الموضوع دة لسة كنت بتكلم فيه من يومين
احنا كلنا اكيد اتعرضنا فى مدارسنا لمواقف مشابهة ويمكن اسواء من كدة
انا شايف ان العيب فى المنظومة التعليمية باكملها
ودى مش محتاجة سنة او اتنين علشان تتصلح
مدرسة علوم فى مدرسة اعدادى بتقسملى بالله ان عندها اولاد طالعين من ابتائى مابيعرفوش يكتبوا حتى اسمهم!!!!!!!!!!!
قمة الانحدار والتخلف طبعا
يبقى احنا لازم ناخد المنظومة دى جزء جزء ونحاول نطورة ونميه
اول حاجة مجانية التعليم
دلوقت انا شايف ان الدروس الخصوصية بتستنزف موارد الاسرة
الاباء بيقطعوا من لحمهم علشان يعلمو الاولاد
المتوسط اللى بيدفعوه فى السنة للدروس الخصوصية مش اقل من 10000 ج
احنا ناخد 3 بس من كل ولى امر كل سنة
يتوزعوا على العملية التعليمية بشكل صحيح
خدمات-مرتبات-كتب-مناهج-معامل-الخ.............
+باص يوصلوا ويجيبوا من البيت للمدرسة
المدرسة هاتخد من 8 ص ل 3 م
الطالب يعمل كل حاجة
يلعب-يذاكر-يفهم-يعمل الواجبات-كل حاجة بيعملها طول اليوم
يروح على االبيت ماوراهوش اى حاجة غير شووية ترفيه وينام
التعليم الاساسى يكون ضامم الابتدائى والاعدادى مع بعض
والثانوى حسب الاختيار سواء عام او صناعى اللى للاسف بئى كخة ووحش وياي والناس قرفانة منه مع ان هو ر تقدم الدول زى الصين- الهند -وغيرها كتييييييير جدا
تجريم الدروس الخصوصية ووضع عقوبات رادعة
ليه؟
علشان المدرس هايتعامل باحترام زيه زى بقيت الوظايف المحترمة فى الدولة والمرتب يبقى اضعاف اللى بياخدوه دلوقتى اللى هوة اول تعيين 85 ج والرقم دة انا متاكدة منه
المدرس زمان كان ليه هيبة ووقار واحترام للاسف وانا فى ثانوى كانت المدرسين بتتضرب وتتهزق وكل حاجة تخطر على بالكوا
المدرس لازم يبقى ليه كرامة وثقة بالنفس علشان يزرعها فى فلب الطلبة
لازم يبقى فيه بعثات للمتفوقين فى جميع انحاء العالم
فى اوروبا لما بيعلموهم لغة مش بيجيبولهم مس انشراح!!!
لا بيودوهم البلد اللى عايزين يعلموهم لغاتها زى انجلترا -فرنسا الخ............
لاليه احنا مانبقاش كدة
ماحدش يقوللى بقى مجانية التعليم والمواضيع دى
الناس كلها كانت بتدفع غصب عنها
ايه المشكلة لما يدفعوا اقل من التثلت وياخدوا تعليم احسن الف مرة من اللى كان بيحصل فى الفترة اللى فاتت
فى طرق كتييييييييييييييييييييييي ييير جدا
بس احنا نبدا صح
واسف على الاطالة