الموضوع: اللانسر لا تدور..

مشكلة تعرضت لها امس و انا في شارع يسمى احمد عصمت ...
وقفت العربية لمدة ساعة او اكتر.خلصت مشواري و راجع ادور العربية عشان امشي ..دخلت المفتاح و بدور ...ولا كأني عملت حاجة ..مفيش صوت اطلاقا..جربت مرة و اتنين .ولا حاجة !..
رحت لأقرب كهربائي ,بعت معايا واحد من عنده ..قالي تقريبا المارش ممكن يكون فيه حاجة..طيب و الحل ؟! قالي نزقها لغاية المحل ..و فعلا زقينهاها لحد المحل بتاعه..و بعدين دخل للمعلم بتاعه و بيتكلموا ..و لما قربتلهم سكتوا !قولت خير هيه الحالة حرجة للدرجادي! قاللي لا ..ما تقلقش.. و لما بعدت عنهم شوية ..كملوا كلام ...طبعا حسيت انا حتعرض لعملية استقطاع ...خصوصا مع خبرتي المحدودة في السيارات ...قولت اجرب اخر مرة لاقيتها اشتغلت!!!...
روحتلهم و قلت شكرا العربية دارت و انا حوديها التوكيل عشان هيه لسه في الضمان ..
مع العلم ان العربية موديل 2008 الشكل القديم وماعملتش 7500 كم او اقل ..
اللي انا عاوز اعرفه :
ايه اللي حصل ده ؟عيب مني و لا من العربية ؟