معلش كان ليا شوية استفسارات بخصوص الانوس 2
معايا عربية لانوس 2 موديل 2005 انا استلمتها وكانت ماشية 114000 وحاليا العربية عاملة 125000
اهم استفسار عندى بخصوص الفرامل.العربية فراملها خفيفة جدا وبتزحف على السرعات العالية وكانت هتتسبب فى كذا حادثة على الطريق الساحلى

فكنت عاوز اعرف هل فعلا العربية فراملها ضعيفة..وهل فيه وسيلة غير موضوع تعديل الفرامل دة لان العربية عربية شغل و عشان اعمل فيها حاجة لازم عن طرية التوكيل و بفواتير...واول ما استملت العربية غيرت طقم تيل امامى و خلفى و ماستر الفرامل و للاسف برضه الفرامل زى الزفت والموضوع دة مضايقنى جدا لان كل سفرياتى بيها و اى موقف مفاجئ العربية بتزحف و مش بتمسك فرامل ابدا..والوضوع دة مش مرتبط بالسرعة لانى جربت اسوق بسرعة 110-120 وبرضه مفيش اى فرق ....والنهاردة الموضوع دة ضايقنى جدا لانى كنت على طريق الساحل الشمالى فى اتجاه مرسي مطروح وعربية قطعت قدامى الطريق ولما مسكت فرامل العربية عومت وزحفت مدة لحد ما وقفت وكانت هتتسبب فى دخولى فى الحاجز الخرسانى الفاصل بين الاتجاهين لكن ربنا ستر

فهل فعلا الانوس لازم يتم تغيير مقاس الجنوط و الكاوتش و الديسك و التيل لانى شوفت كذا موضوع عن تعديل الفرامل عشان تتحسن..ولا ممكن طرق تانية لتحسن اداء الفرامل
وشكرا