اخوانى الكرام اية انسب زيت لعربيتى 128 موديل 91 حالة الموتور جيدة والحمد لله وشكرا ليكم
عرض للطباعة
اخوانى الكرام اية انسب زيت لعربيتى 128 موديل 91 حالة الموتور جيدة والحمد لله وشكرا ليكم
انا عربيتي نيو اكسنت 2006 لسه مشتريها والي كان قبلي كان بيحط (xhp) وانا عاوز احط زيت 10000 كلم
انهي زيت مناسب لعربيتي و يكون سعره حنين ؟؟؟؟؟؟؟
الاستاذ شريف الغالي
انقل اليك تجربتي مع زيت bp الخطير ذو السعر المناسب .... فانا استعمل زيت فيسكو bp 2000 وهو يستمر ل 5000 كيلو كاملين بدون اي مشاكل مع السيارة واذا اردت استخدام زيت اعلي يمكنك استخدام زيت 3000 وهو يستمر ل 10.000 كيلو ، جرب هذا الزيت ولن تندم وسوف تدعو لي ، وهو موجود في بنزينات كارجاس الوكيل بتاعه ثمن جركن الزيت ال2000 79 جنيه فقط ... وثمن جركن الزيت 3000 حوالي 120 جنيه
واذا اردت اقوي زيت عندهم هو فيسكو 5000 ويستمر حتي 20.000 او 25.000 كيلو وسعره حوالي 210 جنيه
ولكن انا عن نفسي بفضل استخدم ال2000 اللي بيقعد 5000 كيلو وانزله واغير الفلتر كل غيارين محافظة علي الموتور
لاي استفسارات اخري كلمني رقمي 0100499485
عصام شعبان
ممكن تجرب زيت فيسكو كارجاس اسمه موتور اويل وثمنه حوالي 46 جنيه وبيقعد 3000 كيلو او تجيب الاعلي منه فيسكو2000 وثمنه 79 جنيه وبيقعد 5000 كيلو
زيت محترم جدا جدا نعومة في الموتور ولزوجة عالية جدا وسوف تحس بالفارق من اول دوارة الموتور ...و علي فكرة انا بكلمك وانا مجرب الزيت ده بقالي سنتين دلوقتي ومبسوط من اداؤه جدا
وهتدعي لي ولاي استفسارت موبيلي 0100499485
عصام شعبان
السلام عليكم.. باختصار ومن وجهة نظر علمية وتطبيقية لا يجب أن نتعامل فقط من الجانب النظري والإعلاني في استخدامنا لزيوت المحركات.. فمثلا زيت سيارة 10000كم قامت معامل الاختبار بتعريضه لاجهادات فيزيائية وكيميائية وحرارية تعادل ما يتعرض له إذا تم تشغيله في سيارة قطعت مسافة 10000كم.. أما في بلدنا الحبيبة فسيارتك تقطع مسافة 4000كم ويكون الاجهاد الواقع على الزيت يعادل ما وقع لسيارة في أوربا مثلا سارت 10000كم وذلك للزحام الشديد جدا والذي فيه يكون محرك سيارتك يعمل في جو حار في شهر أغسطس ومع التراب والعوادم المحيطة بالاضافة إلى تشغيل التكييف والمطبات.. قد تلاحظ بنفسك أنك مثلا في الشتاء تغير زيت سيارتك بعد 10000كم وتجد أن حالته متوسطة وكان استخدامك طرق مفتوحة وفلاتر السيارة جديدة، وبنفس السيارة تفوم بتغييره عند 8000كم في الصيف والزيت حالته سيئة.. لذا أنصح بالاعتماد الأهم على ثلاث كواشف هي: - درجة لزوجة الزيت -لون الزيت - مستوى (منسوب الزيت)، وكل هذا تقوم بمعرفته بنفسك بواسطة عصا قياس الزيت بالمحرك الموجودة في جميع السيارات. ولكم أن تعرفوا أن زيوت موبيل 1 قد تتحمل اجهادات عمل محرك تصل إلى 20000كم وهذا مدون في وثائق اختبارية تمت بواسطة شركة موبيل. فحالة سيارتك ونوع الوقود المستخدم وظروف القيادة والطقس عوامل هامة يجب أن نتداركها. وشكرا
