تحذير هام - بلغ أمك و زوجتك و أختك و أي حد

**أحمد كمال** · 24-03-2011 01:21 PM

السلام عليكم

اتصلت بي زوجتي الآن و أبلغتني بمحاولة فاشلة و الحمد لله لدخول الشقة من غريب

خبط على الباب و قال لها انه تبع شركة الكهرباء و لازم يدخل يشوف حاجة في العداد ....

الكوميديا السوداء ان العداد عندي برة الشقة أصلا (وش العداد برة في صندوق بشباك قزاز يعني الكشاف مش محتاج يخش الشقة أساسا)

قالت له – من غير ما تفتح الباب – ان العداد برة

قال لها لأ ماهو فيه بيانات على ضهر العداد (أصلا ضهر العداد مش ظاهر جوة الشقة!)

و شوية و قال أصل الالكتروني بايظ (و احنا عدادنا مش اليكتروني أصلا) و محتاج أدخل أخد القراية

و في الاخر قالت له انزل هات البواب و تعالى ...... خاف و مشي و قال انا اسف افتكرتكم الشقة اللي قدامكم (أي هبل .... و اللي قدامنا برضه عداده برة !!)

الخلاصة :

برجاء التنبيه على أهل بيتكم بعدم دخول أي شخص مهما كان ...... و حتى لو عداد الكهرباء أو الغاز أو المياه بالداخل, ممكن تنقل البيانات بنفسك و تمليها للكشاف من ورا الباب أو حتى تديهاله في ورقة .... أو تعلق ورقة على الحائط خارج الشقة بقراءات العدادات منعا لأي مشاكل في الظروف الحالية .....

و ربنا يسترها علينا جميعاً

**aliabutaleb** · 24-03-2011 01:27 PM

جزاك الله خيراً
وربنا يسترها معانا جميعاً

**Dojuar** · 24-03-2011 01:30 PM

شكرا على التحذير يا أخ أحمد

واللي يقدر يركب باب حديد قصاد باب الشقة يعملو

**smsm_cato** · 24-03-2011 01:31 PM

شكرا للتنبية بس انا من زمان من يوم متجوزت وانا منبه على مراتى متفتحش لاى حد مهما كان وانا مش موجود ومتبينش للبرة فى كلامها انها لوحدها فى البيت ومحصل الكهرباء والغاز معروفين عندنا وبيضرب الجرس من تحت وحد ينزلة الفلوس والقراية الجديدة والحمد لله فى ثقة بينا وبين المحصل فى القراية وهما عارفين انا الست غلط تفتحلة يقرا وهيا لوحدها فى البيت