الموضوع: علشان واثق في البريليانس ... إشتريت الـ Fsv

هو انا المفروض أروح صيانة الألفين, قبل م اكمل الألفين ولا بعد م اكمل الألفين ؟؟

خلاص يا جماعة أنا عملت صيانة الألفين الحمد لله

تكاليف الصيانة 385 جنية شامل 10 % ضريبة

إتصلت وحجزت ميعاد قبليها بيوم ف مركز الصيانة اللي ف أبو رواش, وحددولي ميعاد الساعة 11 الصبح وقالولي ع التكاليف المتوقعة للصيانة ف التليفون, وسألوني عن ملاحظات معينة علي العربية أحب أقولها عشان تتعمل ده بالإضافة للحاجات اللي المفروض تتعمل أصلا (تغيير زيت وفلتر وتربيط عفشة).

كنت هناك ف الميعاد وسلمت العربية وقابلت المهندس ياسين مسئول الصيانة, وسألني ليك ملاحظات محتاج تعملها ف العربية ؟ وبالطبع كان عندي مشكلة بسيطة في بكرة التكييف وقفل الشنطة اللي مكنش بيقفل من أول مرة وقولتله عليهم.

تم تدوين الملاحظات وطلعت استنيت فوق ف انتظار العملاء. شربت قهوة ونسكافيه ببلاش وكان معايا اللابتوب طحنت الفيس بوك وانا قاعد لحد م زهقت. نزلت اتفرجت عالبي إم دبليو ف المعرض اللي تحت الفئة الخامسة الجديدة اللي هي 528i وطبعا طبعا طبعا اتوهمت وحسيت إني باصغر .. باصغر .. باصغر قدام حلاوة وفخامة شكل العربية. وطبعا محدش يسألني عن الكاوتش اللي فرقع أول م نزلت مالعربية وسيبتها ومشيت. مليش علاقة بالموضوع ده خالص.

الساعة 3:30 إتصلوا بيا وقالولي العربية بتتغسل, ونزلت دفعت الفاتورة واستلمت العربية بعديها ع البوابة وسط جو كله ابتسامات وناس كلها ذوق وملهاش هم غير راحتك. حاجة ف منتهي الشياكة بصراحة.

تم عمل الملاحظات اللي قولتلهم عليها, والعربية وانا ومراتي اللي كانت معايا حاسين إننا مبسوطيييييييييييييييييين.

المشاركة الأصلية كتبت بواسطة skoda1996

1000000000 مبروك و عقبال المليون كيلو

الله يبارك فيك, وعقبالك م تغير للباسات ان شاء الله مش بولو بس.
شكرا لمرورك.

المشاركة الأصلية كتبت بواسطة khaledazizeg

الف الف مبروك وربنا يباركلك فيها وربنا يعطيك خيرها ويكفيك شرها

الله يبارك فيك يا خلود
سؤال بقي ع الماشي, هو انا أعرف منين إن التجهيزات الخلفية للسماعات واصلها التوصيلات بتاعتها ولا لأ. بمعني هل لو كانت متوصلة يبقي كده ممكن اركب السماعات سواء ف الضهر أو في البابين اللي ورا عند أي حد مش شرط ف التوكيل.

المشاركة الأصلية كتبت بواسطة sorsar2004

اعتقد ان الباب الخلفي هيحتاج سلك عشان يمتد للسماعات الامامية ... و لو ركبت ورا السماعات فعلن و التويتر كمان الصوت هيحلو اوي و الصوت هيتوزع في العربية احسن بكتير .. بس التوكيل سألت السماعة الواحدة 70 جنية باين و التويتر الواحد 60 جنية .. التويتر علي فكرة والله فارق في الصوت جدأً ... بس ف من الممكن اصلاً تجيب اي سماعات و التوكيل يركبلك.. او العكس .. و مفيش قلق من الضمان لأن انا ركبت سماعات في الشنطة و ال جي أم مكبر الصوت كمان .. و مكنش في مشكلة ف حاجة الحمدلله ... اي سؤال تاني هاا ؟؟ ... اهم حاجة كمان تكون عملت bass علي +7 و ال treble علي 7+ برضو من الاوبشن

يعني انت متأكد إنك ركبت سماعات ف الشنطة ومحدش قاللك ده بيخرج الكاسيت من الضمان ولا حاجة؟ وهل كان واصلهم أسلاك ولا دي حاجة انت زودتها مع نفسك؟

موضوع ال bass وال treble علي 7 ده أنا مش عارف اجيبه منين, يا ريت تقوللي لحسن صاحبك جاهل حبتين.