تغير سير الكاتينه

**ENG\AHMED** · 14-06-2008 05:59 PM

المشاركة الأصلية كتبت بواسطة Moustafa Al-mansy

يا محمد باشا ألف مبروك...........................

بس أنا أعتقد ان الشغل اللي انت عملتة دم مش محتاج للتوكيل............

هو طبعا التوكيل اضمن و كل حاجة بس اللي أعرفة ان الحاجة اللي بتتعمل برة بجنية بتتعمل عندة ب 3 او 4 جنية..........

و بتهيألي بردة ان برة في صنايعية كويسة دة أكيد.........وما أعتقدش ان التوكيل بيستورد فبيين من برة ولا ايةز

منتظر اسمع رأيك في الكلام دة.............

أنا طبعا مش بشكك في خبرتك..........بس دة مجرد رأي

أنا بسمع بردة ان الواحد ممكن يجيب قطع الغيار من برة و يركبها في التوكيل.........هل الكلام دة صحيح

تجيب من برة وتركب فى التوكيل انسى مفيش توكيل بيعمل كدة
فى التوكيل هتدفع اكتر بس هتريح دماغك , قطع الغيار اغلى بس مضمونة مش هتروح تشترى قطع غيار من برة وغالية ومش مضمونة , المصنعية اغلى بس لو عندك اى مشكلة هترجعلة تانى الصنايعية برة هيقولك اصل قطع الغيار مضروبة وروح لبتاع قطع الغيار هيقولك الصنايعيى الغبى هو اللى معرفش يركب ولما تحسبها هيطلع التوكيل فى الاخر اريح
واحد صاحبى كان معاة كيا علشان يغير بلية عجل تمنها 60 جنية دفع على عجلة واحدة اكتر من 500 جنية علشان نفس القصة , شوف بقى لو الموضوع دة حصل فى الاوبل هتدفع كام !!!

**Ahmad Allawy** · 14-06-2008 06:01 PM

والله يا جماعه الموضوع وجهات نظر..
وفي حاجات انا شايفها ممكن تتعمل برة و حاجات متنفعش..
او بمعني تاني هتبقي فيها مخاطرة و لازم تبقي واثق ف اللي هيعملها قوي..

**ENG\AHMED** · 14-06-2008 06:07 PM

المشاركة الأصلية كتبت بواسطة Ahmad Allawy

والله يا جماعه الموضوع وجهات نظر..
وفي حاجات انا شايفها ممكن تتعمل برة و حاجات متنفعش..
او بمعني تاني هتبقي فيها مخاطرة و لازم تبقي واثق ف اللي هيعملها قوي..

كلامك مظبوط انا شخصيا قطع الغيار والصيانة فى التوكيل بس ساعات لو حاجة مش تقيلة بجيب قطع الغيار من التوكيل وممك اركبها انا (بوجيهات , فلتر هوا ,الحاجات اللى مفهاش عك كتير ) او اركبها عند ميكانيكى برة بتاع اوبل (دى عملتها فى المساعدين بس) وواقف على ايدة شايف بيعمل اية
بس عموما قطع الغيار توكيل بس

**Moustafa Al-mansy** · 14-06-2008 08:21 PM

والله يا جماعة بصراحة انا ما تعاملتش مع التوكيل غير مرة واحدة بس و كنت بعمل كشف عام علي العربية...........المهم انو طلع لستة طويلة عريضة ولم جينا نحسبها تقريبا و مبدأيا عملي حواي 15 ألف جنية......... دم من غير المكنة ولا البودي..........

بس أنا أذكر بردة ان من الحاجات اللي طلعا بوش في علبة الدركسيون.............و قالي ان سعرها يتراوح من 2000 - 5000 جنية....... روحت لواحد بص علي البوش دة و في الأخر طلع حاجة عايزة تتلحم في عامود الدريكسيون.......

علي فكرة انا خبرتي مش كبيرة بس بصراحة العربية اللي انا اشترتها دي علمتني حاجات كتيييييييير جدا في فترة قصيرة........

بس اللي أنا عايز أقولة ان مش اي حد تشتري منة قطع غيار و لا أي صنايعي تروح لة.......

**Ahmad Allawy** · 14-06-2008 09:09 PM

في التوكيل بيتعاملوا بمبدأ في حاجة بايظة او مش شغالة كويس شبل و غير..
مش بيصلحوا حاجة..
وبيني و بينك ده الصح..
بس اوقات كتير الواحد ماديا مش بيبقي مستعد لكده.. و بيلجأ لأنه يلصم الحاجة عشان تقعد مده اطول..
و كلام التوكيل انت بتاخه و تمشي معاه واحدة واحدة.. بيعرفك العربية فيها ايه..
و من غير الكلام ده كنت هتدبس في العربية اكتر.. يعني كان هيطلع معاك حاجات انت مش عارف سببها ايه.. علي الاقل انت دلوقتي عارف لما عيب يحصل انه التوكيل كان منبه عليك قبل كده انه موجود او هيبان قريب..

