الموضوع: عايز مساعده في البريليانس fsv

المشاركة الأصلية كتبت بواسطة moustafa_saad

يبقى مميزات اللوجان
صالون واسع جدا وشنطه كبيره جدا مقارنا بالفئه بتاعتها ( اكبرهم على الاطلاق )
عاليه عن الارض
عربيه اوروبى ومعامل الامان فيها عالى واخده 3 نجوم من 5 فى اختبارات الامان الاوروبيه
منتشره جدا فى الخارج واوروبا خصوصا وهناك عمر العربيه الافتراضى 5 سنين يعنى اعتقد كمان سنتين تلاته حنلاقى قطع غيار الاستيراد ماليه الدنيا
توكيل كويس فى خدمة مابعد البيع والصيانه وبيفعل الضمان فعلا بناء على تجارب الاعضاء معاه ( مجربتهوش فى الموضوع ده )
انتشار رهيب فى مصرالان وموجوده تقريبا فى كل حته حتى عندنا فى دمنهور اللى عمرهم ماركبوا رينو بدات تنتشر
جنوط 15 بوصه وبطاريه جافه ودية ميوتين مهمين جدا ويزودا فى تمن العربيه فعلا ويفرقوا بينها كتير وبين الفيرنا واللانوس اللى بجنوط 13 وبطاريه سائله بتاكل الصاج والشاسيه اكل

العيوب

قطع غيار فيه ناس بتقول عليها انها رخيصه فى التوكيل بس انا شايف انها غاليه ( انا معرفشى اسعارقطع الغيارللبريليانس والاسبيرانزا فى التوكيل كام علشان تقارن بينهم وفى قسم اللوجان حتلاقى اسعار قطع الغيار والصيانه الدوريه وابحث فى موضوعاتى حتلاقينى كاتب موضوع عن الكلام ده فى قصة صيانه ال5 الاف)
خامات التابلوه من جوه مش عاجبانى بصراحه وشايف انها المفروض تكون احسن من كده
سحبها تقيل شويه عن العربيات الكورى يعنى لو انت غاوى شد وجرى ايعد عنها خالص احسن تزهق منها لكن بالنسبه لى مش مشكله رغم ان انا بجرى على فكره وباخد غرز بيها كمان على 120 بس مش غاوى شد مع حد وادخل فى منافسه معاه وااخد الموضوع على صدرى
بس خلاص

هههههههههه هتموت يا مصطفى وتقنع الراجل باللوجان ياخرابى عليك

بص يا سيدى العربية صناعة رومانى تقفيل مغربى (نص اوروبى ونص عربى) وطبعا عشان خاطر مصطفى حبيبى نمشيها اوروبى. رينو الفرنسية اخدتها من داتشيا الرومانية وحطت عليها علامة الرينو يعنى نفس قصة الشيفروليه مع الدايو لانوس كده

التوكيل هو الميكانيكيون العرب طبعا توكيل محترم ولكن نار ياحبيبى نار. زميلتى فى الشغل معاها رينو كليو غيرت طرمبة مية ودفعت 2200 جنيه وانا نفسى افهم ليه مش قادر!

طبعا قطع الغيار بتاعت بريليانس واسبرنزا بردو غالية بس معرفش ايه اخبارها مقارنة باللوجان بصراحة

الفيرنا والانوس عربيات جراية صحيح لكن خسارة فيها الفلوس لا شياكة ولا اوبشنز ولا عوامل امان انما قطع غيار وصيانة فى الرخيص اوى اوى

اللوجان فعلا زى البطة زى ما بيقولوا سحبها قليل والموضوع معتقدش موضوع شد وجرى مع حد انما بردو لازم تحس ان العربية بتتجاوب معاك كل ما تكبسلها بنزين

الوجان اشهد بوسعها ووسع شنطتها وعلوها عن الارض حاجة كده من الاخر مع طرق مصر اللذيذة

خامات اللوجان مش فاكر مدعبستش فيها اوى لما ركبتها بس مش طايق اماكن زراير الازاز والكلاكس وده سبب رئيسى مخلنيش افكر اشتريها

اى خدمة يا عم مصطفى قولت اللى ليها واللى عليها عشان متزعلش ;)

المشاركة الأصلية كتبت بواسطة moustafa_saad

على فكره التوكيل هو شركة eim لكن الميكانيكيون العرب ده موزع ومركز خدمه
واللوجان اقل من الكليو فى قطع الغيار

متدقش اوى يا سيدى فى كلمة ولا عشان انا جبت سيرة رومانيا ;)