الموضوع: اخيرااا ,, ركبت السماعات المدوربن - السونى

السلام عليكم ,,

اخيرا يا رجالة ركبت السماعات السونى فى الابواب ,,للاسف انا زعلان و فرحان ,,هقلكوا لية بس المهم نشوف السونى

روحت بعد مرخصت العربية كنت عندو على الساعة 3,,المهم فكينا الابواب , وخلعنا سماعات الاصلى و ركبنا و الحمد الله كانت مظبوطة بالمسطرة


ادى صورة بعد متركبت مكان الاصلى



فك الكاسيت عشان يوصلهم لقى الدنيا كانت خربانة شوية كل توصيلة كانت متوصلة فى حتة ,,ظبط كل الدنيا

و ركب و قفل و الحمد لله مكانش فية اضرار ولا اى حاجة اتكسرت

وبس كدة و يلا نجرب ,,,

شغلت اغنية تمام ,,, شعور غرييييييييييييييييييب عجيييييييييييييييب -- مش عارف اخد علية ,,حاسس ان فية حاجة غريبة

الصوت جميللللللل جدا ,,, متوزع حلو جدااااااااااا ,, السماعات عاملة بلانس فعلا جميل ,, واضحة لما تعلى


و اللى عجبنى اكتر انها عرفت تقف فى وش ال 400 بايونير ,, عليت 20 الصوت تمام ,,25 تمام جدا بلانس ممتاز ,,30 الى 35 انا متكيف اخر حاجة الصوت طالع من تحت و مش عارف احدد مين اللى اقوى يعنى مش حاسس خالص ان اللى ورا اقوى ( دة طبعا الناس كلها اللى فى الشارع كانت عمالة تبصلى بيقولو عليا مجنون ,,بعد كدةةةةةةةةةةة -- حاسب يا معام من 35 وانت طالع لو انت استحملت الصوت الدنيا هتبقى كالاتى

ال400 بايونير شغالة معاك عنب و يادوب بتقولك انا بدات اسخن-ادينى ,, تبص بقى على الباب تلاقى السونى بتحتضر

ههههههههههههههه تلاقى صوت المغنى كأنو وقع علية دولاب ,, والسماعة بتنتحر عشان تقدر تدى بيز و كلة دخل على بعضوا ,, مع انى مش مدى غير +2 بيز بس ,, بس لو انت قفلت البيز خالص هتسد معاك الى 38 بالعافية

وتلاقى فعلا السماعات كأنها هتفك و تطلع تجرى من الباب

,, بس طبعا الواحد مش طالب منها انها تظبط بعد ال35 لانى ساعتها هكون مشغل الصب و مش محتاجها اصل ,, يعنى ممكن احول الصوت على ورا و اقفلها خالص

اللى مفرحنى انى مرمتش فلوس على الارض و اول مرة اثق فى السونى مع انى بكرهااا فى العدد ,,,بس التريبل بتاع السونى غير بتاع البايونير ,,,فعلالالالالا فى فرق تحسو من اول مرة ( مش حلو ولا وحش ) بس فى فرق لو انت بقالك سنين بتسمع بايونير اول مهتسمع السونى هتلاقى فرق التريبل --- بس انا فرحان

و بخصوص الفيوز اللى سلمونتى قال علية ,,الراجل نصحنى بية بس نوع تانى بيبتدى من 30 جنية ,, قالى اللى ب10 دة بلاش منو لو عايز تركب ركب نوع اسمة بورت فيوز حرارى ,, قالى لو انت جبت ولاعة وولعت فية
مباشرة ولا هيحصلة حاجة و بيبقى ضد المية كمان ,,

اللى مزعلنى بقى حاجة تانية غير السونى ,,انا روحت اظبط العدة كلها بالمرة ,,عندى فى الصبات لما بتشتغل فية صوت زنة رخمة جداااااااااااااااا ,, قولت ممكن يكون عيب توصيل ,, الراجل اول مشافهم قالى دول باظو طبعا انا انهرت و مسدقتوش و فضلنا ساعة ندور على العيب لحد مكتشفنا




حتة البلاستك اللى فى النص اللى مكتوب عليها JBL ( واضحة فى الفيديو ) لاقيناها مفكوكة فهى اللى بتزن ,,,هى اصلا بتبقى ملزوقة لزق قوى و لازمتها انها بتحمى قلب الصب و الكوليهات من التراب ,,لان على كلام الراجل لو دخلها رملة الصب يبوظ وش ( كدة انا اتعكننت جداااااااااااا ) المهم حلها اية ,, قالى هات نوع كلة من اى حد بتاع دهان و فكها خالص و الزقها تانى على نظافة و كدة شكرا كلة تمام



تانى حاجة انى زى منتو عارفين مركب 4 بايونير 400 على جى ام سونى 600 4 شانل ,, بس 2 راكبين على الجى ام و2 على الكاسيت قولت اعدلهم واركبهم كلهم على الجى ام عشان انا عندى 2 شانيل فاضيين ,, قالى لازم يبقى عندك ار سى اية تالت عشان تدية للجى ام و بالتالى يفتحلك 2 شانيل ,, طيب يا عم يهديك يرضيك معيش فلوس ,, مفيش قالى لو عملتلك بريدج هيبقى حرام و هتبوظ الصوت ,, فى الاخر اتفقنا انى لازم اغير الكاسيت لجديد ب 3 اى سى ية

يعنى لسسسسسسسسة فى مصاريف

كل حاجة هتلاقوها فى الفيديو دة ,, اسمعو الصوت و قولولى رئيكم




YouTube - Video127

بعد اذنكوا بقى انزل افك الصب من العربية و اعملة العملية و ربنا يستر يا رب

و يا ريت اكون قدرت افيد الناس

عملت اللى الراجل قالى علية ,, فكيت البلاستيكتين ال jbl و جبت انبوبة كلة ,, و نظفت ولزقت , بكر ان شاء الله هجربها و يا رب يستر ,,