محتار بين اكتر من موديل اسبيرانزا

**esam722** · 20-04-2011 02:59 AM

المشاركة الأصلية كتبت بواسطة hemaa_82

بصراحه شرح وافي ممتاز وافدني كتير
10/10 وربنا يجعله في ميزان حسناتك

الله يكرمك ....

بص يا معلم ... لو مش هتغير بجد و في عدد و شيل معاك كتير اوعي تجيب غير التيجو ... مهما قولنا عليها مفيش في وسعها .... صحيح سرعتها اقل و صحيح خاماتها افقر بس كفاية ان حجمها بيخض الناس .... هيه صحيح اخف في الوزن من الm11 بس علشان عالية و بتعمل مقاومخة اكبر في الهوا بتكون ابطا غير ان هما عاملين الECU بتاعها يطلع عزم بدري علي حساب السرعة .....
تاني ... مفيش عربية في وسعها و كتر اماكن التخزين ... بس في مقابل سرعة اقل و خامات اقل

ال m11 بقي دلع و خامات انضف و سرعة اعلي و ثبات اكتر "انا جبت بيها 200 علي الصحراوي و زي الحلاوة" تعليق اقوي "رباعي خلفي ... في حين ان التيجو ثلاثي بس زيها زي ال516 تقريبا"...بس اضيق كتيييييييييييييير من التيجو طبعا ... في حين انها اتقل وزنا " و ده مديني عن نفسي احساس بالامان لان معني كدة ان اساس العربية محمل اكتر"............. انما الحلو ما يكملش ..... حجمها اصغر من شكلها ... البيبان تخينة و في مسافات من قدام و ورا الموتور للامان مخلية العربية اصغر ... بس مقدرش انكر ان كراسيها مريحة و خاماتها مش سيئة

و علشان كدة انا رأي تاني علشانك طالاما مش هتغير يبقي اعمل حساب المساحات المستقبلية و خليك في التيجو[/QUOTE]
على فكرة انا بحترم فيك اسلوب التوضيح اللى انت كاتبة بس انا لية ملحوظة ودى عن تجربة فى عربيتى التيجو بالنسبة للسرعة بحكم سفرى للصعيد اكثر من مرة على الطريق الصحراوى غرب النيل كنت باوصل لسرعة 185كيلو ولما احب اهدى شوية كان على ال150 او ال160 طريق مفتوح بقى ده بالاضافة ان للعربية 2 وسادة هوائية ده غير شكل العربية المختلف عن العربيات الصالون

**hemaa_82** · 20-04-2011 09:10 AM

المشاركة الأصلية كتبت بواسطة hook1st

انا ليا استفسار عن m11 هل تستحمل السفر لشرم والغردقة نقدر نقول مرتين او ثلاثة في السنة ؟؟

انا كذا مرة واخدها للساحل ... صد رد ... و برضه للعلمين ... يعني مشوار 600 كيلو ... هتقول لا يعني لشرم ؟؟؟؟؟؟؟
بجد يا اخوانا العربيات دي لو هنفصصها و نطلع عيوبها هتلاقيها في الحاجات الغير اساسية ... مش هتروح شرم يعني و ترجع بالدريكسيون بس :)

[quote=esam722;3873437286
على فكرة انا بحترم فيك اسلوب التوضيح اللى انت كاتبة بس انا لية ملحوظة ودى عن تجربة فى عربيتى التيجو بالنسبة للسرعة بحكم سفرى للصعيد اكثر من مرة على الطريق الصحراوى غرب النيل كنت باوصل لسرعة 185كيلو ولما احب اهدى شوية كان على ال150 او ال160 طريق مفتوح بقى ده بالاضافة ان للعربية 2 وسادة هوائية ده غير شكل العربية المختلف عن العربيات الصالون[/quote]

ربنا يباركلك :) ....انا نفسي قولتلوا تيجو بس نقول اللي لينا واللي علينا ... ولما تبقي عالية كدة متحاولش تجري جامد زيادة علشان الديناميكية الهوا بتفرق .... بس ربنا يحفظنا جميعا ان شاء الله

