بيجو 405 بتبطل اول ما اشيل رجلى من على دواسة البنزين

**dev66** · 30-09-2011 09:56 AM

برجاء من الاخوة الاعضاء حد يساعدنى علشان العربية دى شلتنى
بيجو 405 glx موديل 2001
العربية هاف انجيكشن المشكلة دى ظهرت لوحدها
فى الاول ادور العربية وامشى بيها تمام اول ما اقرص عليها فى الغيار التانى بتبقى عايزة تبطل اول ما اشيل رجلى من على دواسة البنزين نور الكونتاك يرعش ولو سبتها تبطل لو دوست تانى تفضل دايرة وماشية عادى ( مع انى كنت بعمل كده ياما عمرها ما كانت بتبطل )
جبت اسبراى تنضيف كربراتير ونضفته وغيرت بوجيهات وغسلت موتور وكله تمام
اجرب تانى نفس الكلام بس اللى نيلها زيادة دلوقتى لو انا ماشى على اى سرعة وعلى اى غيار نفس المشكلة افضل ماشى بيها عادى لغاية لما اهدى لاى سبب العربية تبقى عايزة تبطل ونور الكونتاك يعد ينور ويطفى لو سبتها من غير ما ادوس بنزين تانى تبطل لو فضلت دايس بنزين حتى لو شعرة تبقى دايرة وماشية عادى
ياريت حد يدلنى فين المشكلة ؟؟؟؟؟؟؟

**Elawany13** · 30-09-2011 10:26 AM

كان عندى نفس المشكلة فى الشاهين
العيب من بيك السلانسية
عندى بيك السلانسيه كهربا وكان بيقطع
الميكانيكى قص منه جزء بالقصافه وركبه تانى وشغال عليه عادى

**dev66** · 30-09-2011 04:42 PM

@ Elawany13

انا معنديش خبرة فى الكربراتير بس فى ناس قالتلى ان الكربراتير عندى مش بكات علشان عندى هاف انجيكشن محقن واحد بيغذى المكنة كلها فانا مش عارف

@ mrwho1982

ممكن استفسر من حضرتك ايه هو بلف الايديال ده

وشكرا على المساعدة وسرعة الرد