قبل كده لانى قلت فموضوع اتشمنا فيه كمسيحيين قلت هو احنا عملنا ايه لكل ده ورديت على صاحب الموضوع باسلوب محترم جدا ولقيت الادارة وقفتنى اسبوعين ولا اعلم لماذا ورغم كده متكلمتش

وفى اخر الكلام اشكر كل الاخوه العقلاء جدا والمتفهمين لروح الاخوة والمحبة الموجوده بيننا وربنا يهدى الجميع

السادة الاعضاء. فى البداية يمكننى ان اتحدث عن تعاليم المسيحية والكنيسة والى دائما تدعونا الى محبة الاخر حتى فى وجود مخاصة, اما بخصوص ما كتب فانا مؤمن انا هذا يعبر عن رؤيه فرد وليس جماعة كما ان الاب يوتا على حسب علمى ليس قسيس فى الكنيسة .
احنا كمسيحيين مش اسلوبنا هو المهاجمة بالتجريح وانا عن نفسى بحس بضيق لما حد يجرح فى اى معتقد للاخر لمجرد عدم الاتفاق على راى واسلوب واحد. انا برجو كل واحد يفكر براحة قبل ما يرد لان البعض صور المقالة كانها رسالة الكنيسة للغير زى الاخ اللى كتب)القصة في المنظومة اللي سمحت بوجودة( ده مش صحيح اخى الفاضل.

انا عن نفسى استنكر مهاجمة معتقدات الاخر حتى لو مش متفق معاه لان دى ابس قواعد الاحترام.

كمان الاخوة اللى بيقولوا محدش رد بغلط على المسيحين ... شكرا ولو ان لا شكر على واجب

الاستاذ عتريس, انت زعلت من المقاله ده وليك الحق تغضب بس بلاش الكلام المرسل ده زى )احنا كل طلب طلبوه عملناه - يبقي ده الرد ؟؟؟؟؟؟(

انا اؤيد رايك الغلطان يتحاسب بالقانون غلط فى المسيحية او الاسلام يتحاسب الموضوع مش لعبة اراء


يعنى مثلا لما احد الشيوخ يكتب كتاب عن تحريف الكتاب المقدس هل ينفع نقول ده مخطط الازهر مثلا او الجماعة السلفية او او...!!! لا طبعاً


انا شايف اننا ناخد خطوة ايجابية يعنى مثلا اللى يشوف حد بيهاجم الاخر بشكل تجريحى يحاول يوقفه مش يزيد عليه لان النت زى ماكلنا عارفين فيها الكويس والوحش من الطرفين

معلش بقى ان ردى كان متاخر بس بقى اول ماشفت الموضوع والردود قلت لازم اوضح رائى كمسيحى

عاشت مصر للمصريين حرة قوية.

ثم لماذا يا اخي نجدهم يدخلون بالعشرات وبعضهم يعمل عضويات جديدة ويدخل من سيرفر المانيا اذا كان هناك اي موضوع يتعلق بالنصاري واي حادثة مادية او معنوية يتعرض لها نصاري مصر ؟؟؟؟؟؟؟؟

حضرتك اتهامك لينا فيه ايحاءات لاشياء غير مقبوله وانا عارفها وموضوع سيرفر المانيا واضح جدا وطبعا قصد حضرتك الموضوع اللى حصل فى المنتدى قبل كده ولكن ان حضرتك تتهمنا بكده فده مش عدل ابدا

ولكن اكرر لحضرتك اننا اشخاص محترمين ومنقدرش نعمل اللى حضرتك بتلمح عليه لان مسيحيتنا علمتنا احترام الكل والا نرد الاساءة بأساءة ابدا مهما حصل
اشكرك