**ALshahba** · 22-04-2011 09:49 PM

بالنسبة للوسائد الهوائيه:
لا تفتح من اقل خبطه فى الامام.....تفتح عند مدي معين من الخبطه ...يعني لازم تكون خبطه شديده لحد ما حساس الوسائد يلمسه وبعد كده تفتح
وفي بعض السيارات الباهظة الثمن ...يوجد حساسات توصل بمعالج الكتروني تستطيع ان تحدد نوع الخبطه ويتحدد علي اساسه فتح الوسائد الهوائيه ام الغاء الامر
فيا يت ماتكرهش الوسائد كده ... دي حماية للراكب

**mmffor** · 22-04-2011 10:41 PM

شاب يبقى هات 113
استهلاك وقود اقل
شبابية اكتر
عملية
ارخص في السعر
سهل انك تروقها

**egypt0777** · 22-04-2011 11:53 PM

المشاركة الأصلية كتبت بواسطة hook1st

انا ليا استفسار عن m11 هل تستحمل السفر لشرم والغردقة نقدر نقول مرتين او ثلاثة في السنة ؟؟

طبعا تستحمل ما تستحملش ليه

بس انت و حظك

بختك يا ابو بخيت

**mohser** · 23-04-2011 02:24 AM

m11 عربية حلوة جدااااا

**attiahf** · 24-04-2011 02:49 PM

بص لو معاك فلوس زيادة هات التيجو ..هى بس تعبتنى شوية فى الاول من المشاكل بس بعد عدز زيارات الحمدللة العربية كويسة ومميزات الامان فيها معقولة بالنسبة لسعرها
يمكن التقفيل وحش بس ممكن تروش العربية وتخليها فى مستوى احسن وصدقنى انها بعد تجربة احسن من التريوس لو استعماك خفيف مش هتهلكها. عربية واسعة وبتاعة سفر وتشيل كتير وبعدين لو محما ناس حجمهم كبير شوية مفيش غيرها حتحس انك راكب عربية نص نقل شيك
ربنا يوفقك للصالح

**islamnasser10** · 24-04-2011 06:21 PM

استقريت علي موديل مش من اللي في المقارنة خالص ههههههه
بما ان التيجو غالية عليا
وال 113 ممكن في المستقبل احتاج شنطة ملاقيش
a516 ان شاء الله
ارخص من التيجو ب 18 الف
واوسع من ال 113

**saddam** · 24-04-2011 06:43 PM

أخي العزيز أنا غاوي عربيات صيني وعندي بفضل الله 2 لو حتبيع خد a113 بس دي شكلها بناتي للأسف لو للشياكة وكموديل ممكن تقعدو 5 سنين من غير ميأثر عليه الموديلات اللي حتنزل بعدها كشكل يبئه خليك في الأمان m11 لو عربية شكلها من بره يبان كبير وتستحمل تحط حاجات عالسقف وتحط جنط عريض بس شكلها وحش خد التيجو وعلى ما أظن شكل التيجو خلال سنتين بأقصاه 3 سنين حيخف عليه الطلب عشان شكلها فعلا ميديش شكل عربية هيبة وحديثة يعني ملهاش كاريزما شكلها متاخد من عربية ميتسوبيشي موديل 88 وكمان متاخد من الماتريكس اللي ما بتتباعش غير عندنا في مصر عشان في الخارج الموديل ده عفا عليه الزمن وأتمنى لك التوفيق والسلام ختام .

**katoba** · 24-04-2011 10:30 PM

ربنا يوفقك فى اختيارك وبصراحة بما انك رافض ال m11 وشايلها من ذاكرتك فال 516 هى الافضل من وجهة نظرى وربنا يباركلك فيها ويكفيك شرها وقبل ماتقدم على اى خطوة ياريت متنساش صلاة الاستخارة* لان ساعتها هتشترى ومش هتندم عليها ابدا ان شاء الله