العربية بتبطل لما ارفع رجلى من على دواسة البنزين بومة 1600

**m2ed** · 26-03-2011 12:50 AM

برجاء المساعدة من الخبراء

**m2ed** · 26-03-2011 12:54 AM

ملاحظة ان الـrpm لا يرتفع مع تشغيل التكييف أو التسخين

**amrelsaqqa** · 26-03-2011 01:19 AM

نضف حساس الايدل وشوف كدة

**l0new0lf** · 26-03-2011 01:30 AM

دى اعراض بلف الايدل بس الاول هنحل و ننضف مكان بلف الايدل و البوابه و جرب
بعد كده هنكشف على حساس البوابه
تحل خرطوم الهوا الى جاى من علبة فلتر الهوا و داخل على الثروتل و تبص على البوابه
و تخلى حد يوصل كهربا من الكونتاكت بس ميدورش مارش و انت باصص على البوابه
لو البوابه اتحركت يبقى تمام لو متحركتش يبقى مشكلة حساس ثروتل
نرجع لبلف الايدل, و ده الاسكانر ميبينش اذا كان شغال او بايظ لان ده بلف مش حساس, و بصراحه مش كل ميكانيكى او كهربائى بيعرف يكشف عليه
تكشف عليه ازاى؟
تفك الفيشه بتاعته و تحل البلف و بعد كده تركب فيه الفيشه تانى
و تخلى حد يوصل الكونتاكت كهربا بس ميدورش المارش
و فى نفس الوقت سيادتك ماسك البلف من البودى الخارجى و باصص عليه
المفروض لو شغال هتلاقى البلف اتحرك للامام و الخلف مسافة حركة المشوار بتاعته
لو ماتحركش يبقى بايظ
لو طلع العيب منه متدورش عليه عند بتوع قطع الغيار, عليك و على متسوبيشى (لو كان عندهم و رضيوا يدهولك, راجع مع الاستاذ طارق)
غير كده عليك و على الحرفيين هتجيبه فى حدود 250
الشغلانه دى مممكن تعملها بنفسك و هتحتاج مفك صليبه قصير جدا و تاخد منك 10 دقيقه بس خلى بالك ان فيه اولسيل راكب فى البلف و انت بتطلعه علشان ميضيعش منك و انت بتفكه
طيب لو طلع البلف شغال نعمل ايه؟
عليك و على حد كويس عنده سكانر