هى الالف واللام دى تفرق كتير ولا ايه المقصود بالظبط

**Moh.Fahmy** · 23-03-2011 07:00 AM

بالرغم من انني صوت بلا لانني اري اننا نحتاج دستور جديد في المرحلة الحالية بدلا من دستور 71 المهترئ جدا بشرط عدم المساس بالمادة الثانية بأي شكل من الاشكال و كان السيناريو اذا كانت الاغلبية بنعم فكان سيحدث مثلما حدث اضافة المواد المعدلة بالرغم من تناقض بعضها البعض (المادة 77/و المادة 190) الي بقية مواد الدستور و العمل به الي ان تتم انتخابات برلمانية في شهر سبتمبر القادم تعقبها في ديسمبر انتخابات رئاسية -
و اذا كان التصويت بلا هو الاغلبية فسيتم عمل اعلان دستوري مؤقت لتسيير البلاد الي ان تتم الانتخابات البرلمانية و يتم تأسيس لجنة مكونة من 100 فقيه دستوري و قانوني لصياغة الدستور الجديد
و لكن ما حدث هو mix بين الاختيارين فلقد ظهر النبغة الدستوري دكتور يحيي الجمل في برنامج من قلب مصر و قلب مصر فعلا فأعلن انه سيتم تعديل بسيط في المادة الثانية بدلا من ايكون نص المادة(الشريعة الاسلامية المصدر الرئيسي للتشريع سيتم حذف الالف و اللام لتصبح الشريعة الاسلامية مصدر رئيسي للتشريع) و هذه لفة شيطانية طبعا فالاولي لمن لا يعلم تعني ان المصدر الاوحد للتشريع هو الشريعة الاسلامية اما المعني التاني فيعني ان هناك مصادر اخري للتشريع هذه واحدة اما الحالة الاخري فهي الاعلان عن اعلان دستوري في غضون الساعات القليلة القادمة و هذا الاختيار كان سيتم في حالة التصويت بأغلبية لأ للتعديلات الدستورية فما الذي يحدث في البلد بالظبط
اللطف من عندك يا رب

**dr-mohamed** · 23-03-2011 07:22 AM

في حالة نجاح اي من الاختيارين في الاستفتاء سواء لا او نعم كان سيصدر اعلان دستوري
لكن المفروض ان في حالة نعم يصدر الاعلان بناء على المواد المعروضة في الاستفتاء
اما في حالة لا فيكون للمجلس العسكري الحق في وضع النصوص التي يريدها في الاعلان الدستوري
اما كلام الدكتور يحي فمرفوض تماما وكدة بيلعب بالنار والافضل له ان يصمت او يترك منصبه ولا يضيع تاريخه

**Dojuar** · 23-03-2011 08:59 AM

اللي بيقولوا لأ كانوا بيقولوا مفيش مساس بالمادة التانية و ان اللي بيقولوا نعم مضحوك عليهم!!!!!!!

**A.Saad** · 23-03-2011 09:15 AM

حذف الالف واللام كان موجود زمان
وبكدة هيكون التشريع سواء الدستور او اى قانون ممكن يستمد نصوصه من ديانات اخرى

**عمرو عمارة** · 23-03-2011 09:52 AM

المشاركة الأصلية كتبت بواسطة dr-mohamed

في حالة نجاح اي من الاختيارين في الاستفتاء سواء لا او نعم كان سيصدر اعلان دستوري
لكن المفروض ان في حالة نعم يصدر الاعلان بناء على المواد المعروضة في الاستفتاء
اما في حالة لا فيكون للمجلس العسكري الحق في وضع النصوص التي يريدها في الاعلان الدستوري
اما كلام الدكتور يحي فمرفوض تماما وكدة بيلعب بالنار والافضل له ان يصمت او يترك منصبه ولا يضيع تاريخه

هو تاريخه ضاع خلاص ودخل مزبلة التاريخ

المشاركة الأصلية كتبت بواسطة ama

موضوع الألف و اللام دة نفس فكرة الحكماء الصهاينه فى العالم العربى
و نفس فكرة القران الكريم بعد التعديل و إزالة حروف ليتم تغيير المعنى بالكامل
مثل أن الدين عند الله الإسلام لتصبح إن الدين عند الله بغير الإسلام أو لتصبح أن الدين عند الله إلا الإسلام

و أنا ضد جدااااااااااا تعديل المادة رقم 2
و إذا تم تعديلها يبقى قولوا يا رحمن يا رحيم على مصر بكل الفئات الدينيه

ربنا يستر

**النوبي** · 23-03-2011 11:53 AM

محدش هيقدر يمس مش يعدل مجرد يمس الماده التانيه اما بالنسبه للجمل اللي مطلعش جمل خالص فانا من النهارده رافض وجوده لانه كل يوم بيثبت انه ميستحقش مكانه
ثم فيه سؤال محيرني
ليه كل مصيبه تحصل المسلمين يوقفوا موقف المتهمين ويفضلوا يبرروا ويعتذروا وشويه هيشيلوا المسحيين علي اعناقهم علشان حاجه معملنهاش
والايام اللي فاتت محدش مسيحي قال اخويا المسلم ولا حد طبطب علينا
ولا اي حاجه زي منكون برضه احنا في وضع اتهام مش محدده ايه بالضبط
او منستحقش الاعتذار
بس احب اوجه رساله الي كل اخ مسيحي معانا هنا ((وده رأيي الشخصي اللي بيعبر عني وليس ملزم لاحد))
انا اسف اذا كنت قلت اسف لحد عن حاجه انا معملتهاش ولاني يومها كنت فاكر اننا قلبنا علي بعض
وشكرا للظروف اللي تخلي الواحد يفهم حاجات كانت غايبه عنه

**mohamed_selim** · 23-03-2011 12:47 PM

المفروض ان الاعلان الدستورى القادم هو بديل عن دستور 71 فى المرحله الانتقاليه يعنى مفيش حاجه حاليا اسمها الماده التانيه
الاعلان الدستورى هيتضمن المواد اللى نزلت فى الاستفتاء مع مواد اخرى اساسيه فى اى دستور

معرفش ايه لازمة انه يجيب سيرة الماده التانيه دلوقتى بس لو حطوها زى ما هى يبقى اى قانون احوال شخصيه مش ماشى مع تشريعات الاسلام (حتى لو خاص بأى ديانه اخرى) يبقى غير دستورى ... من غير الالف و اللام يبقى فتح باب وضع بعض التشريعات الاخرى ...
و ده على قد علمى المتواضع .. على العموم انا رأيى بلاش نخش فى متاهات لأن الراجل كان بيتكلم عن رأيه الشخصى مش عن اللى هيحصل

-

الموضوع: هى الالف واللام دى تفرق كتير ولا ايه المقصود بالظبط

LinkBack

أدوات الموضوع

عرض

هما الغو نتيجة الاستفتاء ولا أيه؟؟ - انشر الموضوع فى :

-

-

-

-

-

-

المواضيع المتشابهه

صني 2005 تفرق إيه عن 2011؟

هل سبارك بدون باور تفرق كتير عن أللى بالباور

يا تري صيانة ال 3 شهور او ال 5000 كم تفرق كتير ؟

مشاكل كتير أوى ولسه مخلصتش الالف أرجو المساعده المخلصه

الحاجات دي تفرق قد ايه مع التوكيل !؟

الكلمات الدلالية لهذا الموضوع

المفضلات

المفضلات

ضوابط المشاركة