الموضوع: ياترى نشترى زيت نوعه ايه!!!!!!!!!!!!!!!!!!!!

شكرا

المشاركة الأصلية كتبت بواسطة gomangy

انا عربيتي اكسنت 1300 عاملة 219 الف كيلو بحط شيل الاحمر وبغيره علي الف كيلو ياريت تنصحوني بايه لاني بغير تقريبا من 2:3 مرات في الشهر لان مشاويري كتير ولما بقرص عالعربيه في الجري مع التكييف ممكن الاقيها بتنقص حوالي ربع كيلو زيت مع العلم مفيش اي ترشيح زيت او اي دخان من الشكمان وشكر واسف عالاطالة

فى التعاون سوبرستان دةالف كيلو برضو وتقيل جدا ونسبة بخرة قليلة عن تجربة
الجركن ب48 جنية

سلام عليكم المنتدي جميل جدا جدا وانا الحقيقية محتاج نصيحة من كل الخبراء انا عربيتي قديمة بس حلوة الحمدالله مش هاقولكم هي اية لحسن تضحكوا علي ولا تقفشوني (ههههههههههه) المهم انا حاليا بحط زيت التعاون الجركن الازرق اللي بيعمل 3000 ك وهو بقي ب 68 جنية وانا نفسي اغير للشل لاني اسمع انة كويس جدا للمواتير القديمة وانا استعملتة فترة انما للاسف لما غلي بقي انا كنت بستعمل شيل الجركن الابيض كان بيعمل 1500 ك المهم الوان الجراكن اتغيرت دلوقتي علي ما اعتقد انا عاوز لون الجركن الللي بيعمل في الشيل ال 3000 ك وبكام وهل من الاضمن شرائة من محطات شيل فقط ولا ممكن شرائة من محلات بيع زيوت مضمونة لاني المكان اللي انا فية مش فية محطة شيل لاني اخر مرة كنت قريب من محطة شيل وهي بالمناسبة كانت شيل اللي في مصر الجديدة اللي في شارع دمشق سالت عن الزيت الشيل بتاع ال 3000 ك قالوا انة الجركن الاحمر ومش فاكر قالولي بكام ولكن كان تحت ال 100 جنية وقالي ان الجركن الاصفر دا بيعمل 5000 ك وب 116 جنية انا مش محتاج ال 5000 انا افضل ال 3000 لاني حركتي بالعربية مناسبة لل 3000 وطبعا مناسب لجيبي وهو طبعا زيت معدني فارجو منكم اجابتي وارشادي ولكم جزيل الشكر والعرفان
تحياتي
نافيجيتور

ماحدش جاوبني لية يجماعة المهم لاقيت النهاردة محل زيوت كبير بيبيع الشيل في المكان اللي انا فية او بمعني اصح توكيل للشل كمان وعرفت ان الجركن الاصفر هو اللي بيعمل 3000 كيلو وقالي انة ب 105 جنية طبعا زيي ماقلتلكوا قبل كدا اني بستمل حاليا ومن فترة زيت التعاون الجركن الازرق اللي بردوا بيعمل 3000 ك وتمنة 68 ديا اخر مرة جبتة من اقل من شهر وانا ممكن اعمل التلات تلاف كيلو دول في اربع شهور او خمسة علي حسب ونفسي اغير للشل وممكن الواحد يستحمل الفرق النقدي دا ولكن الراجل اللي واقف في التوكيل قالي حاجة غريبة جدا قالي ان الشيل الجركن الاصفر دا علي علي العربية بتاعتي انا عربيتي عمرها اكتر من 20 سنة ولكن الحمد الله الواحد بيحاول يحافظ عليها لحد ما ربنا يرزق بعربية جديدة انا مش عارف يقصد اية بعالي دي وانا حتي سالتة وقولتلة مش هاينفع قالي لا خد ال 1500 ك ولكن انا قولتلة انا بحط ال 3000 من فترة ولكن عاوز اغير للشل ارجوكم الافادة والنصيحة والتعليق علي موضوع عالي دي للاهمية ولا هو مش فاهم منتظر ردكم للاهمية لاني واثق ان هنا في الكثير من الخبراء ولكم كل الشكر

انا اكيد شاكر اهتمام ورد حضرتك بس انا الحقيقة عاوز احط شيل ال 3000 ك وهل فية في الشل ال 3000 اكتر من نوع وانهوا ينفع للعربيات القديمة اللي عمرها فوق ال 20 عام بس حالة الموتر حلوة الحمدالله واية حكاية عالي علي العربية اللي انا كتبتها في المشاركة السابقة اللي قالهالي اللي واقف في توكيل بيع زويت شيل وهل هي حقيقية ام لا ارجوا الافادة وشاكر لحضرتك ولكل من سوف يرد ويسهم بخبرتة انا بحاول اعمل افضل حاجة في حدود الميزانية علشان العربية قديمة لحد ما ربنا يكرم بالجديد

سؤالين يا جماعه الخير

الاول عربيه سكودا موديل 84 بتستعمل زيت من بنزينه وطنيه "مش فاكر انهى واحد تقريبا الجركن الاصفر"

تنصحو بأيه يمشى على الزيت ده ولا يغير على نوع تانى و ايه النوع التانى

الثانى : عربيه فيرنا 2007 عامله 29 الف بتحط شيل هليكس الاصفر

معدل الاستعمال 500 كيلو فى الشهر تنصحو بتغير ل شل الازرق النص تخليقى او الترا التخليقى

ولا يفضل على هليكس سوير المعدنى