هل الكاست الكينوود 333v يقدر يشغل لحد كام سماعه؟ و اي هو اصغر صب و محتاج جي ام كام وت

**islam_shaker** · 27-03-2011 04:06 PM

هل الكاست الكينوود 333v يقدر يشغل لحد كام سماعه؟ و اي هو اصغر صب و محتاج جي ام كام وت

انا عندي سماعتين كينوود 400 حاطتهم في صندوق خشب ورا
بفكر اجيب اتنين كمان مدورين 16 في الصندوق برضو و اتنين زيهم ادام فى الابواب بس هل الكاست هيستحمل؟
ولا لازم اجيب جي ام؟؟؟

سؤال تاني : لو هجيب صب , ايه هو اقل صب حجما و سعرا و هيحتاج جي ام كام وات عشان يقومه؟
شكررررررا

**ahmad--ezzat** · 27-03-2011 07:04 PM

اسلام باشا ايه الاخبار...انا عايز اعرف ايه حوارات الصناديق دى...يارجل نضف العربيه وشيل كل دة...هات سماعات سونى بدل الفبريقه مقاس 16 ورا مع صب كويس وجى ام سيمفونى يقوم الصب...والاكسبلوجن اصلا مش ناقصه عشان الشنطه صغيره.....ولو ينفع تغير اللى قدام يبقى تمام

يبقى كده الصوت عندك هيبقى نضيف جدا...+ البيز بتاع الصب

وخلصت العمليه...لكن الصناديق والحجات دى الصراحه ملهاش لازمه

والامر ليك فى الاول والاخر

**islam_shaker** · 27-03-2011 08:39 PM

احمد باشا ازيك
انا عامل الصندوق ده مضطر يا حبي لان العربية طلع مينفعش يركبلها رف و الفبريقه بتاعتها مقاس 16 ورا و انا كنت عايز اركب بيضاوي
فاضطريت اعمل صندوق خشب و حاطت فيه سماعتين كينوود 400 و كمان عاملو بجاك عشان لو كنت مسافر و عايز اشيل حاجة بشيل الصندوق و احطو فى البيت :d :d ;d
بس يا سيدي انا باه كنت عايز اكمل شويه حاجات علي الموضوع ده ففكرت احط صب في الصندوق و اجيبلي جي ام فى الحنين كدة
ادي كل المووضوع يا باشا

**ahmad--ezzat** · 27-03-2011 08:56 PM

انا عارف الكلام دة انا دارس الاكسبلوجن دى جدا حته بالاماره عفشتها ناشفه جدا :).........بس انت مفهمتش وجهه نظرى....انت طالاما غيرت سماعات الفبريقه بحاجه 3 واى.....بالاضافه الى الصب....فانت مش محتاج الكينوود خالص
وعموما دة اصغر صندوق محترم ممكن تجيبه

متقلقش من حجمه فى الصوره هو اصغر من كده...موجود عند فانتازيا

**islam_shaker** · 27-03-2011 08:57 PM

ده يعملو كام يا احمد و محتاج جي ام كام وات يقومو؟

**ahmad--ezzat** · 27-03-2011 09:01 PM

الحقيقه سعره مش فاكر بالظبط تقريبا 500 على ما اعتقد (خد بالك متدخلش فى قصص صبات متجمعه لان الجاهز بيكون مظبوط بالمللى وتقفيله افضل)

والسيمفونى يقوم بالواجب معاه جدا 400 وات

كان عندى وكان نافخ البازوكا

ولو الفلوس مزنقه معاك شفلك حاجه من هنا تكون استعمال نضيف برضه