اما بالنسبة لموضوع قع الغيار و الاصلاح..
طبعا مش اي حد..
الواحد مش بيتعامل غير مع حد محترم و ليه مصداقية .. و مش نصاب في قطع الغيار..
و علي فكرة.. معروفين بالاسم.. و برضه النصابين او اللي مش تمام معروفين..
و اللي بيصلح بقي ده كمان مهم.. و لازم يكون متخصص..
والحمد لله برضه دول موجودين و معروفين بلاسم حاليا..
و هنا هتلاقي ناس كتير تفيدك في الموضوع ده باذن الله..

**M.Mokhtar** · 14-06-2008 10:27 PM

المشاركة الأصلية كتبت بواسطة Moustafa Al-mansy

يا محمد باشا ألف مبروك...........................

بس أنا أعتقد ان الشغل اللي انت عملتة دم مش محتاج للتوكيل............

هو طبعا التوكيل اضمن و كل حاجة بس اللي أعرفة ان الحاجة اللي بتتعمل برة بجنية بتتعمل عندة ب 3 او 4 جنية..........

و بتهيألي بردة ان برة في صنايعية كويسة دة أكيد.........وما أعتقدش ان التوكيل بيستورد فبيين من برة ولا ايةز

منتظر اسمع رأيك في الكلام دة.............

أنا طبعا مش بشكك في خبرتك..........بس دة مجرد رأي

أنا بسمع بردة ان الواحد ممكن يجيب قطع الغيار من برة و يركبها في التوكيل.........هل الكلام دة صحيح

اسف على التأخير بس رجاله اوبل قاموا بالواجب

ممكن تجيب قطع الغيار من بره وتروح تركبها فى مركز صيانه معتمد لكن فى التوكيل(منصور) ما اعتقدش
انا بسمع ان مقار بيركب قطع غيار من بره
ونسأل فى الموضوع ده اخونا abdelaziz-waleed اكتر واحد اتعامل مع مقار

**ahmedmaklad** · 15-06-2008 07:14 PM

انا جيت متاخر زي كل مرة
بصراحة انا مع علاوي مش كل حاجة اعملها في التوكيل انا رحت التوكيل مرتين رحت منصور اللي في الهرم طلعلي حاجات في العربية مش موجودة و حاجات موجودة ماقالش حاجة عليها كان عندي الطنابير ضايعه و حاجات تانية كدة و رحت عملتها عند واحد في الحرفيين و غيرت سير الكاتينة و فلاتر و الطنابير و كان شغله حلو جدا و على فكرة انا جربت مقار كمان و رحت بس كتبت عنه في الموضوع ده
http://www.nilemotors.net/Nile/showt...t=21222&page=4

انا مقتنع بحاجة التوكيل في حاجات زياده جدا ضرايب و زيادات و حاجات تانية و الموجود برده صنايعية زيهم زي بره مش ناس المان يعني و بعدين انا مش هاروح لاي حد بره انا بروح لواحد شغال في الاوبل او الالماني فبيكون حافظ العربية و في ناس كتيرة في الحرفيين كده ز ناس كتييييير من الحرفيين يا شغالين في التوكيل يا اما كانوا شغالين في التوكيل

**abdelaziz-waleed** · 16-06-2008 08:41 PM

بالنسبة لقطع الغيار
مقار بيقبل اي قطع غيار من بره سواء جديدة او استيراد وبيركبها وبياخد مجرد مصنعية فقط وعلى فكرة ممكن قبل ما تدفع الفاتورة تطلب منهم يعملولك خصم وتاخد 10% خصم على المصنعيات. هما مش كتير بس لو المصنعيات 1000 جنيه مثلا هاتاخد خصم 100 جنيه انت اولى بيهم اهو تمن تفويلة

انا الاول كنت بتعامل مع مهندس في التوكيل عنده ضمير اوي اسمه كمال الصياد بس للأسف سافر قطر ومن بعدها مش مرتاح معاهم تماما حاسس انهم بقو بيعملو شغل وخلاص

للأسف الناس اللي عندها ضمير بقوا عملة صعبة جدا اليومين دول. بيبصوا للي معاه عربية انه عنده بحر فلوس. حاجة تغيظ بجد