الموضوع: علشان واثق في البريليانس ... إشتريت الـ Fsv

المشاركة الأصلية كتبت بواسطة zemanovaxxx

مش عارف ليه حاسس إن شنطة ال fsv أكبر من شنطة اللوجان, وعلي العموم هي شنطة الfsv بالظبط 470 لتر, لو حد يعرف شنطة اللوجان كام يقولنا. وزي م انت قولت السحب عادي لحد 3000 أر بي إم, ومستني أعدي أول ألف عشان اختبر موتور العربية بشكل أفضل.

شكرا ليك كتير مصطفي باشا, إنت اللي شيك والله

شنطة اللوجان 520 لتر
اكبر شنطة فى فئتها على الاطلاق والوسع الداخلى انا مشفتش عربيه فى وسع اللوجان
على فكره انا مره اجرت عربيه بريليانس هاتش باك مش عارف اذا كانت دية بتاعتك ولا انت السيدان بس بالامانه انا مسوقتش عربيه بالحلاوه دي ركوبه صح فعلا ثبات ونعوميه ومنظر شيك جدا سواء داخلى او خارجى ولكن ماسترتهاش لثلاث اسباب

اولا انا عندى عقدة الصينى
ثانيا سعرها اغلى من امكانياتى انا كان اخرى عربيه ب 65000
ثالثا سمعت ان قطع غيارها نار والكلام ده من صاحبها اللى اجرتها منه والله اعلم هو صح ولا غلط
لكن هى اختيار موفق ان شاء الله وكفايه ان العلامه بتاعتها شبه العربيه المازيراتى الايطالى

حاجه اخيره بقى ايه رايك نعمل بدل وربنا يباركلك فيها يارب

المشاركة الأصلية كتبت بواسطة khaled_Saga

تسلم يا غالى -- مش هتجيب لفة بقى بالعربية ;)

خالد باشا, العربية وصاحب العربية تحت أمرك ف أي وقت
ومين عارف يمكن نتقابل في يوم, وساعتها اللفة يبقوا اتنين عشان خاطرك
وبالمناسبة مش كان في ميعاد مقابلة لأعضاء قسم البريليانس قريب ؟؟ محدش عارف حاجة؟

المشاركة الأصلية كتبت بواسطة moustafa_saad

شنطة اللوجان 520 لتر
اكبر شنطة فى فئتها على الاطلاق والوسع الداخلى انا مشفتش عربيه فى وسع اللوجان
على فكره انا مره اجرت عربيه بريليانس هاتش باك مش عارف اذا كانت دية بتاعتك ولا انت السيدان بس بالامانه انا مسوقتش عربيه بالحلاوه دي ركوبه صح فعلا ثبات ونعوميه ومنظر شيك جدا سواء داخلى او خارجى ولكن ماسترتهاش لثلاث اسباب

اولا انا عندى عقدة الصينى
ثانيا سعرها اغلى من امكانياتى انا كان اخرى عربيه ب 65000
ثالثا سمعت ان قطع غيارها نار والكلام ده من صاحبها اللى اجرتها منه والله اعلم هو صح ولا غلط
لكن هى اختيار موفق ان شاء الله وكفايه ان العلامه بتاعتها شبه العربيه المازيراتى الايطالى

حاجه اخيره بقى ايه رايك نعمل بدل وربنا يباركلك فيها يارب

لأ يبقي كده اللوجان تكسب البريليانس من ناحية الوسع والصالون من جوه
موضوع قطع الغيار أنا عارف إن أسعارها فوق المتوسط عند التوكيل وبيقولوا في ناس بره التوكيل بتبيع أرخص, لكن الموضوع كله مش شاغلني أوي عشان أنا راجل غني ومعايا فلوس كتير
بالنسبة لموضوع البدل, إنسي. أو ممكن ندخل Drag Race مع بعض ولو كسبتني ساعتها ممكن أرضي باللوجان.

المشاركة الأصلية كتبت بواسطة mohammedbayoumi

الف الف مبروك عليك ..... ربنا يباركلك فيها يارب وكفيك شرها
وياريت حضرتك تعمل تقرير مصور في اقرب فرصة لاني بصراحة متابع العربية دية بقالي فترة
وبفكر اغير النوبيرا اللي معايا واجيبها ... فيا ريت تكون انت السبب في كدة دة لو كان فيها خير ان شاء الله.

الصور إن شاء الله جايه ف السكة يا جماعة, وللمعلومة العضو akramesg كان عامل موضوع فيه صور العربية وهي بالمناسبة نفس لون وشكل عربيتي. بس أنا برضه هارفع بعض الصور عشان الناس تنبسط.

سؤال بقه موجه لملاك ال fsv وياريت ياريت محدش يضحك عليا, أوكاي؟

أنا لحد دلوقتي مش عارف أشغل النور العالي اللي هو ال High Beam, أنا الذراع الخاص بالنور عندي اللي هو شمال الدركسيون فيه كذا درجة طبعا كلنا عارفينهم:
1 - أول لفة بتنورلك الأنوار بتاعة التابلوه والفوانيس الأمامية والخلفية للعربية
2 - تاني لفة بتزودلك علي اللي فات النور الواطي بتاع الفوانيس الأمامية للعربية اللي هو إسمه ال Low Beam
3 - المفروض فيه بأه درجة تالتة للنور العالي اللي هو ال High Beam ودي عادة بتحصل لما الدراع كله ترجعة لورا, يقوم ينورلك لمبة زرقا في التابلوه, ودي بأه مش باعرف أجيبها خالص عشان الدراع مش بيرجع عندي أصلا.
هو أنا عندي كده حاجة غلط ولا إيه ؟, مع العلم إن النور اللي بتقلب بيه للي قدامك شغال عندي زي الفل (اللي هو النور الرعاش) بس ده طبعا بيطفي أول لما تشيل إيدك والدراع يرجع مكانه.

أرجو الإفادة.

هو ايه Drag Race ده
وبالنسبه لدراع النور جرب تحركه لقدام او ورا

المشاركة الأصلية كتبت بواسطة midh91

ههههههه بتفكرني بواحد اعرفه الي هو انا
كنت بفضل الف في الدراع في كل حتة لغاية ما اخويا يتصرف ههههه
عموما هو انت بتلف البكرة لغاية ما تولع النور وبعدين تسحب الدراع نحيتك شوية هتلاقي النور العالي ولع (هيشتغل مش هيولع نار هههههههه ) .........

يا باشا م هو لما بتجيب الدراع ناحيتك مبيثبتش, علشان دي المفروض الدرجة اللي بتقلب بيها بس للي قدامك.
لكن المفروض في درجة بتخلي النور العالي شغال علي طول حتي بعد م تسيب الدراع خالص
ولا انت قصدك إيه؟