استخدمت ايسو 1000 كان محترم جدا و كان ب 60 جنيه تقريبا
و حاليا بجرب الامارات حلو برضوا لحد دلوقتي و كان ب 48 جنيه
و المره القادمه ان شاء الله هجرب شل الاحمر
انا 128 موديل 90
استخدمت ايسو 1000 كان حلو
و حاليا بستخدم الامارات مخلي صوت المكنه حلو و السحب ممتاز برضوا و سعره 48 جنيه
و ممكن تستخدم شل الاحمر بس مش عارف عامل كام
سمعت انه ممتاز برضوا بس تقريبا غالي شويه
و ممكن تستعل التعاون
عموما نصيحه
جرب انت بنفسك كل زيت اما اسو او شيل او الامارات او التعاون و احكم انت بنفسك اني واحد كان الافضل
يعني بعد اما تغير اكتب في ورقه مثلا حسيت بأيه بعد تغيير الزيت و ملاحظات و كده هتحتاج وقت شويه بس مش هتحتار تاني :)
الاعضاء المحترمين خبراء المواتير والزيوت
عربيتي تويوتا كورولا 1993 1300 سي سي معايا من شهرين تقريبا اول ما اخدتها كانت بتغير زيت موبيل xhp super وكان الزيت محروق شوية وبيطلع دخان من الشكمان وناقص شوية (واضح انه لم يتغير من فترة طويلة)وحتي وانا بكشف ع الموتور فني البنزينة لم يقيسه وافتكر ان الموتور محتاج عمره مع انه سحبه ممتاز وصوته هادي جدا ومعملش اي حاجة عمرة تقيله فيه ممكن يكون جوانات بس او شغل خفيف جدا وصيانته بالتوكيل وعامل 189 الف كيلو ومفيش اي اصوات تخبيط او اثار زيت بقربة المياه او .....
المهم غيرت لزيت توتال كوارتز 3000 والفلتر الزيت الياباني الاصلي تويوتا ولقيت صوت الموتور تحسن ونعومته زادت واتضبط هل هذا التغيير مضبوط في حالة موتور استهلك او كفائته قلت وبماذا تنصحوني هل اقيس كبس الموتور واحدد اتعامل معاه ازاي (رحت لميكانيكي كويس وقال يمشي مش محتاج اي شنبر او عمرات)ولا اخلط زيت احادي مع توتال 3000 ولا ابقي اغير المرة الجايه توتال كوارتز 5000 درجة وهل لزوجته اعلي من التوتال ال 3000 ويفيد اكثر وهل ينفع التغيير من توتال 3000 الي توتال كوارتز 5000 بدون تغيير فلتر الزيت لاني لقيت الفلتر الاصلي بصعوبة.
مع خالص الشكر والتقدير وجزاكم الله خيرا
اشتغل على الزيت اللى انت حطيته وتابعه كويس من حيث النقصان واللزوجة
لو نقص يبقى تشوف الاول هل فيه ترشيح فى الموتور ولا لأ
لو مافيش ترشيح يبقى تروح لميكانيكى بيفهم كويس وهو يشوف عايز طقم شنبر او عمرة ولا لأ
اما لو مانقصش او نقص حاجة بسيطة خالص يبقى خليك فى الزيت اللى انت حطيته طالما مريحك وشغال معاك كويس
اما لو عايز زيت تانى فممكن تبص على شل الاحمر وده بيقعد 3000 كيلو ب 65 جنيه
السلام عليكم
عربيتي اكسيل 1500 مو 95
ايه الزيت المناسب للموتور والفتيس المانيوال
ولكم جزيل الشكر